最好住的私人住宅

最正都係何文田灝畋峰
雖然附近冇咩商場
但高層既景觀真係好正
可以望哂香港島+九龍半島

不過入場費成3000萬 =.=

其他值得考慮既：
九龍：曼哈頓山、港景峰、The Hermitage
新界：銀湖·天峰、愉景灣、名城

歡迎討論

[ 本帖最後由 AL_71 於 2010-4-7 19:15 編輯 ]

獨立屋計唔計？

我主要考慮因素都係環境，前往市中心既距離同埋住喺度既人既質素（唔係好識表達，唔想呢個字引起激烈討論）

排名依我喜好

港鐵筆架山隧道上方既筆架山（以前賽西湖嗰度，唔係映月台嗰邊）
環境：嗰邊有無敵美景，帶人去個個都話世外桃源。嗰度又要係掘頭路，好少閒雜人等進出（除咗我）
交通：接近東西、南北幹線交匯，步行七分鐘到達新界東交通樞鈕九龍塘站，鐵路巴士交通發達（雖然住得嗰度都有錢揸私家車）
第時有沙中線，半個鐘內都應該去到中環
唔好處：[我既角度]頂唔順啲摩門教上門／返屋企嗰陣跟住你傳教…
Ref: http://maps.google.com/?ie=UTF8& ... =12,177.65,,0,-0.31

九龍仔渭洲道（Wiltshire Road）
環境：無窩打老道、喇沙利道咁嘈雜。可以步行 5 分鐘牛津道惠康購買日常必須品
交通：同上，步行七分鐘就到九龍塘站，出黎窩打老道、喇沙利道都有大把巴士搭
Ref: http://maps.google.com/?ie=UTF8& ... p=12,92.15,,0,-0.31

九龍仔
環境：喇沙利道同窩打老道嗰邊係嘈啲（因為好多校巴），不過夜晚都算零靜，而且有牛津道惠康
交通，同上

筆架山（映月台嗰邊）
環境：山腰有條窩打老道實嘈啲，山上就有條龍翔道，同埋有好多閒雜車輛黎調頭（尤其係英基學校啲家長夜晚十點鐘都可以不斷砵）。不過個景靚，亦都有足球場同籃球場。
交通：巴士的話，往沙田交通同上，往中環交通較不方便。不過步行十至十五分鐘至九龍塘站，坐小巴亦得，都叫方便
唔好處：[我既角度]頂唔順啲摩門教上門／返屋企嗰陣跟住你傳教…

佐敦覺士道
環境：唔多覺嘈，望滾球會既景都唔錯
交通：過幾條街就佐敦站，行遠少少又係紅磡站（香港運輸樞鈕）

美孚新邨
環境：住入面就好焗下，不過住荔枝角公園嗰邊通風幾好
交通：近西鐵站嗰邊最好，西鐵、地鐵、巴士都可以坐（可以話係去新界西既交通樞鈕掛），而且有好多條東西南北公路喺週邊

-----

講 The Hermitage
我間學校係喺 The Hermitage 附近，自己都知咩事
呢個屋苑下低個櫻桃街公園夜晚係有為數不少既夜青活動
其中不乏破壞分子（留意下園內既設施好多都係「修理中」）
同樣既公園亦都有南昌街公園…
夜青既活動範圍都蔓延到附近既奧海公園

[ 本帖最後由 bananasims 於 2010-4-7 21:27 編輯 ]

講真0個句，其實我最想住0既地方，係愉景灣。

記得三年前我第一次入去0個度睇尚堤示範單位兼影巴士
0個陣，已經深深愛上呢個地方。雖然出去做乜都要搭巴
士或者渡輪先得，但我就0係好鍾意0個度幽靜同青蔥0既
環境、華洋雜處0既生活，同埋住0係度0既居民都好 nice
，呢 D 都係我鍾意愉景灣0既原因。

原帖由 nwfb1601 於 2010-4-7 21:12 發表
講真0個句，其實我最想住0既地方，係愉景灣。

記得三年前我第一次入去0個度睇尚堤示範單位兼影巴士
0個陣，已經深深愛上呢個地方。雖然出去做乜都要搭巴
士或者渡 ...

同意, 入過去做野
雖然真的要坐車先去到屋苑其他地方
但設計真的很靚, 外籍居民都好nice
我英文不太好, 但不會比歧視

九龍的麗港城都好好住
雖然樓好密, 但外來人不多, 去地鐵站又唔係好遠
所以都有興趣

我自己就覺得簡單就是美
唔想要無敵海景、豪華裝修、幾千呎會所
只求寧靜、有山景、交通方便就夠了
同埋係番住左好耐的沙田區
我就覺得帝堡城同翠擁華庭較合我心意

如果真係要揀市區的話
我會揀麗港城...

如果係離島的話
我會同樓上幾位一樣揀愉景灣

[離題]
如果係居屋的話，我比較想住馬鞍山的錦豐苑同錦英苑
雖然前者係無敵海景...
[/離題]

珀麗灣都唔錯~~
環境又好,尚算清靜
交通配套亦見齊備
唯一係唔可以私家車出入

我會選擇上環荷李活道聚賢居

1.交通方便
2.近SOHO, 永利街, 又在名校網內
3.居民質素良好, 多外國人租住
4.樓下不是街市, 比同級的尚翹峰, 晉城峰要好(雖然基座有間私人會所)

私人住宅，好難話邊個最好住，真係好睇個人需要，其他區唔太熟，淨係講自己住緊的港島區。

我個人認為大型私人住宅來說，我最喜愛：
跑馬地禮頓山，近銅鑼灣，Shopping真係開車落去都可以慳番(黃泥涌道門口行去Times Square好快)，
新地樓質素有保證，名校網不錯，居民質素佳(不少名人居住於此)，絕對是小弟結婚建立家庭後的理想居住地。

太古城，雖然樓係舊，不過附近有大型廣場(太古城中心+康怡廣場)，交通方便(有地鐵+近東隧/東廊)，
單位實用面積高(以前太古樓質素係好好)，居民質素都不錯(太古城有不少日藉人士住)

倚巒，山頂頂級豪華洋房，相比起那些所謂7萬蚊呎的天匯，我就一定揀倚巒啦，
至少同人講話自己住在山頂+獨立屋，相比天匯只係半山豪宅一棟，級數同氣派都唔同啦。

富豪海灣，入過去參觀一次，氣派同級數當然不能同倚巒相比，不過都是背山面海，
每戶都有私家花園同天台，以呎價唔洗兩萬蚊呎的豪華洋房來說，算係叫抵住。

藍灣半島，靚海景，公共交通方便(特快巴士線出中上環銅鑼灣仲快過出柴灣坐港鐵)

我自己就鐘意住起大型私人屋苑, 對我黎講有個大型商場就更好 ~

港島區
1. 太古城
雖然佢舊, 但係勝在方便 (地鐵 + 巴士 + 電車) 都到, 最仲要係有大大個太古城中心同埋隔離 o既康怡廣場. 係就係舊 D, 但係舊樓勝在實用率高, 另外仲有海景 ~

2. 嘉亨灣
新樓, 海景 + 交通方便, 雖然冇大商場, 但係附近食店多, 又近街市, 都算係咁

九龍區
1. 九龍站上蓋物業
九龍站 d 樓新, 下面又起機鐵站 + 巴士總站, 將來高鐵總站起正隔離, 大大個圓方起下面,
比起奧海城 (柏景灣, 帝柏海灣, 維港灣) 海景更好. 質數更加差得遠

2. 海逸豪園
整個紅磡灣海景, 自己又有個漁人碼頭 o既商場仔, 另外周圍綠化都唔錯 ~ 就算走去黃埔都唔係話太遠 ~

3. 麗港城
我唯一睇中 o既九龍東屋苑
交通都叫方便, 又有海景, 自成一角, 有商場 ~

4. 美孚新邨
係就係舊, 但係交通方便, 商店又多
根本除左去西貢之外, 真係差唔多邊都有車去哂 ~  

新界區
1. 萬景峰
小弟由細到大都住起荃灣,  萬景峰絕對係我自己首選
下面大大個荃新天地, 另外起正市中心, 真係交通方便, 不過就真係會嘈, 尤其後面對街市

2. 愉景新城
一樣有大商場, 又有行人天橋去地鐵站,
對比番萬景峰, 係就係舊 D, 但係最小唔需要對住街市 (香車街街市距離愉景都仲有條青山公路)

3. 新城市廣場
沙田鐵路站隔離, 又有商場, 交通非常方便
根本可以話買野一落樓已經買到
又有城門河景 ~

4. 碧堤半島
青馬大橋 + 汀九橋景, 仲要係 270 度海景
係就係起深井交通冇咁方便,
倒轉黎講就環境寧靜 ~

會得豐 d 樓質數不嬲唔差, 又係新樓
以 200 萬左右買到咁 o既單位, 真係唔係好多地方有 ~

[ 本帖最後由 AVD1 於 2010-4-8 13:13 編輯 ]

講外貌一定係天璽, 個名都猛過人
講環境就愉景灣, 或者方便少少有華景山莊
講低密度, 就匡湖居
靚景既話就御龍山, 地利根德閣, 帝景峰
會所靚就銀湖天峰
開則就係一d 舊d 既豪宅
好似賽西湖, 鯉景灣呢d

有時我反而覺得觀塘上少少d 舊私樓, 好似月華街果d 咁會幾好住
而且又方便

如果計新盤, 首選點都係新地或者太古樓  

[ 本帖最後由 STR 於 2010-4-8 21:12 編輯 ]