當年荃灣/青衣/屯門<>中環航線

原帖由 kmb3asv141 於 2011-7-30 01:04 AM 發表
當時既收費相對巴士/地鐵係唔係貴好多?

2者交通費相差幾多我無資料﹐但肯定的係當時只有3線的屯門公路﹐1線兼多彎路窄的青山公路(每個行車方向計)﹐未有大欖隧道(元朗天水圍的車也要一齊行晒成條屯門公路)﹐形成屯門公路在繁忙時間早已飽和﹐只要少少意外(包括有壞車)﹐都可以塞車。

如果要過海﹐即使不塞車﹐以當時巴士的性能﹐由屯門上公路一刻去到荃灣MTR﹐最少25分鐘﹐繁忙時間更要用上35分鐘以上。去到荃灣MTR站後﹐5分鐘轉車﹐再要用超過30分鐘才可去到中環。

計算起來﹐船程1小時之內﹐絕對係快過路面交通工具。而且不怕塞車迫人之苦﹐所以船是受屯門的上班一族所歡迎的。

註 : 當時MTR也未有東涌線﹐只有荃灣線及後期觀塘線過海。

「當年」跑屯公的巴士，不計交通情況，肯定不會比今天的慢

原帖由 kei_hk 於 2011-7-30 11:34 發表


當時只有3線的屯門公路﹐1線兼多彎路窄的青山公路(每個行車方向計)﹐未有大欖隧道(元朗天水圍的車也要一齊行晒成條屯門公路)﹐形成屯門公路在繁忙時間早已飽和﹐只要少少意外(包括有壞車)﹐都可以塞車。

補充一下，唔好講當年，而家就算有西鐵、大欖隧道同汀九橋，屯門公路（尤其是汀九以西）一有少少意外都會塞車。
當年交通正常係要慢慢碌出荃灣，一有少少事就塞到動彈不得。
好多人為佐唔想遲到，未天光己經排長龍等頭車出市區。

為解決交通問題，當年好似仲有屯門 - 佐敦道航線添（有錯請指正）。

原帖由 kmb3asv141 於 2011-7-21 03:16 發表
1.請問所提及的航線來往中環要幾耐?
2.收費
3.每條航線開辦/停辦日期

荃灣經青衣出中環，飛翔船要30分鐘，大船更要接近45分鐘。
住得唔近碼頭的話，搭船除佐有位坐，其實無乜優勢。

原帖由 s3n370 於 2011-7-31 19:23 發表


荃灣經青衣出中環，飛翔船要30分鐘，大船更要接近45分鐘。
住得唔近碼頭的話，搭船除佐有位坐，其實無乜優勢。

中飛當年荃灣中環行15至20分左右，民字普通渡輪一般35至50分左右，港字WaterBus行30至40分左右!

原帖由 ccicoltd 於 2011-7-30 11:41 AM 發表
「當年」跑屯公的巴士，不計交通情況，肯定不會比今天的慢

好彩你講埋 "不計交通情況"

未有巴士專線之前﹐不少路線是用雞車﹐速度幾多﹐大家心照啦。

去到有巴士專線﹐才轉用 s3bl 同 bl ﹐s3n 等新車﹐車速才有改善。
不過﹐早上繁忙時間﹐由於交通流量過多﹐而且當時全線都只是3線行車﹐所以對於速度都沒有什麼幫忙﹐遇到前車較慢﹐都因為非巴士專線太多車而cut唔到線爬頭。