九十年代初返學返牛頭角, 當時我返下午班, 翠屏道上車, 的士司機識行協和街 康寧道 功樂道 通明街避開裕民坊 開源道擠塞, 唔識路嘅先會行觀塘道.
所以, 正常職業司機係識得搵路上牛頭角道, 例如行樓上提到的欣業街, 或者幾年前新開的右轉翠屏道.
塞緊車繼續行迴旋處 協和街 裕民坊嘅, 都係公共交通工具(現在連小巴103往清水灣見唔對路都識用翠屏道 福塘道調頭去穩定班次), 而且唔見得有好多車會上協和街, 經觀塘道西行入迴旋處的車輛, 目的地係以開源道及apm至觀點中心一段觀塘道為主.
如果要整新設施應付樓主提到的需求, 我會建議觀塘道東行/定安街交界新增燈位, 在定安街口前面一段觀塘道橋底增設調頭處, 讓觀塘道西行車輛利用此調頭處回觀塘道東行轉上雅麗道往牛頭角道.
增設新交通燈位及調頭處後, 觀塘道東行短距離的兩盞交通燈燈號(定安街口及雅麗道口)首要方便車輛直去觀塘, 其餘時間則先後讓車輛由定安街駛出觀塘道, 及觀塘道西行經橋底調頭到東行上雅麗道.
上述由定安街轉出觀塘道及經調頭處上雅麗道的新交通管制措施, 其燈號時間可完全參考下一個路口, 即現有雅麗道/觀塘道/勵業街交界, 如此一來, 觀塘道東行車輛(以巴士為主)便可一次過駛過兩個路口.
至於現時觀塘道西行雙線直去定富街巴士站一段路, 右線會改為直去或右轉調頭處, 而左線則與現時一樣, 供直去或左轉欣業街, 這正好讓司機減速通過勵業街口, 有助減低交通意外發生機率.
新調頭處受橋底高度限制, 會利用的都是一般車輛, 這樣分流, 既可減少車輛經開源道迴旋處及觀塘市中心前往牛頭角道沿線, 牛頭角道西行上落貨活動集中在東行慢線, 西行雙線應收窄及劃為全日禁止停車(專線小巴除外), 裕民中心上落客貨必須在馬蹄徑進行, 而東行則擴為闊雙線. |