尖沙咀 > 光輝圍

都係地鐵最好，其他非鐵路方法，時間同金錢都輸一截。
葵興站行過去，過條馬路到葵俊苑後幾乎全程係有蓋行人通道。十分鐘左右就到。

唔想行咁遠，可以考慮葵芳站轉乘31M/32M/36M/235M。或葵興站轉乘綠小89/89B/94。

唔想坐mtr﹐方法便只有坐車去到美孚(如6, 41a 等)﹐再轉 40, 38a等路線。

正如上面所講﹐唔坐mtr﹐時間及車費一定會輸。

如果你坐mtr﹐可考慮用西鐵於美孚轉車﹐轉巴士同荃灣線﹐到時你再想都未遲。



補充一下 :

於葵興mtr 行過去﹐其實都唔遠﹐15分鐘已經ok﹐唔想行的可坐 44m/43等路線﹐2個車站落車﹐我個人來說真係唔值。
而且﹐於附圖 "葵興路" 3隻字的附近﹐已經可以穿入葵興村﹐入面是有蓋通道﹐幾好行的。


[ 本帖最後由 kei_hk 於 2012-5-18 14:12 編輯 ]

另類選擇︰

坐35A，去到打磚砰街落車，(即樓上師兄地圖和宜合道個"和"字位置)
落車後向後行落斜，右轉打轉砰街，左轉屏麗徑出返青山公路，
沿青山公路落斜到底就係昌榮路迴旋處，上天橋過對面就係光輝圍…

車程估計大約40-50分鐘連等車，
步行過去就10-15分鐘，路程比葵興站行過去近少少、全程落斜，但冇咁直接…
此方法一共一小時應該走唔甩…

[ 本帖最後由 brian 於 2012-5-18 14:24 編輯 ]

樓主話明天中午用﹐即係星期六。

唔知中午的定義係點﹐提防長沙灣道(深水埗)會有很多上落貨的貨車﹐令交通繁忙慢車。

再加埋天氣因素﹐預計明天的天氣都係幾差的﹐路面交通好易受影響﹐所以坐mtr 會比較可靠。

而葵興mtr 行過去﹐全程是平路﹐如果識得臨場發揮搵路﹐懂得行入葵興村﹐基本上有一半路程係「有瓦傘頭」的。

樓主自己決定啦。

原帖由 kei_hk 於 2012-5-18 14:31 發表
而葵興mtr 行過去﹐全程是平路﹐如果識得臨場發揮搵路﹐懂得行入葵興村﹐基本上有一半路程係「有瓦傘頭」的。

由葵興站行去光輝圍，基本上除佐葵興站過馬路去葵俊苑，同葵興邨過馬路去光輝圍入口係無瓦遮頭外，全程都有瓦遮頭。
只要跟住最大果條有蓋通道就無錯。

（再刁轉D，行完葵興村條有蓋行人通道轉右上行人天橋，仲可以多段路有瓦遮頭）

真係唔想行，最好在葵芳站轉九巴M線，整體步行距離係最少。