27/2/2013(三)2013至2014年度財政預算案

部份關於我們的重點：
醫療：
優化管理專科門診輪候名冊，以縮短輪候時間
動用80億元重建葵涌醫院。

土地供應：
就維港以外適度填海、開闢新發展區等開發土地策略，進行研究和設計。

環境保護 ：
預留100億元，分階段淘汰舊柴油商業車。
推展在大嶼山小蠔灣興建有機資源回收設施的計劃。

旅遊業：
向海洋公園貸款23億元，興建全天候水上樂園。
迪士尼樂園將推出夜間大巡遊，興建全球首個以Marvel漫畫英雄為主題的新園區。

紓解壓力
稅務優惠和一次性措施：
(01)將基本及額外子女免稅額由現時6萬3,000元提高至7萬元。
(02)寬減75%的2012-13年度薪俸稅及個人入息稅，上限為1萬元。
(03)向每個電力住宅用戶戶口提供1,800元電費補貼。
(04)寬免全年差餉，每季以1,500元為上限。
(05)向領取綜援、高齡津貼、長者生活津貼及傷殘津貼受助人發放額外一個月津貼。
(06)為公屋租戶代繳兩個月租金。
(07)有需要時增撥1億元，延續短期食物援助服務。
(08)提高個人進修開支扣除額的上限至8萬元。
(09)2013年完成課程的學生貸款人，可以選擇在完成課程一年後開始還款。

歡迎各位版友討論或跟進2013至2014年度財政預算案

海洋公園 + 強國人 + 可以容納15000人嘅水上樂園 = 祝佢好運

大部份嘢都係炒冷飯, 年年都係嗰堆糖咁滯
年薪四百萬的中產就係做到咁多嘢?

海洋公園擴建應不是壞事
你見佢新年會爆到唔俾人入場, 就知有擴建需要
不過冬天好少人會鍾意去水上樂園喎

原帖由 Quanta 於 2013-2-28 12:50 PM 發表
大部份嘢都係炒冷飯, 年年都係嗰堆糖咁滯
年薪四百萬的中產就係做到咁多嘢?

海洋公園擴建應不是壞事
你見佢新年會爆到唔俾人入場, 就知有擴建需要
不過冬天好少人會鍾意去水上樂園喎 ...

不少人都話炒冷飯﹐即係雙糧免租差餉。

講真﹐如果直接去改善生活的﹐除了這些又有什麼實際可行方法?

有新提意的﹐不妨講出來﹐大家討論一下﹐看看有無實施的難度。


直接派cash﹐我是唔贊成的﹐主因係除了小部份真係等錢開飯﹐不少人都係用作吃喝玩樂之上﹐換下手上的電子產品﹐去下旅行........。
這只是消除民怨﹐同雙糧免租........ 一樣﹐都不是治本。
除了提升民望﹐作用不大。


反而今次真係針對醫療落藥﹐我都算收貨的。其他的係持續去發展﹐去提升經濟﹐從而增加勞動人口﹐用治本方式去減貧。

而醫療﹐都算係政府開始意識到問題。
老實講﹐如果香港出現疫症﹐醫療系統崩潰係可以預見。
公營醫療﹐自己留意下細病(傷風等看門診)你是否真係使用到。大病的﹐可能到係訓企的一天都未正式開始醫。
急症的﹐唔計真係濫用﹐你唔係止唔到血﹐唔係不省人事﹐唔係心臟﹐唔係傳染病﹐隨時要半天時間才有人理你。(所謂急症﹐可能只係一些好簡單的事﹐但係私家診所做唔到的事﹐例如卡魚骨等等)



土地供應﹐前朝帶來的問題﹐帶來土地不足令建屋量下降﹐間接拉高樓價 ; 亦因停建居屋﹐公屋量少﹐令到低收入及有些少能力置業的人﹐都唔夠房屋供應。
本朝政府都知問題﹐所以要加推土地﹐想辦法去尋求土地。只可惜唔會在未來3-4年會帶來成效﹐要等建築期完結才慢慢見成效﹐估計都要5-6年﹐甚至10年打後才看到成效。


我都係n無人﹐乜野糖都享受唔到。但我寧願把這些錢去提升醫療﹐都好過給機會讓我(甚至大多數人)去花費買一些消費品。

原帖由 kei_hk 於 2013-2-28 16:52 發表


不少人都話炒冷飯﹐即係雙糧免租差餉。

講真﹐如果直接去改善生活的﹐除了這些又有什麼實際可行方法?

有新提意的﹐不妨講出來﹐大家討論一下﹐看看有無實施的難度。


直接派cash﹐我是唔贊成的﹐主因係除了小部份真係等錢開飯﹐不 ...

醫，講左十幾年啦！自從收縮醫療後年年都係咁，年年優化黎樣果樣有改善過咩？

重建更加早就應該......成個系統都有問題佢黎幾巧都係治標而己

派錢當然唔治本，可笑的是也沒見到治本的東西，治本不成只望治標實屬正常，反正好多人同我一樣，睇唔出黎個政治同澳門有咩分別，錢多無長遠

原帖由 DGCNYO 於 2013-2-28 19:05 發表

醫，講左十幾年啦！自從收縮醫療後年年都係咁，年年優化黎樣果樣有改善過咩？

重建更加早就應該......成個系統都有問題佢黎幾巧都係治標而己

派錢當然唔治本，可笑的是也沒見到治本的東西，治本不成只望治標實屬正常，反正好多 ...

反正都無治本辦法, 不如派錢比我儲黎買一呎磚頭

原帖由 Anpretext 於 2013-3-1 01:01 AM 發表
反正都無治本辦法, 不如派錢比我儲黎買一呎磚頭

我寧可把這筆錢真係做一些同民生有關的事﹐例如進一步改善醫療﹐提升紀律部隊的人手﹐提升教學...


ps. 其實過去多年政府一直緊縮公務員數目﹐除了小部份部門有增加人手作補充外﹐很多部門都只能靠 "不停續約的臨時合約工"去為市民服務﹐問題已經慢慢爆出來。
與其根本要人手﹐為何要長期使用"合約非公務員"去聘請人手

[ 本帖最後由 kei_hk 於 2013-3-1 11:03 編輯 ]

原帖由 kei_hk 於 2013-3-1 10:59 發表


我寧可把這筆錢真係做一些同民生有關的事﹐例如進一步改善醫療﹐提升紀律部隊的人手﹐提升教學...


ps. 其實過去多年政府一直緊縮公務員數目﹐除了小部份部門有增加人手作補充外﹐很多部門都只能靠 "不停續約的臨時合約工" ...

如果佢真係改善醫療或者起多D樓我梗係寧願佢唔派錢啦
你睇下而家做左D乜 夾心階層除左電費補貼咩都無

原帖由 kei_hk 於 2013-3-1 10:59 發表


我寧可把這筆錢真係做一些同民生有關的事﹐例如進一步改善醫療﹐提升紀律部隊的人手﹐提升教學...


ps. 其實過去多年政府一直緊縮公務員數目﹐除了小部份部門有增加人手作補充外﹐很多部門都只能靠 "不停續約的臨時合約工" ...

有做先算，現在就是咩都做唔到，我白D講跟本唔想上身所以咩都唔做，對N無咩都無，又係怕上身，普通人又係無咩料到，又係怕上身

自從外判制出現後，個政府跟本就一幅唔想上身，咩都賣出去，基礎服務都要商業化，睇見都眼冤

對住咁既政府，你覺得我們會期望治本？治標現實好多，最少我地袋袋平安有咩事可以靠自己，又可以間接支持人消費，現在就咩都無

電費仲貼少左，今年夏天又要慳多D黎交電費，我睇唔到有咩實際治本的政策出現

原帖由 Quanta 於 2013-2-28 12:50 發表
大部份嘢都係炒冷飯, 年年都係嗰堆糖咁滯
年薪四百萬的中產就係做到咁多嘢?

海洋公園擴建應不是壞事
你見佢新年會爆到唔俾人入場, 就知有擴建需要
不過冬天好少人會鍾意去水上樂園喎 ...

我反而覺得，一日佢唔檢討遊客來港數目，就算比佢剷平成座南朗山都冇用，多一項設施，咪只會吸引更加多的人迫爆……