由屯門市中心來回沙田恆安村

請問於早上時間、下午和晚上時間，來回屯門市中心，沙田恆安村
有什麼較好的選擇

現時已有的方法
1. 263 + 40X/43X < ==  等車時間過長，巴士常常滿坐

因此找到以下方法，效果請問會如何？
2. 263 + 86K
3. 60X + 87D  <== 等車時間較短，但全程行車時間會如何？

請問有沒有更好的選擇？謝謝解答！

如果唔想等車等得耐, 同時又有位坐, 難以兩者兼得.

先評論下咁多個方法:

方法1: 263只係班次疏D, 屯市上車一定有位坐同埋係最快去到城隧的方法. 去到城隧轉車站即使繁時亦不難上到第一班40X / 43X. 只係未必肯定有位坐.

如果唔想等咁耐車, 可考慮華都搭58M / 68A, 去到眾安街轉43X. 雖然眾安街上43X幾乎肯定有位坐, 但58M / 68A去到屯市果陣, 肯定擠迫過城隧的40X / 43X.

方法2: 小弟唔太清楚86K的情況, 不過呢個方法幾乎肯定有位坐之餘, 頂多比方法1慢15分鐘.

方法3: 絕不建議呢個方法, 兩條線班次雖密, 但兜之餘且途經塞車黑點. 咁坐法不如全程鐵路好過.


另類建議:
先乘44系綠小去上水, 轉乘火車去大學站, 再轉乘87K. 三程的班次密, 不難有位坐兼且係最快的方法, 不過價錢就貴得多, 且比263 -> 40X / 43X 唔慳得幾多時間.

[ 本帖最後由 s3n370 於 2009-11-11 20:25 編輯 ]

謝謝你的解答

據朋友所述，方法一：40X, 43X, 263三條路線班次疏落，等車已經等到發火，而在城隧轉車時，幾條線的人龍好多時長到等足3部車都上唔到=.="

方法三：實際上未試過，但若果晨早時份由恆安出發，在八時左右去到屯門市中心
又或者晚上8時後由屯門市中心出發，會否較少塞車？
謝謝解答！

屯中出荃灣可以靠60M，雖然慢一點，但因為上車點係總站，所以包保有位坐

清晨由馬鞍山入屯門，都係用城隧方法啦，早上七點幾263入屯門應該唔會太多人坐

其實我都係建議樓主坐去荃灣再轉43X...
263都唔係快得去邊
可能等到263，60M都到左荃灣了...

鐵路方面...不建議
因為仲sai時間
淨係由屯門去沙田都冇左成粒鐘

[ 本帖最後由 OTIS401 於 2009-11-13 22:37 編輯 ]

原帖由 OTIS401 於 2009-11-13 22:35 發表
其實我都係建議樓主坐去荃灣再轉43X...
263都唔係快得去邊
可能等到263，60M都到左荃灣了...

鐵路方面...不建議
因為仲sai時間
淨係由屯門去沙田都冇左成粒鐘 ...

唔好唔記得 263 一出荃灣係即上城隧
唔經荃灣市中心 ~

如果有 263 開車時間表, 263 絕對係 best choice


另外樓上話 58M / 68A 出荃灣冇位
可以考慮 60M 及 66M 落荃灣鐵路站, 之後步行前往眾安街

小弟早排每朝都要由恆安去掃管笏 (8點前到)
車就一定唔會塞
43X每10分鐘一班,計準時間落樓只需等一兩分鐘
去到城隧,269D同263通常都係長龍
穩陣的話,落眾安街搭58M包上到車(而且更平!),
我等61M時,都會見到有2班58M到站

下午繁忙時間,城隧上43X,都未必一定冇位坐, 睇o個班車同前車近唔近同多唔多人落