112m生意慘淡.....

早排本人有事去工業邨,係康城站搭112m入去,
同司機傾兩句知道條線生意都幾大獲....最淡時一日隨時得百幾兩百蚊生意..
仲要睇298e/797m去搶客...搞到經常吉車遊街~~
反而司機講笑咁講重要客源除左返工客之外...就係一班係電視城追星的粉絲~~.
經常少則幾十人,多則百幾人...間中夜晚都滿座咁濟

不過康城呢兩年其實發展成點??真係多左客搭車咩?

112M邊有可能生存到, 日出康城已經有港鐵.
而去工業邨既人唔多, 就算有都只限繁忙時間, 非繁時真係拍烏蠅.
其實近年招標既綠小新線, 好多都係應地區人士要求而推出.
地區人士往往為選票而爭取, 根本唔會理會小巴線有無生存空間.
而運吉班官又盲目咁陪地區人士去癲, 搞到d公共交通不倫不類.
兩個字講晒, 可悲!

112M同「日出康城有港鐵」冇關係，因為都係來往工業邨同康城..條線就俾你去康城駁鐵...

俾我揀駁鐵都去將軍澳站(2.5分鐘一班)，都唔揀康城站(10分鐘一班)

我見最多客都係去電視城，包括職員，趕唔到員工城巴就搭佢，出到黎調景嶺站可以同番D員工搭同一架港鐵(當然要小巴都就到時間…)

而康城居民都唔會搭啦..首先有有蓋通道行去康城站，另外就算唔想行，都有穿梭巴士來往康城及康城站/君薈坊...

實則其實真係冇乜客源，佢路線既難得唔同就係行兩條巴士冇咁直達既電視城..


一係叫王維基起完個電視製作大樓，唔好提供shuttle bus...咁又一大班客源..宜家起緊既建築工人都係客源之一..


我覺得…投得呢條線預左..一係就當長線投資，等佢個商場起好，再等佢個將軍澳大橋起好，延長路線直通出去，比港鐵快…
康城發展係有得升(因為越開越多期，始終都真係會多左住客，但不乏炒樓客)，但所有升既九成九都搭左港鐵，港鐵站每一班去康城/自康城既車都「多左人」擔既，我諗都多過上年一兩倍..

[ 本帖最後由 lsc04d11 於 2011-10-20 06:08 編輯 ]

若果全日拉去寶林(新都城)，會吸引唔少康城居民搭

聽個條線的司機講,呢條線每日虧本幾千

呢條線都有人肯投都算奇怪!

呢條線之所以出現
有傳聞係新巴想"做低"797M
不過奇就奇在呢條綠小開咗之後
797M竟然仲可以留下一架"孽種"