Enviro 200 呢款巴士, 相信各位巴士愛好者一定耳熟能詳,
香港嘅九巴同港鐵亦擁有一批唔同長度嘅 Enviro 200 服務市民,
喺英國本土更加係隨處可見, 堪稱自 Dennis 時代 Dart 型巴士推出,
及後公司嘅一系列架構重組成為現今嘅 Alexander Dennis (ADL),
再為旗下產品陣容作出變動之後, ADL 引以為榮嘅產品之一。
CMNL 最近推出嘅 Go Ahead London Enviro 200,
在下其實有一段時間心情都幾複雜, 而呢部模型嘅推出又遇到一番波折,
皆因自己鍾意 E200 呢款車, 又鍾情玩 London General 色,
當初佢宣佈會推出呢款車果陣, 在下原本心情都好興奮,
始終都係自己鍾意嘅車款同拉花, 但係中途一波多折,
首先係傳出佢同真車有出入 -- 初時計劃會出 10.4m 版,
但係模型卻係 10.8m 版嘅車模, 同真車有出入,
或者我對呢個長度之差比較執著, 但係我真係一怒之下決定佢出左我都唔入,
不過由宣佈會推出果一刻開始, 卻係一直只聞樓梯響, 冇哂進一步消息,
而後又突然傳出負責生產模型嘅廠商破產, 令生產計劃進一步受拖延嘅消息,
如是者一拖再拖, 最後終於傳出模型重生推出嘅消息,
當中 LG E200 亦係其中之一, 而且亦唔係錯模車,
不過價錢就有D令人卻步, 而且拖左咁耐, 就算幾咁鍾意呢款車,
都冇左當初果種興奮嘅心情, 話雖如此,
始終都係自己期待已久嘅模型, 呢個事實又實在難以掩飾,
不過 CNN D車, 以後真係自己鍾意嘅先至會入啦, 始終價錢未免有點那個啦...
講左咁多廢話, 都係去相先~~
Facebook 相, 今朝返工前收到由 Fedex 寄來嘅郵包,
8_M 真係要學下人地, 唔好再好似上次果兩架十四座咁淨係包幾塊紙皮喺面就算啦!
今次順道入多架大丸十四座, 有留意在下出 Post 嘅都應該諗到點解要翻兜多架十四座啦~
同樣不設證書, 只有喺台座註明: 1 of 504 pcs
正式落地!
同九巴 E200 相會
大家同樣係 E200, 同樣係雙門, 但係長度卻不一致
來一個對比先
加日產 Echo 十四座小巴
Thanks for reading~ |
