新巴唯二F牌二手 Dart: DC19 / 20 遊走東區上山循環線

好耐無貼菲林相, 今次想分享來自中巴的前中巴 Dart:
DC19 同埋 20. 佢地不但係同隊中最新果兩架,
可惜服役時間略短, 但亦更有特別的亮點, 略述如下:

DC19 新出中巴時係南區後備, 出牌後代表中巴參加92年巴士大集會,
印象中在543 取消後先過柴廠 (應該係N14 後一兩年) 跟DC20一齊服務山頂.
轉新巴色後一段時間只改用連貫光管同埋換引擎,
入面內籠無改, 保留中巴人造真皮到退,
另加車頭車號所有顯示, 包括大驗年月 "3.98.F" 亦保留....
影果日佢行27, 影完同老友上車一遊.....

至於DC20, 新出係後備, 好似到山頂線加冷先上牌.
佢係第一架改裝新巴內籠的同類,
換新巴旁版, 絲絨座椅同埋可調教冷氣出風口;
但車頭灰色組件全保留, 成為成隊DC當中最突出得特色.
影果陣無記錯第一架樣板 DC1 亦在2M 做鐵腳 (日後再分享)....

最後就應該係待劏的 DC19, 車尾顯示84M (最後服務線),
而DC20 埋尾亦都在柴小循環線埋尾,
多謝點閱, 歡迎跟相.....