小弟對作為巴士愛好者見解

注意︰不喜勿插，平心討論
小弟有以下見解︰
在收藏品方面，小弟雖然冇N年前舊車零件，黑白相等物品，但模型都收藏多年了，可作「巴模收藏者」

在攝影方面，小弟出街影相通常用ＳＯＮＹ支１６－８０，間中先用７０－４００，因為小弟覺得香港街道窄，
地方唔夠空曠用長鏡影唔到車嘅機會太大，我唔會用多幾個鐘於同一個位等多一轉，情願「變通」，
及時轉位或做其他野，最好當然係主角未到就預備好點影，校定快門、光圈、焦距、對焦位置等，
而且影「標準相」雖然睇落美感豐富，但近年睇得太多開始覺得悶，攝影都係「由心出發」算，
不再強求「標準相」，影得唔太衰過到自己過到人就得啦～

在稱呼方面，小弟未試過俾街外人叫過「巴士迷」，通常問我「哥仔／攝影師，有咩好野影呀？」，
我只答「影下車啫」，我情願俾人地叫「公交／巴士愛好者」都唔想俾人叫「巴士迷」，
皆因近十年「巴士迷」這個朵俾街外人或者車長等覺得係對公眾秩序有所影響嘅狂熱份子，
就好似先前有人影相話俾車長舉中指「回敬」咁，老實講，呢個唔係影相位人士錯，車長作出此行為當然不正確，
但係個「因」都係有其中一郡「害群之馬」做過劣品行為而道致其他無辜者得到呢個「果」

在搭車方面，大家行家正正常常上車做返個正常乘客，唔好只顧講電話或同同行友人傾「巴士經」，
唔好成日要求車長俾時間影內籠，人地隨時休息時間都冇，俾你阻一阻，一係就遲開車要追時間，
一係就俾上頭話，一係就搞到下一程車因遲到要「搞牌」中途起載而出現起載前等車嘅人出現「脫班」問題，
而且家下社會個個要求人地俾「服務」要俾到好似皇帝式咁，好多人唔記得，人家作為車長，
只不過係幫你由Ａ點安全地送到去Ｂ點，其間對話「有問有答」都只係所服務路線中有關係嘅，
其他都要搭嘅自律，如上車後於車廂中移動要緊握扶手，上車前準備好八仔或錢，
落車前同個站距離不遠就去車門準備定落車，趕車人地又等埋你跑過嚟上車講返句唔該，主動讓位俾有需要人士等，
搭嘅自己唔做好本份，只單方面話車長咩咩做得唔好，唔等埋佢地坐就開車，唔等佢地行到上車就走，
飛站等就一味做「投訴」，如果個個「將心比己」，知道人地苦處，社會會和諧多～

小弟就係唔想再有機會俾人叫「巴士迷」，於是就將興趣變職業，寓工作於娛樂，做車長「巴士佬」，
唔做唔知幾辛苦，希望其他巴士愛好者平日唔好阻到車長日常工作，如果唔係就只會有更多不愉快事件～