建議新巴新線2P，同時調整新巴2X及8走線

咁認真講，柴灣道往返杏花邨的客量真係好少
近明華的可用 85
鯉魚門公園十分稀少
東區醫院，高威閣都係小巴 / 下閘落柴灣轉工工業區返去杏花邨都嫌兜
都係直接柴灣站轉
翠灣，杏翠 都係 85
計剩咪得番宏德居，漁灣邨呢啲吊腳位又唔想行去地鐵站的客，有幾多就心中有數啦

先講講西灣河、筲箕灣道路網問題：
一講起西筲，最大問題係分開左3個區，但客量明顯不足以拆開三條路線運作。
一、耀東、興東（山上）
二、筲箕灣道（電車路）
三、鯉景灣、愛秩序灣（海皮）

以中區特快線為例，
720就要海皮搭電車路；
而722就山上再加多個康山同QB，非繁先夠客撐得住。
問題係，兩線既車程都唔算吸引。
就算720上繁唔停太古城，但對頭幾個站既海皮客，要兜完筲總同電車路先上公路，車程依然唔算吸引。
而722東行亦礙於道路網問題，硬食鯉景灣，對耀興東既居民一樣唔吸引。

*****
講返2X、8同「2P」呢組：
樓主既新2X西行尚且勉強做到筲箕灣道（因為西行上耀東要去到新成街），「西灣河文娛中心」既客尚可行去太康街上車，係做漏左一個海晏街；但東行架新2X要去到南康街先落返山，變左大半條筲箕灣道做唔到。
至於2P，呢種走線對愛秩序灣同鯉景灣當然吸引，不過非繁就算加埋杏花邨，又出到幾多客係疑問。
市區線（兼有黨鐵競爭）太疏又趕客，太密又載空，都幾麻煩。
再加埋8號本身柴灣區流水功能（如果真係咁重要既話……雖然我唔太認同），咁不如唔好麻煩到8號。

******
我既初步建議：
暫且唔搞2X、8住，
單純下繁開幾班2P試下水溫。

駱克道街市（唔入灣北哂gas）-> 軒尼詩道 -> 怡和街 -> 興發街 -> 東廊 -> 愛禮街（跟九龍方向102入） -> 愛勤道（東旭苑）-> 太安街（逸濤灣）-> 興東 -> 耀東

咁對愛秩序灣係吸引之餘，耀興東又唔算太耐，至少比而家2A、77快，睇下吸引力有幾高。

區外人角度，2P 同 8 重組可取，但筲箕灣道無銅記快車的確唔理想，
而且依家仲有條載空氣嘅 8H 可以拉落水，無必要將 2X 搬上耀興。

求其一諗，將 8H 一分為二，一條柴小後兜耀興上東廊做銅記循環，
另一條縮落嘉亨灣（可過海入埋新界），2X 縮返落筲總飛愛秩序灣，
咁就大家都有得快，筲箕灣道 <> 東華東院補 2X 轉耀興版 8H BBI 就夠。

不過都係想問下 8H 東區落東華東院有幾多客？