巴士擋風玻璃起霧「白濛濛」照開？

szeto993 發表於 2022-12-19 16:41
唔好傻啦，呢個問題已經發生咗幾年，後來有部份車好似見親都係高載B9先有加發熱線補救，到呢排日日坐龍運 ...

天氣冷+落雨天起霧﹐問題的確係幾年前非常嚴重﹐原因係九巴cut走左吹風機﹐所以出事。

之後﹐九巴已經補裝番晒﹐上面的報導係有講的。
並非好似上面最初的回應﹐話人家好似無左件事。

而我亦有一點都想講﹐唔好以為職業司機就一定識得應對起霧問題。
我都遇過有職業司機有此問題(非巴士)﹐要搵行家求教。
所以﹐唔係當事人/親身旁觀﹐就唔好咁肯定司機一定識得應對起霧問題。

因此﹐我就唔會講報導內的一張相﹐情況去到咁惡劣﹐會係司機問題﹐定係巴士本身的問題。
亦即係我前文提出4個原因﹐2邊都有機會問題所在。


至於九巴車起霧問題﹐今年所見係有改善。
我唔係話完全解決晒問題﹐但九巴唔係無做過野。
至於係唔係做得好好﹐我會話應該仲有改善空間。




至於你問到防起霧的風機有幾有效﹐我都唔會提供到一個肯定性的答案給你。
下面有4個應對方法﹐那一個係最好﹐自行思考。

起霧成因要有2個條件同時發生﹐分別係濕度高及溫差大。
當明白到起霧的成因﹐自然想到方法去處理。

1. 開大冷氣﹐將冷氣吹向玻璃﹐原理就係解低玻璃內外的溫差。
不過這招在九巴一定唔work﹐在其他車work的機會好高(視乎有無得調校冷氣出口直足玻璃)。
原因我都唔需要多講。

2. 開風機(暖風)﹐原利係靠暖風去降低車廂內的濕度﹐令到唔易起霧。
不過﹐用於巴士之上﹐我就一直有懷疑成效﹐但係好多人都話係work。
當然﹐我唔係用家﹐我都唔會評論此方法究竟得唔得。

至於點解我話用於巴士上成效成疑﹐主因係一打開車門上客﹐車外的濕氣會湧入車內﹐剛製造出來的乾燥環境又被打回原形。
在暖風的作用下﹐令到玻璃2邊有一定溫差﹐結果又再起霧。

不過理論上﹐當玻璃被暖風吹得耐﹐令到成塊玻璃內外都變暖(溫度較為一致)﹐都可以做到唔起霧的效果。
問題就係所需的時間。  <= 呢個可能就係報導所講﹐九巴叫司機一上車就要開暖風機的原因。


而這個方法﹐仲有一個問題會產生﹐就係開車之時無霧氣問題。
所以﹐司機唔開風機都好正常。
行車期間﹐開始落雨﹐濕度升高﹐開始有霧氣出現。
此時你才開風機...... 由於係暖風關係﹐就會即時有更的大溫差﹐所以會將起霧問題加劇的。
你係需要更多時間慢慢等濕度下降﹐情況才會有改善。




3. 都係開風機(抽車外空氣) 或 打開車窗。
原理極為簡單﹐就係令到玻璃2邊的環境相同/非常接近﹐自然唔會起霧。

以前熱狗車﹐司機就係用這個方法。司機位的車窗及擋風玻璃的氣窗仔﹐如非必要都唔會關的。
這樣﹐乘客車窗起晒霧﹐擋風玻璃都係清晰無霧的。


4. 唔用起霧的成因作應對﹐當然都有用化學品去處理。
幾年前九巴抽起唔裝吹風機﹐佢自稱就係用此方法。
當時﹐仲出埋通告叫車長唔好自行清潔擋風玻璃。

kei_hk 發表於 2022-12-19 22:23
天氣冷+落雨天起霧﹐問題的確係幾年前非常嚴重﹐原因係九巴cut走左吹風機﹐所以出事。

之後﹐九巴已經補 ...

本來當食花生懶得回復
但見你大條道理既歪理實在不吐不快

起霧成因要有2個條件同時發生﹐分別係濕度高及溫差大。 當明白到起霧的成因﹐自然想到方法去處理。
你講既原因無錯 但只係講中一半
如果你講既情況係夏天的話的確無錯
情同以往白板時代 AL既冷氣凍到車內外空氣小水點凝結係玻璃窗
而最近既原因就係因為天氣凍, 加上車內有冷氣, 令玻璃內外都凍, 加上濕度高, 令空氣中既小水點凝結係玻璃窗


1. 開大冷氣﹐將冷氣吹向玻璃﹐原理就係解低玻璃內外的溫差。 不過這招在九巴一定唔work﹐在其他車work的機會好高(視乎有無得調校冷氣出口直足玻璃)。 原因我都唔需要多講。
唔計有暖風既舊車, ADL車系只有冷風除霞提供
最近天氣凍, 如果用冷風除霞, 可以令車內側既小水點吹起, 但結果令玻璃更凍, 結果令車外側既水點更為凝結係玻璃上。


2. 開風機(暖風)﹐原利係靠暖風去降低車廂內的濕度﹐令到唔易起霧。 不過﹐用於巴士之上﹐我就一直有懷疑成效﹐但係好多人都話係work。 當然﹐我唔係用家﹐我都唔會評論此方法究竟得唔得。 至於點解我話用於巴士上成效成疑﹐主因係一打開車門上客﹐車外的濕氣會湧入車內﹐剛製造出來的乾燥環境又被打回原形。 在暖風的作用下﹐令到玻璃2邊有一定溫差﹐結果又再起霧。 不過理論上﹐當玻璃被暖風吹得耐﹐令到成塊玻璃內外都變暖(溫度較為一致)﹐都可以做到唔起霧的效果。 問題就係所需的時間。  <= 呢個可能就係報導所講﹐九巴叫司機一上車就要開暖風機的原因。 而這個方法﹐仲有一個問題會產生﹐就係開車之時無霧氣問題。 所以﹐司機唔開風機都好正常。 行車期間﹐開始落雨﹐濕度升高﹐開始有霧氣出現。 此時你才開風機...... 由於係暖風關係﹐就會即時有更的大溫差﹐所以會將起霧問題加劇的。 你係需要更多時間慢慢等濕度下降﹐情況才會有改善。
依點簡直係亂UP 既極致
利用暖風除霞唔止係(九巴既)巴士, 私家車都同樣係用熱風。
而利用熱風既原因唔係要減少溫差, 而係加上溫差而令凝結左既小水點加溫變翻液化水點
小學生既常識黎
而舊巴士, 私家車車尾同富豪車補裝既發熱線同理
而打開車門更加有助除霞(街外暖空氣加強溫差)
所以加裝左發熱線既富豪/ 有熱風既舊車除霞最好


3. 都係開風機(抽車外空氣) 或 打開車窗。 原理極為簡單﹐就係令到玻璃2邊的環境相同/非常接近﹐自然唔會起霧。 以前熱狗車﹐司機就係用這個方法。司機位的車窗及擋風玻璃的氣窗仔﹐如非必要都唔會關的。 這樣﹐乘客車窗起晒霧﹐擋風玻璃都係清晰無霧的。
原理同2, 係街外暖空氣加強溫差

kei_hk 發表於 2022-12-19 22:23
天氣冷+落雨天起霧﹐問題的確係幾年前非常嚴重﹐原因係九巴cut走左吹風機﹐所以出事。

之後﹐九巴已經補 ...

我淨係想知除霧風機要煲幾耐先有效，你可唔可以答咗先？

愚問：為何現在的專利巴士不讓車長自行調較空調溫度及出風量？

九巴以我所知，ADL係用風機，B9係用發熱綫，B8 少楂唔知
ADL 個效果係好快，B8發熱綫就慢少少，不過都係一兩分就會清

各位唔好諗到啲師兄師傳咩都識，我都好多嘢唔知，冇見過唔識開一啲都唔奇
ADL 新頭舊頭個風機制大燈制嗰啲都唔同位，唔好講其他車如舊ATE，ATEU嗰啲

就算知道個制响邊，開開吓車要離開前方路面，摸個制都好難，一陣開錯摸錯都煩

另外玻璃會白其實好簡單，就係玻璃內外温差，水點凝固，冷氣車夏天因為入面涷，水點會响外面凝固，開水潑可以解決，但冬天係相反，車箱暖，水點會响車箱內凝固，個處理方法就係要令到內外温度相近，就係九巴用既風機或發熱綫，個人鐘意風機多啲，雖然冬天要用到要開司機位會好涷><

EG6915 發表於 2022-12-20 12:31
九巴以我所知，ADL係用風機，B9係用發熱綫，B8 少楂唔知
ADL 個效果係好快，B8發熱綫就慢少少，不過都係一 ...

冷風吹個效果唔好，似乎城巴都開始有司機投訴63XX/64XX出凍風除唔到霧

szeto993 發表於 2022-12-20 19:22
冷風吹個效果唔好，似乎城巴都開始有司機投訴63XX/64XX出凍風除唔到霧

其實個風機唔係出涷風，佢只係响車外既生風抽入車箱令到玻璃温度平均而令到唔會有温差起霧

B9 發熱綫個問題係隔一段時間會自動關，要禁制再開

個人鐘意風機多啲，因為起得霧多數門玻璃都一齊起，風機仲有機會吹到少少

不過嗰啲日子楂車都係辛苦