試車

搞咗兩個月，終於正式試車：
http://www.youtube.com/watch?v=yuFp1-GMYjU
同現代嘅巴士相比，珍寶嘅一大特色係個半自動波箱，特性同手波或者自動波都好唔同。半自動波箱一來好似自動波咁要司機手動轉波，但又好似自動波咁，唔使踩離合器。
但半自動波箱唔係一個唔會自動轉波嘅自動波箱咁簡單(係咁簡單嘅話，我點會搞成個半月先至搞得掂？)，而係(以珍寶嘅SCG340半自動波箱為例)所有波段都係全液壓傳動，即係任何波段停車都唔會拖停引擎，唔係Voith自動波箱咁，得1波同後波有液壓傳動，更高嘅波段就係直結。
如果直接改一個Voith 4前速自動波箱嘅script，令佢唔會自動轉波，出嚟嘅效果就會好似部巨鷹珍寶咁，1波、空波同後波以外停車就會死火，同現實唔相乎。
而如果改一個Voith 4前速自動波箱嘅script，令佢個個波都係行1波嗰類嘅液壓傳動scripts，出嚟嘅效果就會係所有波段都係引擎轉數唔係幾跟驅動系統輸出轉數，踩幾大油門個引擎轉數就升到幾多，又係同現實唔相乎。
所以，我呢個半自動波箱scripts要搞成個半月，不斷試、不斷改，先至模仿到個特性(雖然我知道仲有好大進步空間)，先至搞得掂
+plus+
一個新啲嘅巴士都唔需要考慮嘅角度--儀錶板底：

多謝觀賞，歡迎討論

記憶中珍寶每個波段踩起左都好有直結感覺
以前搭珍寶都久唔久見司機係短距離下加速再收油會行起 1 或者 2波
個轉數效果係類似搭架舊既 ZF 車鎖著 1、2掣係 1波直結/2 波直結踩下放下咁
係好明顯會俾架車個轉數扯翻轉頭


閣下試車片中渣珍寶算"渣壞手勢" (不過個波箱 script 應該重會不斷修改，而家應該只係初稿)
現實中渣半自動波車雖然唔使踩極力子，但係都係同手波個效果一樣要入空波降低轉數/踩空油拖波
不過本人依稀記憶記得偶爾見到司機追燈/飛車時會 "straight down" 咁直接轉波而唔留少少空檔時間俾個波箱去空波逗留
幾個月前有幸係英國同過一個老司機傾過半自動波 (當日佢渣緊一架 AEC Reliance，5 波半自動，操作效果同珍寶差唔多)
佢講起早年係英國某城市就係因為班車手個個唔入空波而搞到批車極速打柴，幾個月就玩走晒波箱機件 d 潤滑油之類成批車要入廠


http://www.youtube.com/watch?v=54itgpriPZc

留意此巨鷹珍寶起步頭幾個波都好早轉，兼且波與波之間逗留空轉時間太短，3、4 波之間會走音
好似記得以前中巴珍寶如果咁玩，波與波之間都會走音，個效果好似 ZF Ecomat 巴士 2 轉 3 個種"招...."聲既柔順版
最近睇翻上一代老行尊影既巴士片段就證實左自己記憶


另外貼一架英國保留緊既珍寶

http://www.youtube.com/watch?v=SlTdJQfo_Ho

片中可以見到"正宗"同"懶人/車手"渣法，而印象中中巴司機貪方便既次數唔低，
一程車通常必定會有著兩種轉波操作在內
片入面亦可以見到高波有著好清楚既直結特性，可以見到架車 4波收到就黎停/停定 (太矇) 架車都未死火
不過空數似乎太低，成架車打冷震，司機入翻空波架車就無咁震


雖然本人都唔太清楚半自動波實際運作，但諗落如果類比為古老版 Volvo I-shift 波箱，兩者會唔會異曲同工呢？
Volvo I-shift 就 12前 4後，電腦分析行車狀況以 2 / 3 / 4波起步 (部分版本既錶板有寫第幾波)
之後 (好似) 要司機鬆油，類似手波車踩極力子時右腳既動作
兩三秒後再踩油就完成轉波動作
停車停到接近停低，個 mon 顯示轉為 N 波，效果大約同手波車停定/停定咁濟時左腳踩實極力子個效果
(未有車牌，唔知點形容個下動作 )



關於片中個部珍寶，本人早幾個月有幸分別係兩個博物館玩過此車同埋另一架較早期既珍寶波掣
youtube 個架車係
D13
-|-|-|
R24
最左邊一枝打橫係後波保險桿

另一架係比較似中巴個種排法，無獨立一個 D 波既波位，後波保險掣亦係向車頭方向
除左 4波有塊防止拖錯波既鐵片擋著 (令司機一定要先入 3波解除個鎖先轉到 1、2波)
原來空波重有條彈弓，個 H 形只有 1、2波之間先係空波位，2 轉 3 逗留空波時如果放手，
枝棍會停係 1、2波中間而唔係 3、4 波中間個位


上面  youtube 個架好似就可以就咁停留係中間橫坑既其中一個位代表空波 (好似機鋪灣岸咁既玩法)
而記憶中中巴半自動波波箱型號其實不只一款，唔知操作有無少少唔同
(正如 Voith/ZF 波掣都係一個波掣盒上面有幾粒透明掣/黑掣咁，但入波/空波個操作程序都有少少分別)


另外係第三間博物館見過另一部珍寶
波棍/保險棍個擺放方式同中巴一樣，不過枝棍停留係 3、4 中間，唔知係無空波彈弓版
定係有人手多潛上車轉左個 4波再入空波，枝波棍俾 4波保護桿頂著過唔翻 1、2波中間個位
定係有一隻版本既半自動波空波正常位置係 3、4 之間


影左少少錶板/波棍操作既劣相，希望自己今週內可以有時間整理好貼上黎
器材/博物館環境/攝影技術所限，相片質素差劣，不過可以睇到錶板形狀同埋入面 d 電掣係乜、形狀、用料質感
(記得個幾架珍寶錶板電掣個款雖然有少少出入，但大致上都係個幾粒掣操作同一樣既開關)


另外，可能而家講得言之過早
珍寶個算盤子操作力度要俾想象中大力，以前中巴司機轉波個種手勢睇落好輕鬆好似而家撥指揮桿咁簡單
自問自己左手都算好力，不過玩過既兩部珍寶波棍都起碼要用開啤酒樽咁上下力度
(以最簡陋得個柄個種開蓋器開)
後波保險掣彈弓更係彈力十足，大約係捏開一隻巨形黑色文件夾咁大力
除非極度熟手同指力十足，否則左手單手用兩隻手指夾起個掣然後手心將枝波棍推入 R 波都幾高難度
即使雙手操作，過程中其中一部分跣一跣手唔夠力都會成枝保險棍彈翻轉頭 (好似拉手掣唔夠力咁既原理)
個下"o拍"聲重響過丹尼士/MCW 之類既車彈手掣既撞擊聲，差唔多可以話係渣粒波子/鋼珠用盡全力擲落雲石/金屬表面上既撞擊聲
唔知有無方法整到個操作難度高少少呢 (而家 OMSI 好似可以半拉手掣，但唔太覺有人整過拉到一半鬆手於是手掣彈翻原位既效果)


[ 本帖最後由 HW8373 於 2012-10-29 22:30 編輯 ]