原帖由 nickhei 於 2011-5-4 20:58 發表 
最低工資其實係可以幫到工人有更多收入，最終可能增加消費。再者，如果可以有效協助工人有更尊嚴生活，怨氣都少D啦。
不如唔好講econ 理論住*, 講實際d先, 其實這正是以上這個問題, 最低工資無錯係可以幫到最低人工的工人有更多收入,
但究竟這只是數字遊戲, 還是真係可以提升到工人提高生活質素, 去做到閣下所講有更尊嚴的生活?
我會覺得最低工資這立法可帶來的效果, 是前者居多, 我想現時定左28蚊, 對比於以前金額上的確係多左, 但正如我之前講,
同時亦因為最低工資, 成本高左, 好多野, 尤其基層需要更多的商品/食品, 亦因應而加價, 再加上通脹, 低層拎最低工資的工人,
實在上生活質素未必提升好多, 而且仲未計減左工時/被解僱的工人的損失....再講, 最低工資本身要一段時間先會review,
亦根本難於緊貼市場/實際情況....就算真係幫到人...
最低工資無錯, 睇落去當然好好, 數字上有好大增加, 但實際整體又係唔係? 我會有所懷疑....
市場本身唔係無敵, 政府是需要適當的干預, 但干預的應該是在整體制度上, 而唔係一刀切咁定一d最低工資這些立法,
咁直接去影響市場平衡, 因為這只是數字遊戲, 治標不治本...這是我的想法..
外國情況係點? 有版友已指出..."union power越大既國家，更多人失業都係事實", 當然, 亦好睇實際定係咩金額, 個最低工資,
如果不是28, 而是部分人建議的33, 就會有更大影響.....
*如果閣下想再討論econ, 我都可以繼續講, 我d econ 唔係叻, ce al 都無讀, 係在大學中有接觸到一d...可以大家研究下咁.. |
