近年來新發展區屋邨的配套問題

原帖由 EX-TL 於 2013-8-18 16:46 發表
相對上, 美田邨有屬於自己的商場, 公共交通工具和附近的美林邨.美松苑共用, 算是比較好,
但和調景嶺健明邨相比, 則後者明顯更勝一籌, 附近有大型私人屋苑商場連接屋邨商場,
學校.學院林立, 巴士和港鐵在五至十分鐘步 ...

將軍澳南新巴士線幾乎同新屋苑同步，
將軍澳站一帶直頭有巴士線先過有人住，之後好短時間又有港鐵，交通根本係非常理想。

天水圍北巴士線亦開得唔遲，
樓主所講既新屋邨，雖然巴士線好多都唔係去到家門口，但不遠處都已經有大量現成巴士線搭，雖然要行多兩步，但絕不至於差。

九十年代新市鎮，好多一來成區都無現成巴士線服務，二來巴士服務係非常不足，
好似將軍澳北咁，當年即使已經有長途線 93K，但繁忙時間如果唔係o係寶林總站打蛇餅，根本中途站係無可能上車，
當年山上早入伙既翠林、康盛居民係要日日行路落寶林總站再打蛇餅先搭到車出市區返工架，
點會好似依家o的新屋邨例如啟德咁，未入伙就有條 5M 載住空氣先。

住私人屋苑不見得一定會渣車番工，而且人地真金白銀俾錢買樓，用努力去換取交通方便有咩問題？我唔認為呢個係規劃問題。

香港地幾十年來公屋都係興建喺當時嘅郊區，四十幾年前嘅華富邨建於亂葬崗之上，當時俾人感覺仲隔涉過今日嘅天水圍。禾輋邨開邨時沙塵滾滾，同人講住沙田人地仲以為過咗獅子山隧道就會見到有牛牛。

新屋邨大把新移民，全家領綜援，日日去酒樓飲茶不知幾嘆。逸東邨就太把呢類人，成個機場都等人用偏偏就無人肯番工，近唔近港鐵站幾咁閒，最緊要有酒樓大家樂俾佢地打牙較

原帖由 mckhgc 於 2013-8-21 01:06 發表


最重要係，接近鐵路站相若米範圍內的住宅，應盡量興建真正對鐵路運輸有需求的中下階層住宅。但偏偏香港既規劃本末倒置。
沙田已經係明顯例子，鐵路站上面/隔離，就名城、溱岸8號、御龍山，當中有幾多居民真係需要鐵路交通，大 ...

諗諗下，其實成件事並唔單單係都市規劃既問題，而關鍵係興建營運鐵路既成本呢個老話題。興建鐵路要好多既投資，而政府一向既做法就係透過拍賣鐵路上蓋既土地去收返建築成本，所以價高者得……

不過你話呢D上蓋物業既居民係咪都對鐵路運輸冇需求，小弟係有D保留既。始終香港養車並唔容易，而且商業區既泊車空間不足，又經常塞車，選擇公共交通運輸既中產/中高收入家庭應該都有唔少……而且如果有車，有更理想既居住地點，例如康樂園、錦繡花園，又或者係新界鄰近新市鎮既洋房，環境都俾車站上蓋又噪又多廢氣既環境好，選擇鐵路上蓋或多或少都因為佢交通便利吧…
另一方面，其實新屋邨離鐵路車站既距離真係咁差呢？小弟去過彩福等三邨，的確彩德邨距離九龍灣站有近800米遠，但都係十五分鐘之內既路程，而且由有蓋既行人系統連接，並唔算太差…

其實啟晴唔係咁差，雖然晴朗商場仲未起好，但行去麗晶商場都係比行去晴朗商場多幾分鐘 (我自己由晴朗商場入口行去麗晶商場都唔駛五分鐘)
搭車方面，有5M接駁去地鐵站，行出去太子道東又唔算遠，遲D沙中線起好行得仲近
P.S.唔記得睇邊度講有黃大仙區議員想爭取啟晴德朗納入黃大仙區範圍，理由係果區同新蒲崗有較強聯繫喎，我都唔明有乜聯繫，你話觀塘區就話姐