網傳有新巴車長開車用手機被炒

HE7921 發表於 2021-12-9 10:30
佩帶耳機有機會聽唔清楚乘客查詢

剩係戴右邊應該可以
我唔讚成戴晒兩邊

ctb234 發表於 2021-12-9 10:20
帶耳機我覺得無問題
揸車太耐會眼瞓
有時聽歌,聽收音機會精神d

其實用藍牙會好D的但有機會聽唔到乘客詢問,但最好應該好像以前兩巴無冷氣年代一樣容許車長可以係唔影響工作下帶小型收音機係揸車時使用.(但唔可播賭博節目和大聲播放)

俾人捉咗3次都唔改，冇得賴啦

ctb234 發表於 2021-12-9 10:40
剩係戴右邊應該可以
我唔讚成戴晒兩邊

即係免提？我見有啲南區嘅司機都有戴，類似小巴/貨 van 司機嗰啲，朝頭早都會同你打招呼，完全唔覺得有聽唔到乘客查詢呢個問題

ctb234 發表於 2021-12-9 10:20
帶耳機我覺得無問題
揸車太耐會眼瞓
有時聽歌,聽收音機會精神d

其實對行車安全有影響！
塞住右邊，某程度上對來自右邊路面聲音反應會比無戴耳機為低。
所以有唔少車長在非雨天都會開窗，除咗空氣流通亦可以靠週邊聲音聽到身邊有無其他車輛增強警覺性，如果係踩大油加速都可以聽到聲，對轉線/駛入路口都有幫助判斷！
因此巴士公司完全禁止行車時使用手提電話及其免提通話裝置亦有佢道理。

揸車根本唔應該用手機，職業司機定私家車司機都係咁話，仲要係撥手機，無得兜。

睇返對話，估計可能若干版友係未學過揸車，所以覺得問題不大。其實駕駛考試其中一個重點就係安全，駕駛時間根本不應該用電話、最好連免提都唔應該用，駕駛時要時刻望住左鏡、右鏡，有時要望盲區，也要用聽覺去輔助，了解當時交通情況，巴士咁大架車就更加要睇，速度要安全，畢竟車上係有乘客。電話應該留返係落車時慢慢用，即使有急事都係咁，冇辦法，呢個係作為司機嘅責任，也是一些犧牲。