論：行車紀錄員

不知不覺，自己做咗差唔多四年嘅「行車紀錄員」，想講少少對而家嘅行記嘅睇法：
而家嘅行記做乜嘢都好趕時間，首航嘅時候通常都見到一班行記帶埋屋企人早幾個鐘去排頭位（據講以前試過有人通宵露營），一見到職員派單張嘅時候就衝哂上去搶，上車嘅時候明知仲有一段時間先開車都要死衝爛衝上上層擺機，上到去攞到個車頭位就覺得自己好威咁樣。

上到車又嘈喧巴閉，開車又叫，停車又叫，乜嘢都可以叫一餐，一見到有人「炒片」就勁大聲嗌，一部機「炒片」就有一堆人衝哂出去食花生，見到有其他行記中途上車就衝哂出去「迎接」，有冇諗過冇人想被你哋「迎接」啊？

佢哋拍完啲片又係好快就剪完放上網，基本上首航到總站之後一個鐘左右就可以見到第一段行車片。

我個人認為前一兩年應該係最癲嘅時期，實不相暪嗰個時期我都有份癲，因為嗰陣唔係停課就係放假，班家長都冇阻止班小朋友出街，只不過係而家疫情太嚴重先至冇咁癲，疫情一過又會再嚟過。

一句到底，而家見到嗰班「新一代行車紀錄員」咁癲就眼冤，有得揀我就等多一兩班車先上。

所以我一直只睇肥毒_、basiling Mr、Vincent Chong呢啲老一輩行車紀錄員，至少佢地唔會干預其他人同濫用快鏡

反而想知做行記有無少少外快搵

好似船比較冷門
但見幾個活躍既都有廣告
船亦多角度唔會只係車頭視角

kay 發表於 2022-3-1 17:18
反而想知做行記有無少少外快搵

好似船比較冷門

基本上係冇錢賺，仲要俾錢自己買器材同搭車。（有人贊助就另計）

同埋船嘅話，係好難搵到一個「船頭視角」，對於嗰班拍開巴士嘅行記嚟講係冇吸引力可言。

Popcorn 發表於 2022-3-1 18:19
基本上係冇錢賺，仲要俾錢自己買器材同搭車。（有人贊助就另計）

同埋船嘅話，係好難搵到一個「船頭視角 ...

咁純粹想帶出係咪只有車頭視角
但其實唔計痕記
都多左唔少巴士MTR大戰

整片問題係一條短片都可以搞你半日
係痕記片先可以稍為工序無咁多

我見外國有人係香港拍電車片
係YOUTUBE長期扮播LIVE

所以係睇點做