日本旅遊購買 Rail Pass 組合問題

原帖由 ksmbh 於 2014-7-13 23:35 發表
Linimo好似冇誇公司PASS可COVER
名鐵同名古屋地鐵有各自的Day pass
睇下你名古屋個幾日點玩
http://www.meitetsu.co.jp/train/ ... count/2dayfree.html

去程關空去名古屋
不如用用近鐵五日廣域但睇你行程景點近邊 ...

用KTP由大阪坐阪神+山陽去姬路係抵到爛, 一來一回已經用到一半價值
上次我去姬路果日都係咁樣由近鐵難波去姬路, 雖然要成兩個鐘, 但沿住瀨戶內海行既風景好relax, 旅行就應這樣
但去完姬路之後先返出神戶食野, 再o係神戶坐阪急落梅田, 去到梅田再轉地下鐵, 乜都抵番晒

用KTP如果只係來回大阪同神戶或京都, 的確係回唔到本, 因為阪急/阪神/京阪單程票好平
所以有一日我只去京都某一兩個景點, 就只買單程票算
但如果去既景點多既話, o係京都市內坐多兩三程巴士, 或者去嵐山坐京福電, 就值回票價

係呀
阪神阪急應係最實惠既私鐵
因為樓主話想多搭私鐵嘛
所以如果買左KTP當然要搭盡佢啦!
雖然山陽同阪神神戶高速係連住
但一入山陽路段就貴!
我最想去搭都係神戶電鐵
無啦啦山谷有條鐵路爬上去!

請問應如何利用近鐵的網絡由名古屋前往奈良？中途應該要轉車？
特急和普通班次的時間差多少？

http://eki.kintetsu.co.jp/norikae/N1
用呢個SEARCH要轉兩次
特急都要2:30分

大阪-名古屋, 想慳錢就一定係用近鐵 pass, 不過我覺得 kintetsu wide pass 唔抵。
因為 wide 版比普通版貴 1900 yen, 呢個差額夠散買兩張南海急行関空-難波 (920 yen) 有突。
況且南海関空 rapit 有特價 1130 yen 單程好抵搭。

至於返到大阪之後買邊張 pass 主要視乎樓主住邊區。
如果住梅田有阪急/阪神總站就用阪急/阪神 pass, 500-700 yen 一日冇得輸。
住心齋橋出入要用地鐵駁腳就買 KTP。KTP 要計埋大阪地鐵駁腳費+目的地巴士/ 地鐵先回到本。
住天王寺有 JR 搭就用 JR West Wide pass, 可以搭各種特急自由席 (e.g. Kuroshio 去和歌山, Haruka 去京都) 唔駛同通勤族一齊迫, 搭埋新幹線落姫路, 岡山都得, 臨走又可以搭 Haruka 入関空。

唔離開大阪市果日就用大阪市營日票, 或者大阪周遊 pass 啦。

原帖由 JC3987 於 2014-7-18 00:25 發表
住天王寺有 JR 搭就用 JR West Wide pass, 可以搭各種特急自由席 (e.g. Kuroshio 去和歌山, Haruka 去京都) 唔駛同通勤族一齊迫, 搭埋新幹線落姫路, 岡山都得, 臨走又可以搭 Haruka 入関空。

唔離開大阪市果日就用大阪市營日票, 或者大阪周遊 pass 啦。

只供參考：
上個月我去京阪神時都係住天王寺
不過四日中，只用過地鐵一日票及奈良班鳩一日券-大阪市地鐵版
JR只係去明石海峽大橋時搭過一次，其他都係靠私鐵
去京都我就係淀屋橋轉京阪電車...

周遊pass可以免費入大部分的景點
但一日去咁多個景點真係太趕，個人覺得同玩命冇咩分別...
同埋地鐵pass去部分景點會有折扣，如果樓主唔去得多景點既話可以考慮用