(轉貼)新界東北發展區 倡增建公屋

原帖由 tkf_2005 於 2012-7-30 01:05 發表



同時,唔好忘掉香港係金融作主要行業之一,
本身中西區周圍都唔係好多住宅,
又自然逼使居民搭下車,搭下鐵路過海番工...

放大去睇，如果中國首都兼最大城市在台灣(假設中國統一，冇兩岸分治情況)、日本首都兼最大城市在沖繩、韓國首都兼最大城市在濟州，澳洲首都兼最大城市在塔斯曼尼亞.....係咪好荒謬？偏偏香港就正正係咁。

根本成個香港既規劃就係有問題(當然有部份係歷史因素使然，有部份就要「多謝」「偉大」的港府)，根本唔應該將CBD放o係港島呢個論面積已經細，仲要山多平地少；論人口又係少 ，仲要係幾乎基層勿近既小島孤島上 (香港三大區當中，人口最少係港島，而且持續減少，據說預計若干年後，灣仔區人口會係18區中最少，少過離島區，「多謝」「偉大」的港府將窮人往北踢既「德政」。又據說，雖然香港低技術勞工嚴重過剩，但港島工作既零售飲食清潔保安等基層職位，卻長期人手不足且招聘困難)。

加上香港既交通又係唔知點咁，整到過海好似好特別咁，不論鐵路定巴士，過海車費都係零舍貴一大截，鐵路都可以話因為鐵路過海隧道既興建同保養費貴，但巴士呢？行車過海隧道既興建同保養費同巴士公司冇關，巴士公司只要付過路費，紅隧只收巴士$15，但紅隧巴士線一樣係貴到離行離勒。亦進一步分化「兩岸」。

其它類似香港，被水域分成兩岸既城市，如廣州、上海、首爾等，有冇咁既情況？

[ 本帖最後由 mckhgc 於 2012-8-2 13:33 編輯 ]

原帖由 mckhgc 於 2012-8-2 13:22 發表

放大去睇，如果中國首都兼最大城市在台灣(假設中國統一，冇兩岸分治情況)、日本首都兼最大城市在沖繩、韓國首都兼最大城市在濟州，澳洲首都兼最大城市在塔斯曼尼亞.....係咪好荒謬？偏偏香港就正正係咁。

根本成個香港既規 ...

我又唔覺香港係咁喎
你睇大陸將個首都放響北京、台灣放響台北 咪又係偏北又偏東
大部份的國土都在它的西/南面

而家個商業區又唔係響香港仔/赤柱咁偏
將個核心定響中環本身其實無錯
錯的只係後續交通的規劃
為咗追求財務回報率而唔增加過海交通的供應
起新市鎮又唔首先做好集體運輸工具

原帖由 mckhgc 於 2012-8-2 13:22 發表

放大去睇，如果中國首都兼最大城市在台灣(假設中國統一，冇兩岸分治情況)、日本首都兼最大城市在沖繩、韓國首都兼最大城市在濟州，澳洲首都兼最大城市在塔斯曼尼亞.....係咪好荒謬？偏偏香港就正正係咁。

根本成個香港既規 ...

你講呢D情況, 基本上都係歷史因素為主要..(唔係只係部分, 而是絕大部分)

因為過去百幾年香港最重要發展的時期, 香港都係英國殖民地, 而英國本身真係"擁有",
只有香港島同九龍半島, 而最先"擁有",及發展亦係香港島, 你係英國點會唔規劃係香港
島為主要CBD?

而且你一開始, 將一個國家的首都兼最大城市, 去比較香港, 只是一個城市本身規劃CBD,
根本是錯晒...

[ 本帖最後由 3ASV196 於 2012-8-2 22:15 編輯 ]

原帖由 mckhgc 於 2012-8-2 13:22 發表
放大去睇，如果中國首都兼最大城市在台灣(假設中國統一，冇兩岸分治情況)、日本首都兼最大城市在沖繩、韓國首都兼最大城市在濟州，澳洲首都兼最大城市在塔斯曼尼亞.....係咪好荒謬？偏偏香港就正正係咁。

我想話，五百年前日本首都響京都而唔響東京，東京當時都唔係咩旺既地方
首都既作用除左係城市發展外，亦要考慮防務同埋管治成個國家，仲有天氣因素，如果日本首都響沖繩，根本想守都守唔到，一但首都失陷，對國家黎講一個幾大既打擊
仲有，首都同最大城市冇必然關係，巴西首都巴西利亞、澳洲首都坎培拉原本都唔係城市，呢兩個城市係由荒地(巴西利亞原本係亞馬遜森林)規劃出黎既，兩國最大城市亦唔係首都
我覺得CBD同首都完全冇可比性

[ 本帖最後由 jpoon 於 2012-8-3 01:11 編輯 ]

原帖由 kitarolo 於 2012-7-29 12:51 發表
東鐵飽和現時已出現,根據報章內容而言:

古洞北應該係用落馬洲支線提供鐵路接駁
(地下隧道有預留位)現時東鐵做緊兩班羅湖
一班落馬洲,但無可能再削減羅湖班次之比例,
另外早繁落馬洲南行班次係俾上水/粉嶺站乘客有
...

有冇考慮過老人家意願？十居其九都寧願住返原區啦，
熟悉社區、有歸屬感、人際網絡、較容易出外逛逛等等，
重建嘅邨環境又唔差得過新市鎮，點解要蝦佢地冇牙力？