點解天文台D天氣預報成日都唔準?

原帖由 nwfb94A 於 2010-8-29 01:22 發表
今日個雷雨係突然爆出黎

由於受到07W下沉氣流影響, 內陸一到下晝特別多呢由下沉氣流形成ga雷雨
往往呢種對流雨發展迅速好難預測

呢種雷雨性質唔同低壓槽果d雷雨, 而低壓槽有得預計

有錯請批改 ...

請問今日又會唔會有咁既情況?

原帖由 E21A 於 2010-8-29 12:19 發表
請問今日又會唔會有咁既情況?

咁要問個天了..

再者, 而家香港既氣候愈來愈似熱帶, 好似新加坡咁有唔少conventional rainfall,
呢d雨要預測係幾乎冇可能.

對比英國那個天文台, 香港呢個真係算準..
而且, 香港咁細, 要準備到話俾你聽沙田會落大雨, 大埔冇雨, 根本係冇可能..

原帖由 hkbw 於 2010-8-29 13:51 發表
對比英國那個天文台, 香港呢個真係算準..
而且, 香港咁細, 要準備到話俾你聽沙田會落 ...

有時又唔係要準到呢個地步
而係「可預見」情況下出句『局部地區有驟雨/雷雨』會比較好
方便一0的人事先準備雨具出門

PS 而家唔少人都習慣帶住把縮骨遮跟身
唔係對天文台無信心 而係「好天可以遮太陽 雨天可以擋雨水」...

電腦方面, 除左要有運算能力之外, 更重要既係要適當調較預測模式中的參數及算式,
否則一個模式如何仔細也沒有甚麼發揮空間。

當然, 以香港一個咁細的地方, 再加上地形複雜, 要有準確的預報係有難度。
宜家就連氣溫都未必預測得好, 更加唔好話降雨。

其實佢地解釋過點解會俾人覺得預測唔準，錦係因為香港真係太細。講緊人地一個城市大個我地幾倍，變左好難預測。

原帖由 brown_ming 於 2010-9-2 13:11 發表
其實佢地解釋過點解會俾人覺得預測唔準，錦係因為香港真係太細。講緊人地一個城市大個我地幾倍，變左好難預測。

掉返轉頭, 細都有細好
就係你做預報時唔駛同時顧及咁多嘢
有時調較電腦模式預報時要有取捨, 顧得呢樣就要犠牲另一樣

響暴雨警告時, 個好處最明顯

原帖由 Quanta 於 2010-9-2 22:03 發表


掉返轉頭, 細都有細好
就係你做預報時唔駛同時顧及咁多嘢
有時調較電腦模式預報時要有取捨, 顧得呢樣就要犠牲另一樣

響暴雨警告時, 個好處最明顯 ...

呢個係模式分辨率同運算時間之間作出的取捨, 但分辦率高而要準確度高,
涉及的公式亦會較複雜 (呢方面小弟冇乜點接觸過), 呢個亦都解釋到點解
有時做到長時間大範圍的預測, 但做唔到短時間地區性的預測。

[ 本帖最後由 fw1321 於 2010-9-3 03:26 編輯 ]

暴雨係最難預測既系統,你話一大條低壓槽/雨帶通過呢啲都仲勉強預測到大約幾時到
但好多時啲驟雨,由冇雨到落大雨到變番冇雨可以係一小時甚至更短時間發生既事,
以而家既科技根本冇可能預測到

同埋記住,天文台係預測天氣,唔係"預知"天氣...