hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (D) Diecast 模型討論區 公共交通有關商品 (D1) 九巴 51 號爬山英雄傳 (長文, 多圖注意)
開啟左側

九巴 51 號爬山英雄傳 (長文, 多圖注意)

[複製鏈接]
VocaloidMikuBus 發表於 2012-1-19 14:44 | 顯示全部樓層 |閱讀模式

                                    Advertisement




(麻帆良市時報記者 / 桜高輕音部記者琴吹 紬報導)
喺九巴旗下嘅眾多巴士路線之中, 51 號線可以話係全港路程最艱辛嘅一條巴士路線,
皆因呢條來往錦田錦上路鐵路站同荃灣如心廣場嘅路線, 沿途要經過以路窄多彎而且路面陡斜見稱嘅荃錦公路,
跨越全港最高嘅大帽出往返兩地, 所以呢條路線嘅用車亦有別於其他路線, 甚至係要特別改裝,
而且車長亦唔可以超過 10 米, 以符合荃錦公路路面嘅車長限制, 堪稱 51 號線嘅專用車, 自 1961 年荃錦公路正式開放為公用道路,
九巴開辦呢條路線嘅前身 26 號之時開始,  都係使用亞比安 Albion Victor VT23L 巴士行走, 直至跨越 1973 年改稱 51 號嘅時期,
簇新而且攀斜能力較佳嘅亞比安 Viking EVK55CL 單層巴士喺 1976 年加入九巴車隊, 九巴亦派佢地作為舊車嘅接力,
一直至 80 年代末 / 90 年代初最後退役為止, 但係隨住亞比安 Viking EVK55CL 單層巴士喺 80 年代末亦年事已高,
九巴亦亟需尋求其他車款取替, 繼續行走以維持服務, 奈何當時九巴車隊內除左亞比安之外,
並冇任何單層巴士車款可供使用, 於是九巴就開始進行雙層巴士行走荃錦公路嘅可能性研究,
但係當時九巴車隊中, 基本上亦冇一款適合嘅雙層巴士車款可以應付全港最陡斜嘅荃錦公路,
就算當時仲有利蘭勝利二型 Leyland Victory 2 呢D攀爬能力較高嘅車型, 面對要攀上全港最高嘅巴士站 --
荃錦公路(郊野公園林務站)嘅路面, 亦因為引擎輸出偏低而無法招架 (勝利二型配用嘅 Gardner 6LXB 引擎頂多只有 180 匹馬力),
適逢當時九巴試驗空調版 MCW Metrobus 11m 三軸巴士失敗, 但係佢所搭載嘅 Gardner 6LXDT 引擎有高達 275 匹嘅馬力輸出,
因此後來九巴選用9.7米 版嘅 MCW Metrobus 雙層巴士, 並且將呢副引擎移殖到其中一部同款巴士 -- 車隊編號 M21 嘅 Metrobus 之上,
並且加設手動減速器試行荃錦公路,結果試驗成功, 於是九巴決定選取 Metrobus 9.7m 作為行走 51 號線嘅專用車,
並且喺 1989 年引入 8 部新 Metrobus 巴士投入服務。

雖然呢批被編號為 M81 -88 嘅 Metrobus 新巴士, 同當時九巴喺坊間使用嘅同款巴士驟眼睇冇乜分別,
但係佢地內裹嘅機械配搭就非同小可, 由於要應付荃錦公路呢種特殊嘅路面環境, 呢批巴士都配備左馬力更強大,
並且附有 Aftercooler 嘅 Cummins LTA 10 Turbo 引擎, 馬力高達 282 匹, 亦係當時全九巴車隊中引擎馬力輸出最高嘅,
雖然九巴喺 M21 做試驗嘅 Gardner 引擎亦有可觀嘅馬力輸出, 但係九巴同 MCW 嘅工程師研究之後,
認為 Cummins 引擎較為可靠而且理想, 於是就決定為呢批新車配上呢個動力配搭, 連接由西德 Voith 提供,
附設減速器嘅 D864G 四前速自動波箱, 令巴士喺二、三波上斜時依然有強勁嘅爬坡能力, 加上手動減速器,
令巴士喺落斜時有多重保障, 減少車長對迫力嘅過份依賴, 從而減低制動系統嘅損耗, 車上並附有抽風系統,
配以茶色車窗, 加上車頂兩側遮擋抽風系統入風口嘅去水槽, 令佢地同其他 "市區版" 嘅 Metrobus 9.7m 巴士有著明顯嘅分野,
而呢批巴士亦係九巴喺 MCW 結束業務前最後一批接收嘅 9.7m 版本 Metrobus, 雖然係雙層巴士,
但係為安全起見下層企位只限 3 人, 比 "市區版" Metrobus 9.7m 嘅 20 人為少, 呢批巴士喺 1989 年尾全數投入服務,
成為 51 號線新主力, 亦成為第一批 (相信亦會係唯一一批) 行走大帽山荃錦公路嘅雙層巴士。

雖然呢批巴士擁有爬山嘅全副武裝, 可惜因為荃錦公路嘅惡劣路面環境,
加上巴士配以大馬力引擎日以繼夜地上山下斜, 喺投入服務幾年之後, 呢批巴士嘅底盤出現超負荷現象,
損耗亦比其他同款巴士為快, 有巴士嘅底盤大陣甚至出現裂痕, 九巴唯有將佢地嘅 "爬山裝備" --
引擎、波箱同手動減速器拆除, 並且抽調部份 "市區版" Metrobus, 再將 "爬山裝備" 移殖到佢地身上,
繼續 51 號嘅 "爬山使命", 而呢 8 架巴士嘅機械配搭亦同其他被抽調改裝嘅"市區版" Metrobus 對調,
換成只有 178 匹馬力嘅 Gardner 6LXB 引擎同 Voith 三前速自動波箱,  並且陸續退出 51 號,
行走其他路線, 直至 2003 年退役。隨住 51 號線喺 1996 年加入空調巴士服務,
並且派出加裝手動減速器嘅 Dennis Dart 單層巴士行走, 該批被抽調改裝嘅"市區版" Metrobus 喺呢條路線嘅重要性亦漸漸減少,
直到 1998 年 10 月,  51 號全線空調化, 呢批巴士亦變得無用武之地, 被逐出荃錦公路,
行走其他路線, 直至退役, 雙層巴士行走大帽山嘅時代亦從此告一段落。

隨住被改裝行走 51 號嘅 Dennis Dart 單層空調巴士亦踏入退役年期,
九巴於 2010 年向 ADL (Alexander Dennis Limited) 訂講 30 部 Enviro 200 Dart 超低地台單層空調巴士,
呢批巴士全長有 10.4m, 配備左歐盟 EEV 標準, 有 225 匹馬力嘅 Cummins ISB6.7E5225B 引擎,
連接 Voith D854.5 四前速自動波箱, 其中七部更配有手動減速器, 作為取替舊 Dennis Dart 嘅接力車款,
由於車長超過荃錦公路嘅車身長度限制, 呢批新巴士亦要先向運輸署申請豁免許可, 先至可以行走該段路面,
呢批巴士已經喺 2011 年投入服務, 取代舊款嘅 Dennis Dart, 同時亦為 51 號線實現全線低地台化。

51 號線係目前唯一一條途經荃錦公路嘅巴士路線, 由於現時呢條線沿途常住人口稀少, 所以平日嘅客量並唔多,
只有週末同假日有較多前往大帽山行山同去郊野公園嘅旅客, 先至有較多嘅客量,
所以目前 51 號只係用四部單層巴士行走, 並且維持平日 (星期一至六 ) 30 -40 分鐘一班 (上午 9:15 前為 25 - 30 分鐘一班)
同星期日及公眾假期嘅 24 - 35 分鐘一班, 而且喺用雙層巴士行走嘅年代,
由於行走呢條線的雙層巴士都需要經過特別改裝, 一旦車輛需要維修就無法用其他車輛代替,
變成無法維持正常班次,呢個情況下九巴亦會如實地貼出車輛不足導致班次不準嘅通告。

今日, 麻帆良市正式歡迎九巴 MCW Metrobus 9.7m 爬山版巴士 M83 登場!
呢部 M83 同其他七兄弟, 因為佢地擁有當時其他巴士所冇嘅爬山本領, 而被稱為爬山英雄,
市長 Super Bus 話喺一次同朋友去荃灣碼頭等 51 試車, 已經領教過呢批巴士嘅威力啦!
喺總站等車, 遠處已經聽到一把雄渾嘅引擎聲接近, 已經感受到呢架爬山 Metrobus 嘅震撼力,
上左車, 車長輕輕比油, 佢嘅起步帶來嘅推背感更加震懾人心, 已經預感到佢上大帽山一定威力無窮,
果然, 一上大帽山, 巴士憑住 Cummins 引擎嘅源源動力,以二、三波輕而易舉片彎上斜,
連前面嘅私家車見到巴士來勢洶洶都要急急揾避車處作無條件讓路! 落斜就要小心翼翼,
必要時仲要使用手動減速, 而且仲要小心有對頭車, 因為荃錦公路係一條雙線雙程嘅道路, 而且路面亦較狹窄,
全程有如坐過山車一樣驚險! 可惜經過連續不斷地喺大帽山上上落落, 就算佢地嘅爬山本領有幾高強,
底盤亦承受唔住呢種大上大落嘅負荷, 最終被迫廢武功, 並且逐出大帽山, 喺其他路線行走, 誠為可惜,
Super Bus 仲話, 尤記得一次喺九龍城碼頭等 61X 入屯門九巴車廠影相, 搭中呢八兄弟中嘅 M88,
車長仲同佢講: "呢架車曾經上過大帽山o架~" 雖然已經被廢武功, 但係 Super Bus 話當時坐佢行龍翔道同屯門公路果陣,
感覺亦係另一番滋味, 或者係因為佢對呢款 Metrobus 有一份特別嘅情意結啦,
不過呢一切, 都只能夠成為追憶啦...

隆重歡迎! 九巴爬山英雄 -- MCW Metrobus M83, 見參!!




同場入手 -- 巴士年鑑 2012




真係啱哂, 本文正要介紹九巴 51, 呢本年鑑又係介紹九巴 51, 世事真係咁巧合??






睇完年鑑, 都係言歸正傳, 睇下呢架爬山 MCW Metrobus 啦~




證書編號 0?88, 限量 400 架


正式落地! K-ON 女角今次稍作休息, 由我地 Vocaloid 嘅大阿姐 Meiko 歡迎呢架爬山英雄啦!!


















真車相, 本年鑑來得實在太合時, 正好派上用場~ :3




市區版 M 仔與爬上版 M 仔




九巴 MCW 家族, 可惜真車已經全部喺九巴車隊入面消失, 成為歷史





小劇場~~~ XDDD

話說上次廢怯少女, Sorry, 係魔法少女鹿目まどか用魔法將九巴大口蘭變做九巴 AV1,
密尾龍變做空調 AD, 初音除左驚車廠比佢攪到反轉之外,
亦怕比佢搶走戲份......
今日, 麻帆良市嚟左呢架爬山 M 仔, 鹿目咁啱路過......

(鹿目) 咦, 呢架就係 Super Bus 成日提到嘅爬山 M 仔啵,
泊左喺度一定又係等 Tune 車啦, 好, 就等我施展我嘅拿手好戲啦~!!


正當鹿目準備出手之際, 初音赫然出現

(初音) 喂, 又係妳個廢怯少女! 又喺度做乜野呀?! 咪阻住本姐開工呀!!
(鹿目) 車, 我都想 Tune 下車呀嘛, 爬山車啵, 用我嘅魔法 Tune 車爬山一定爽過法拉利呀~
仲有呀, 我叫魔法少女, 唔係廢怯少女呀~
(初音) 妳節省少少啦, 我先至係 Super Bus 御用嘅 Tune 車大師呀, 再者比妳咁玩法容乜易比妳搶哂我D戲份o架?!!


言訖, 初音行埋架爬山 M 面前
(初音) 呢架就係爬山 M 嗱? 果然與眾不同, 淨係睇個樣都已經知道佢唔係普通材料, よし~~


初音開工啦, 先將巴士升起...


再用葱 Tune 引擎~



10 mins later......


よし, Tune 車完成, 試車先~~

(初音) 1---2---3---GO!!!


軋軋軋軋軋軋軋軋軋軋軋軋~~~~~~~~~~!!!!!!!!!!!!


開始上 45 度斜~~~


70 度斜......(??)


吓......???


ええええええええええええええええええええええええ?????????????????


落返嚟~
(初音)OK, STOOOOOOOOOOP!!!!!!
巴士應聲急煞停下
(鹿目) 估唔到初音一棵大葱竟然可以 Tune 到架巴士識得壁虎功, 果然名不虛傳...!!




劣文一大篇, Thanks for reading~ ^^

[ 本帖最後由 VocaloidMikuBus 於 2012-1-19 23:32 編輯 ]
Enviroate2009 發表於 2012-1-21 01:18 | 顯示全部樓層
遲來一貼:

上兩次的細牌箱M仔都冇入,今次出大牌箱+51大LOGO咁經典,當然要支持~!

但價格又比上次提高了~



Mclok_Dennis 發表於 2012-1-28 10:01 | 顯示全部樓層
我都入左一架爬山M仔。我想問怎樣貼水貼會貼得好呢?因為我很少接觸水貼這東西。thx!
http://hk.shop.com/mclok 消費即賺
 樓主| VocaloidMikuBus 發表於 2012-1-28 13:07 | 顯示全部樓層

                                    Advertisement



原帖由 Mclok_Dennis 於 2012-1-28 10:01 發表
我都入左一架爬山M仔。我想問怎樣貼水貼會貼得好呢?因為我很少接觸水貼這東西。thx!


睇呢個啦, 不過唔係我拍嘅~
http://www.youtube.com/watch?v=oYzNGzK0Zc0
tang1211 發表於 2012-1-28 22:29 | 顯示全部樓層
提示: 作者被禁止或刪除 內容自動屏蔽
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 05:23

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表