飛行報告: KE608(HKG->ICN)

今次係我第一次寫飛行報告...多多指教!

自己真係無咩機會搭飛機...是次係第2次搭飛機出國...上一次搭飛機出國係上年去泰國,也是自己第一次搭飛機...
繼上次搭泰東去布吉...今次搭大韓去首爾仁川...相比之下...大韓o既服務當然係更勝一籌....


入番正題...是次行程為香港往首爾仁川...相信呢班機唔少人都寫過報告...是次係跟團去首爾...雖然旅行社單張寫明會有機會坐OZ同TG...但正常情況下都係坐KE....
航班編號: KE608
日期:30-8-2007
機型:B747-COMBI(HL7480)
起飛時間:00:25
實際時間:00:30
抵達時間:04:50
實際時間:05:00

當日搭216M轉E22到機場...等E22等左成15分鐘至有車黎...一部私牌走...上左20:05果班...有客更等左成35分鐘...司機話原來係19:47果班車司機碌車碌到返唔切黎開...結果就無左果班車... 搭左成1小時15分鐘到達機場...機場人流唔算多....但下層接機就反而多人些.....


大韓check-in counter在E行段...



當晚共有3班機前往首爾..分別是CX412(00:20)..KE608/DL7916(00:25)...OZ724/UA4862(00:30)...其中KE同OZ有部份係轉機客...


我所坐O既Y-CLASS


好快就行到去22號閘口...中英顯示調番轉似乎好D....




入閘閘口


是次主角係747-COMBI(HL7480)....呢部亦都係大韓入面唯一一部COMBI機...屬於KEo既747-400 E-TYPE....有幸可以坐到....



是次行程登機證...23:55往22號閘口登機...本人座位係25A(跟手寫個NO.坐)10成係窗口位


更驚喜o既係座位係響747上層尾排....一入到機空姐指我向下層搵位...但搵唔到...結果再搵番空姐...至知原來係響樓上...


SAFETY CARD


上層內籠...留意有2部可以伸上伸落o既TV...呢個位真係正...後面又無人....


座位上已放置一張毛氈及一set耳筒.....座位空間很鬆動....


旁邊有個迷你儲物櫃...我放左我個袋入去...而且上面可以放東西...非常方便....


亦因為咁...所以望出面o既境果陣都要低頭望....較為辛苦...旁邊泊左部KA o既A320...


起飛時係唔可以用任何電子器材....加上係晚上...所以無相可影...滑行到跑道後....又要排隊等起飛...當前面2部CX起飛後...我果部又要等部CX同部KA落左之後...至輪到我地起飛....廣播次序為韓文->英文->普通話....由於空姐們不懂普通話...所以播錄定o既普通話....(有點似朗誦...)

747通往上層o既梯級...


坐了一陣後...就開始派小食同飲品...十分之愛食o既花生....但橙汁d 味有點奇怪.....之後就開始派飛機餐...由於係最後一排...所以到最尾至派到比我...結果就選左個韓式伴飯.....有埋張memu教你點食....唔使怕唔識食...韓餐大多都係多菜少肉...雖然係好淡下..但落左d 辣醬(紅色蓋果支)後卻很開胃...清左碗飯....食完飯後就開始訓覺(機內燈光開始調暗)....但好難訓得著...因為d冷氣風聲都好嘈下...成程機都好涷下....


-下文待續-

[ 本帖最後由 JX7348 於 2007-9-6 02:51 編輯 ]

幾小時機程後就到達仁川機場....前後腳共有3班機抵達....當機停定後未可以起身住...呢部機要做一個平衡機身重量o既程序...需時約5分鐘...可能係由於機尾裝貨物o既緣故....完成後就開始落機...

落到去度門都仲未開得...等左一陣橋出面都係無人開門....結果就安排去左prestige class度門離開.....

一路經過條長廊去到入境櫃位果面...


對出泊左部OZ...


入境櫃位外國人果幾個就大排長龍...反而韓國人果邊就好快清晒...於是比保安叫左去排韓國人櫃位果面....

過左之後就去扲行李...去到已經見到我件行李出左黎...過埋海關換埋韓幣就出到去大堂...正式光臨韓國...
大堂佈置不錯...由於韓國較注重環保..所以大堂入面都種有不少植物...


大韓服務櫃位...


整體黎講....我對大韓服務十分滿意....自問自己係一個要求唔高o既人...繼上次搭完泰東後...更加滿意大韓各方面之服務...

空姐服務態度十分之親切....時常以笑容待客....而且樣貌亦不錯.....  
舒適度亦不錯....座椅空間闊落...每張座椅圴提供了一個小枕...腳部有足夠空間活動....
飲食方面亦是滿意...美味o既韓式伴飯...唯飲品味道較為奇怪...可能係我飲唔慣o既關係....
娛樂方面卻是可以接受...雖然沒有PTV....但亦有多個唔同o既頻道收聽唔同類型o既歌曲...TV亦只播放FLIGHT MAP....相比起上次泰東什麼娛樂也沒有...只得外殼o既TV同頻道控制器....
整部機亦很清潔...化妝間亦很整潔....更提供了不同類型o既個人衛生用品....

去程報告到此為止...回程報告快將送上..... 希望大家支持支持!

Excellent report, HL7480 is a good machine and look forward to see your return report!

Was your return leg on KE603/613 or 607??

之前未換座椅套o個陣，o的人話架機又焗又乾，
自從換左後咩都新哂，都頗不錯！