拆除和重新安裝客車樓梯數問

本人曾經閱覽一些關於1971至1985年間客車資料及圖片,發現同一批客車在早期和晚期的照片比較,上下層樓梯和車門位置有所不同.絕大多數單駕駛艙客車車門(當然連同梯子)被拆,在前方重新裝上.樓梯亦從車尾移至中部.
這樣涉及拆卸部份上層樓板並重置新樓板,是以怎樣的方式拆除?
是否需要將舊樓梯扔棄,重設新梯子?
以當年技術,會否削弱其結構,如同積木車?
空調客車能否如同非空調客車移動樓梯?倘若可以,怎樣重置空調系統?

果個年代d巴士既樓梯係一件件散件搭出來既﹐唔同而家用纖維一件過造出來﹐
所以要拆要砌都比較容易。
以前d牛車搬樓梯基本步驟係:
1.拆散條舊梯 ﹐喱個唔難﹐因為條梯可以係車內拆散再搬走

2.重造車尾地台﹐上層要補回拆樓梯後的地台﹐下層則要升高地台﹐因為原本
尾門位的地台是比車廂的地台低。

3. 封舊門位及開新門位﹐喱個問題亦唔大﹐以前d底盤比較簡單﹐理論上兩軸之間
大部地方都適合裝設車門。

4. 搭建新樓梯﹐新舊梯既方向唔同﹐所以應該唔會用番原來既樓梯骨架。打通上下
層亦不難﹐以前的樓梯長度很短﹐只要拆除很少面積的樓板便可供樓梯穿過。


這種改動對車的結構影響不大﹐因為車的骨架基本上變化不大﹐改動的只是覆蓋骨
架的東西﹐例如新樓梯就可以在拆除上層地台之後﹐再在骨架之間穿過。巴士上層
的承重主要靠車身兩旁的骨架去負責﹐舊巴士車箱設備不多﹐骨與骨之間有很多空
間可供改動﹐對整體結構沒太大影響的。

[ 本帖最後由 oxball 於 2010-10-3 00:27 編輯 ]

Re: 第4 點:  改裝AEC 改完都係樓梯向車頭旋向樓上個喎,
唔同方向係唔係指呢個意思呢?

AEC等等的舊車,樓梯系由車尾搬到車中間, 取消售票員改為一人操作.
個時的巴士未用纖維組件, 要改裝反而比而家的新車容易得多.

原帖由 king 於 2010-10-5 00:46 發表
Re: 第4 點:  改裝AEC 改完都係樓梯向車頭旋向樓上個喎,
唔同方向係唔係指呢個意思呢?

其實我意思係指以前係車尾﹐條梯係L型咁樣﹐即係上樓先面向車既右邊﹐
再轉左面向車頭直上樓上﹐改裝後就變成C型既曲梯。