大學搞活動, 真係一定要咁...?

係呢個暑假, 好忙, 除左返暑假工, 仲要搞 Orientation (一般稱O-camp),
我地個 O, 係唔同出面成日好負面的O-camp, 我地好講Objective,  
好講要俾到野Freshmen, 例如會用standing order (香港大學會議常規)
去處理一d freshmen遲到問題, 可以講比任何中學仲要嚴, 又例如每
一個Programme 都要切合我地的theme,  我地絕對唔會只是玩玩下,
最初決定搞 O,除左係想為freshmen外, 仲想係為開心, 一班
Organising Committee 7人(OC), 大部份都friend 底, 原本真係好好....
而成班幫手的人, Coordinators (Co-or) (即一般組爸組媽)本身關係都唔錯......

但搞搞下, 先發覺會出現好多問題, 最唔開心係好多好多人事上的問題,
我中學係童軍, 都有搞D活動, 但認為人人做好自己就OK, 邊個唔掂, 有
人自然會去頂上, 完全無諗過人事關係.....

但係大學, 大家係唔係會為爭工, 會為利益而不和呢......係搞O其間,
出現好多問題, 有OC與OC之間, 有OC與Co-or 之間, 有一個庄同另一個
庄之間, 尤其最後一個... 好多明爭暗鬥, 好多不和, 好多不滿......雖然
我係OC 唔係乜大職位, 但見到咁, 真係好唔好開心, 點解要咁....

我明白有人的地方就一定有人事問題, 但我想, 真係工作, 真係商業社會
先出現, 大家係大學, 本身都係同學仔, 又唔係有乜金錢上的利益, 係唔
係真係要做到咁呢.....昨晚通頂Sharing, 我見到好多同學, 不論男女, 都
喊晒, 我真係好心痛, 乜大家一齊唔係為開心咩, 點解咁多人為唔開心而
喊, 係自己做得唔夠好, 定係點呢.....

講講下, 似講左自己感想, 但最想講的只係, 都未出黎做野, 有d人就已經
變成咁, 已經變成咁勾心鬥角, 咁利益化, 我真係好失望.....好唔開心....
亦好擔心佢地, 咁快就咁樣, 幾時做到老......

唔知其他板友搞活動, 又有無呢d問題呢....

[ Last edited by 3ASV196 on 2005-8-26 at 13:33 ]

有人的地方就會有紛爭，權鬥總是
少不免。

少年人初面對這種事情，總會不習
慣，但「入世」多年後就會有深切
體會。

有時不如意事情，站在少年人的角
度看，總會覺得不合理、又或吃了
虧。若干年後回望，就會明白「衰
」在那裏。

有時盡了力、又或憑良心做事，結
果總是不如意，數年後再回望，原
來係自已「走得太前」、「喧賓奪
主」、不懂看形勢、又或所做的善
行影響既得利益者，故慘淡收場。

又或太好人、相信人，被人搵笨而
不自知。「走得太埋」亦可變成「
傷害更大」。

不過世上沒有永遠的敵人，幾差的
關係總有冰釋前嫌的一天。

願共勉之。

唔止大學, 連中學都會出呢個現象

小弟於中六擔任母校其中一個學會的主席, 果個學會
本來就好霉, 虧蝕嚴重, 缺乏經費, 幾乎摺得。撫心
自問自己唔係一個領導的材料, 基本上沒有能力去
搞好一個學會。幸而身邊有一個領導及交際的能手,
以及一班能屈能伸的幹事, 使學會在該個學年內迅速
冒起。在這一年來, 幹事數目很少, 亦沒有甚麼會員
規則, 但幹事間相處融洽, 辦事雖辛苦但很愉快。

到了下一個學年, 這位領導能手當上了主席一職,
學會亦設立完整的架構, 推行會員章則, 招攬不少
幹事, 培育未來的接班人。這一年學會人數已成為
全校之冠, 可是不愉快的事件陸續發生。話說這一
年的總幹事由主席身邊的好友擔任, 而佢地由中二
已經開始拍擋, 大家一直都合作無間。可是, 這名
總幹事卻為了權力而與主席反面, 拉攏幹事, 說主席
壞話, 破壞會議情序, 沒有履行個人的職責。主席
多次明示暗示勸告佢、警告佢, 但佢仍然若無其事,
於是主席逼不得已削去佢的權力。後來情況持續
惡劣下去, 主席與我及一班舊幹事商討佢的去向
問題, 並決定於假期召開緊急會議。這次會議公審
這名總幹事的表現, 但佢被審問時顯出不合作態度,
更反指主席誣蔑佢, 又無端端宣讀基本法。結果大
家耐佢唔何, 主席只有提防佢繼續搞事, 只好提早於
六月份將會務交接。

回顧這件事件, 大家意識到利益能夠沖昏人的頭腦,
使天真無邪的地方不再純潔, 使合作無間的好友
反目成仇, 使生活增添憂悉... 究竟在利益之上
有沒有真正的朋友?

其實再同人講同埋睇左版友D意見, 我都好明白個情況,
權力/利益使人有衝擊, 往往引起其他人唔開心, 雖然我
唔想咁快面對, 但這亦是人生必經階段.....

講講下, 似講左自己感想, 但最想講的只係, 都未出黎做野, 有d人就已經
變成咁, 已經變成咁勾心鬥角, 咁利益化, 我真係好失望.....好唔開心....
亦好擔心佢地, 咁快就咁樣, 幾時做到老......

唔知其他板友搞活動, 又有無呢d問題呢....

小弟先後響Poly同City ge大莊做過野黎
對呢D事都已經睇化晒
(發生過咩事呢....小弟之前都講過唔少次....所以唔再講啦)
不過聽過有個老鬼話
其實響大學上莊
根本無乜野實質ge利益好爭(除非穿櫃桶底打斧頭呢D犯法野啦)
所以呢D所謂"勾心鬥角"說穿了不過只係細路間ge意氣之爭
只要無D得閒得滯ge人煽風點火
呢D事好快就可以平息
不過如果出現呢D咁ge事....莊員關係同士氣難免低落
係好無奈....不過好難避免
尤其響city呢邊做
對呢樣野感受特別深
我都萬萬估唔到
本來響莊期上半年同我最友好ge莊友
可以因為搞O camp而要抹面
而亦都因為O camp
本來因為形勢關係而要加以疏遠ge莊友又再同我企響同一陣線

不過上莊係咪真係完全無實質利益可以爭呢?
咁又唔係
莊裡面有人爭女ge事小弟都見過
而大莊之間爭budget ge事更加係涉及金枝慾孽式鬥爭
不過我唔係坐響好高位置
所以唔關我事

如果講莊裡面ge政治活動
其實通常最常見ge莫過於搞小圈子
呢樣野響D廿幾人ge大莊實有
咁就要睇下你係唔係D會去埋堆ge人啦
如果唔係....坦白講....都好難有定企

其實大學比中學同小學更似一個社會ge縮影
因為大家都開始俾利益沖昏頭腦
所以引用某專欄作家ge政論
奸人不外乎呢3樣:
吃裡扒外 食碗面反碗底ge人
(呢D人好難提防 只能說一次不忠百次不用)
諂媚奉承 口蜜腹劍ge人
(如果坐高位ge話更加要留意)
左搖右 看風駛舵ge投機者
(呢D人同佢玩下都可以 做野時就要避免拍埋呢D人度)

對對想試下上莊ge朋友
我會建議如果係想尋開心ge話
就上細細地ge屬會就算啦(即係D乜乜物物學會個D)
個D莊通常政治活動相對少好多
莊員關係亦都相對好好多
除非係想試下"做大事"(例如幫手做學生刊物又或者做公眾人物)
如果唔係唔好上學生會D心大莊(即幹事會/編委/評議會/仲委)
決心要上ge都要做好面對政治活動ge準備

[ Last edited by kychung on 2005-8-26 at 23:46 ]