昔日日是否從慈雲山渣車經沙田坳道往沙田小瀝源?

原帖由 fokck 於 2010-11-21 22:36 發表

岩岩搵到呢條片，將觀坪路由觀音山至大老山隧道口既路面情況拍得
非常清楚，相信片段作者係踩單車完成呢段路，落山完成全程只需要
十分鐘.....

由片段中引擎聲同埋過彎時傾側程度來睇,佢應該係踩緊電單車。

原帖由 3158 於 2010-11-29 12:19 AM 發表

由片段中引擎聲同埋過彎時傾側程度來睇,佢應該係踩緊電單車。

但係當中的上斜位明顯地變得很慢

原帖由 3158 於 2010-11-29 00:19 發表

由片段中引擎聲同埋過彎時傾側程度來睇,佢應該係踩緊電單車。

應該單車黎...我見上傳者的影片好多都係單車上影

原帖由 dippy 於 2010-11-30 23:35 發表
想請教一下觀坪路封左之後仲有無路可以落到山?

上面咪講左咯，人同單車到今日都仲可以行觀坪路落山，
四個碌既車就唔得喇。

呢條路據講是80年代觀音山花園興建時是居民順便私自開辟，方便出入，
不過後來大老山隧道通車，有關部門發現此路不符合安全標準(太斜)，
又未經申請非法興建，又穿越郊野公園範圍，所以90年代初期就被政府封閉，
禁止機動車輛行駛，此路已經有二十年無汽車駛過。

此道路雖然之封閉，不過闊度足夠一架普通電單車駛過，間中都見有電單車貪過癮偷雞行


山下一段有大石阻擋，不過單車過都無問題




此路真係非常斜

原帖由 dippy 於 2010-12-3 00:37 發表


我既意思係沙田呢邊係咪已經無哂可以比四個碌既車落到山既路
另外, 據悉有另一條可以比人行到去水泉澳同槫康既路, 係咪真係可以通行, 單車又行唔行到
先謝 ...

那條路為泥路及石塊砌成的，設有梯級，與一般行山徑無異，屬獅子山郊野公園及馬鞍山郊野公園分界。此路由往十二笏村的車路起始，沿旁邊的溪澗而下，至接近博泉街的一段才為車路。

另問：為何十二笏、茅笪、觀音山、崗背村、茂草岩、芙蓉泌等沙田區鄉村，沒有車路直接往返沙田其他地區，反而須要由九龍區的道路進出？
附加資料：駕車往十二笏、茅笪、觀音山、崗背村須由沙田坳道進入，往茂草岩、芙蓉泌須由飛鵝山道進入，從以上提及的鄉村離開，須經扎山道，經彩輝邨前往其他地區。

[ 本帖最後由 dongfeng 於 2010-12-3 01:43 編輯 ]