東涌填海擴建新市鎮 西面減填 東面加填

原帖由 ArnoldC 於 2014-1-21 10:02 PM 發表
如果大嶼山要起第二條南北連接路，
最簡單應該係將大澳至沙螺灣一段東大古道擴建，
然後由沙螺灣起條橋過去赤立角，
(如果要)控制站就設係橋頭。
技術上絕對可行，
不過政社經因素呢......

機場現有嘅跨海橋，
水警輪應該都夠 ...

實情係...... 政府根本係唔想整﹐現時亦唔想/未規劃好嶼南的發展﹐所以現有東涌道及嶼南的道路已經足夠。

有沙螺灣村村民爭取建路﹐只不過係上世紀90年代初﹐政府話想起多一條單線行車路﹐供緊急車輛使用(會開放給居民使用)。

不過﹐由頭到尾都無講過完工日期﹐而這工程又無迫切性﹐所以只係展開了少部份的工程﹐之後便無批錢﹐全面停工﹐直至今天都無再復工。
而且﹐係有另一版本係當時新機場係會填海﹐把大嶼山連接﹐即係機場及大嶼山之間係無水道的﹐為了保持這一帶鄉村的交通需求﹐所以需要建路。但最終因為決定會保留水道﹐居民可以繼續用原本出入的方法(渡輪/街渡)﹐所以便停止興建/擴闊馬路的工程。



你話沿東涌大澳古道去建新路﹐講真﹐除了沙螺灣至深屈一段有幾條村外﹐沿途都係人跡少見之地﹐道路需求真係很少。
想政府撥錢去建這條路﹐基於已經有其他道路連接﹐同時又未有飽和問題(除假日個別時段外)﹐真係好難有理據﹐可以令財委會肯批錢動工。