「讓愛與和平佔領中環」

原帖由 053h4 於 2013-4-6 11:25 發表


根本就係你自己定義，鎮壓係負面詞語

以尊重疑犯權利使用適當武力並帶走疑犯唔係一般意義的鎮壓

按你定義，都係個句，下次香港警察啦人，鎮壓疑犯咪算lor
香港武力鎮壓南韓示威者又得

另外，亦唔好國內武警解放軍等職能不 ...

我用左字典, 俾埋新聞link同你解, 你都話我自己定義,
反而你自己一句解釋都quote唔到....只講咩西方定義,
但連鎮壓等於邊個西方字詞都講唔到....

的確, 香港警察有鎮壓南韓示威者, 用緊係催淚彈, 都
係武力的一種...

當然, 一般疑犯好少用鎮壓, 因為鎮壓多數係涉及較大
型的行動的形容....

如果你上google seach "鎮壓示威者", 會出到好多結果,
包括香港報紙, 以下簡單2例

http://the-sun.on.cc/cnt/news/20120701/00407_020.html
警噴胡椒霧鎮壓示威

http://www.singpao.com/xw/gj/201211/t20121125_403888.html
泰催淚彈鎮壓群眾示威40傷

即鎮壓一詞係香港一般用法, 唔係負面到去到你講"見人就射"開槍
先叫鎮壓, 噴胡椒霧/催淚彈, 一樣可以叫鎮壓...

就算講用不適當武力先叫鎮壓, 咁咩叫適當武力? 你又可以保證89年來,
中國國內面對示威, 所有軍警(我唔理佢武警定解放軍)都係用緊適
當武力? 你估其他人信唔信? 適當武力又要唔要用西方定義?
(你唔好同我講用大陸法院定義wor)

我只是針對你以下呢兩句...因為這明顯不是一般香港人理解的...

原帖由 053h4 於 2013-4-3 12:13 發表
自從89年, 國內都無震壓過, 幾時論到香港啊?

原帖由 053h4 於 2013-4-5 15:02 發表

出軍隊"鎮壓", 係指唔理三七廿一見人就射
但用最低武力"平亂", 就唔係叫"鎮壓"

[ 本帖最後由 3ASV196 於 2013-4-6 12:45 編輯 ]

原帖由 053h4 於 2013-4-6 11:31 發表

你講咁多轉移視線都無用
好簡單，公務員出身的勞工局，同旗下工務員，做野慢三拍，溝通唔適做
少做少錯唔做唔錯，就係又一折射出既慢又垃圾的公務員體系同規章制度又企左係度

以前曾特首又係公務員，主要政策局又係公務員，公務 ...

我諗你既然都講到"既慢又垃圾的公務員體系同規章制度", 咁再可討論空間未必大,
我亦無謂再詳細解釋點解公務員有這樣設計同規章....我就當閣下正確

但只鬧同批評, 亦不能改變現況, 咁我不如真係轉移下視線, 想具體DD, 反問下閣下,
以現時情況下, 有咩解決方法, 可以將整個公務員體系同制度重新洗牌, 而不影響市
民生活呢?

[ 本帖最後由 3ASV196 於 2013-4-6 19:15 編輯 ]

有人覺得按守則工作嘅香港公務員制度係「垃圾」，咁香港當然唔似得鄰近「其他國家」公務員咁有效率啦，你俾得起錢送車送樓送女人，咩都可以快速辦妥，呢D就係「效率」啦！

原帖由 PB602 於 2013-4-7 08:55 發表
有人覺得按守則工作嘅香港公務員制度係「垃圾」，咁香港當然唔似得鄰近「其他國家」公務員咁有效率啦，你俾得起錢送車送樓送女人，咩都可以快速辦妥，呢D就係「效率」啦！ ...

雖然平時我好少同意你, 不過今次你講出我想講的重點....

香港公務員體制同制度, 點解會慢同保守, 因為佢每樣野都會詳細內容咨詢同考慮,
經好多唔同人, 包括俾不同人員, 不同部門, 同不同層面的上司去批核
咁除左比較全面考慮, 防止出錯, 亦係防止緊貪污...

而唔少公務員亦會隔幾年就調位, 包括去負責不同地區, 或去其他部門暫調,
或如果AO/EO 轉去不同部門,雖然每次都要時間去適應同了解, 影響工作效率,
但這樣亦係增加不同見識及防止緊貪污, 同樣份工較有保障, 少炒人, 亦係同一
理念...

而規章亦係一重點, 如我以前的部門, 有一套內部規章, 好長的, 所有人都會
跟佢工作, 去確保所有野都盡量一樣, 所以大家都會見到, 公務員做常規野多數
無問題, 亦拖唔到, 但當突發d, 不常規, 就會慢, 因為無規章跟到, 要樣樣詳細
咨詢同考慮...結果係快速轉變的社會, 政府會與市場脫節....這是事實...

有d人可能好理想咁諗, 當政府係私人公司, 話去就去, 話做就做, 結果就會出事,
好似講返最初奶粉問題, 有站友覺得前線執法拉錯人, 但我睇係有關指引唔清晰
引起, 試想想, 如果有關指引唔清晰, 而前線亂俾酌情權, 情況會點? 羅湖同落馬洲
可能有不同執法水平ga wor.... hkitalk 不同分版有不同執法水平, 大家站友都不滿la,
何況口岸? 後果可以好大...

所以現任政府管理層, 佢"對症下藥", 大量用有形之手直接干預市場, 我唔講佢
對定錯, 亦不是今次討論重點, 但最少推出每項政策前, 應先深思熟慮, 考慮全面,
(急都要做得全面) 如果唔係, 奶粉咁, 不斷拉錯人, 咩係奶粉, 豆奶粉都未分到,
就只會不斷發生....

試想想, 如果無左規章制度, 公務員可每人自行決定一d處理方式, 唔駛做內部咨詢,
無錯, 真係快好多, 我話乜就乜, 但到時情況會係點? 大家都會明白......

大家會唔會想發展商起樓, 一日畫圖, 一日批則, 第三日就起緊樓? 呢d係"鄰近地區",
真係可以發生的....

ps 其實為左加快應付一d情況, 依家政府都會有d task force, 或fast track的處理, 但當然,
效果仍然有限....

[ 本帖最後由 3ASV196 於 2013-4-7 13:52 編輯 ]

打個比喻，英式司法制度(普通法)其餘效率極低，一件刑事案要執法部門舉證、排期上庭、陪審團商議，控辯雙方盤問再盤問、陪審團商議、法官量刑...... 前後可能花幾年時間先審完一單案，但香港人正正以呢種司法制度為傲。

如果「公平按原則辦事」同「效率」之間只可以選一樣的話，我相信絕大部分香港人都會選擇前者

[ 本帖最後由 PB602 於 2013-4-7 23:53 編輯 ]

原帖由 PB602 於 2013-4-7 23:52 發表
打個比喻，英式司法制度(普通法)其餘效率極低，一件刑事案要執法部門舉證、排期上庭、陪審團商議，控辯雙方盤問再盤問、陪審團商議、法官量刑...... 前後可能花幾年時間先審完一單案，但香港人正正以呢種司法制度為傲。

如 ...

事實如此, 你要效率 o既未變相好似大陸咁貪污腐敗,
洗小小錢乜都可以解決到,
而香港個核心價值, 公平公正, 廉潔呢兩樣野肯定磅上有名 ~

公務員都有腦都睇到有問題。
但公務員無能力拍板，最多只能提出建議讓長官考慮。
長官不考慮（有政治原因、經濟原因等等），公務員體系即使盡攬全港精英都冇用。

政治中立的公務員就像堅固的零件，一架飛機有問題行唔郁，
你會去追究機身的零件，定係追究設計師、維修員、飛機師？

情形就好似，美軍戰機迫降太平洋小島，島民當隻機係神咁拜。
但沒有機師、維修員、設計師，即使你買好多零件都唔識砌，砌成你都唔識用，
這隻飛機你拜佢五十年，就算佢唔生鏽，都唔會飛得返。
現在香港需要的是良好的機師和他的支援團隊，
要達成這個目的就要有一套長久有效的揀選（及培訓）機師的制度。

[ 本帖最後由 DIH 於 2013-4-9 13:37 編輯 ]

原帖由 DIH 於 2013-4-9 13:03 發表
公務員都有腦都睇到有問題。
但公務員無能力拍板，最多只能提出建議讓長官考慮。
長官不考慮（有政治原因、經濟原因等等），公務員體系即使盡攬全港精英都冇用。

政治中立的公務員就像堅固的零件，一架飛機有問題行唔郁，
你會 ...

你咁講我係同意 o既, 但係培養新一代係需要時間的. 但係香港作為特別行政區只係去到 2047 年, 距離而家仲有 34 年 o既時間; 時間上話長唔長, 話短唔短. 睇下而家阿爺對香港 o既態度黎睇, 過左 50 年不變 o既時期之後, 真係好大機會會直接收返香港. 當然有人可以話咁多年之後冇人知會發生咩事, 可能中共已經倒台等等. 但係如果以而家中港矛盾 o既情況去睇, 基本上只會繼續惡化落去, 來來去去就係因為共產黨到今時今日都唔相知香港人. 就算我比到個好 o既機師, 甚至支援團隊你, 其實都係冇用. 因為起機師之上, 仲有成間航空公司 o既管理層. 除非兩個情況, 一) 該機師真係勁到可以帶領其他員工另起爐灶, 或二) 該航空公司倒閉. 如果航空公司倒閉情況就更加複雜.

總括黎講, 你冇自主權根本就乜都唔洗玩. 換句話講, 就算比泛民佔領中環成功, 效果最多都只係可以使更多香港人更加關心政治 (泛指普選或其他香港核心價值). 如果佢地係幻想中共因為你佔領中環成功而比香港有普選就真係妄想.