今年的秋天氣候提早在8月來臨？

尤其是係咁落暴雨果幾日，氣溫竟然可以跌至25/26度，之後出猛太陽的日子都有涼風打底。

原帖由 paul2357paul 於 2014-8-25 04:36 發表
尤其是係咁落暴雨果幾日，氣溫竟然可以跌至25/26度，之後出猛太陽的日子都有涼風打底。

如果根據中國曆法的話，實情今年八月七日就已經係立秋吧了。
其實近年天氣反常，就算而家涼得一兩日，到九月又可能熱到七哂彩。

暴雨嗰幾日完全係倒水, 日間零陽光, 地上沒有熱氣蒸發, 晚間冇雨咪涼囉,
當晚我在戶外涼到想披番件褸, 的確內地打從七月尾八月初起漸漸受到來自
北方反氣旋影響, 顯示已進入秋季, 近日聽電台新聞天氣時聽到氣溫三十幾度,
相對濕度只有百分之六十幾也有少少唔習慣, 畢竟今年夏天濕度偏高, 常下雨,
乾少少就算三十幾度都無感覺咁熱.

尋晚睇報紙專欄，作者在荷蘭，包租婆話今年係荷蘭120年來最凍的八月，要開暖氣！
睇天氣報告都見到，西歐多處今年夏天氣溫徘徊在10-20度，但在此之前，
我六月去德國時有幾日熱到35度，估唔到之後成個七八月都係偏涼。

講返香港，近兩個星期較為乾燥，的確比較少見，前幾年多數都要九月後先開始乾。
而且今年到目前為止未有熱帶氣旋正面吹襲，吹晒去日本，總之個天就亂晒大龍啦。

題外話，今年計埋我有好多人歐遊，機票平、氣溫低、日照長，可遇不可求！

[ 本帖最後由 DIH 於 2014-8-26 08:51 編輯 ]

原帖由 DIH 於 2014-8-26 08:50 發表
講返香港，近兩個星期較為乾燥，的確比較少見，前幾年多數都要九月後先開始乾。
而且今年到目前為止未有熱帶氣旋正面吹襲，吹晒去日本，總之個天就亂晒大龍啦。 ...

全因厄爾尼諾現象正在形成, 由於太平洋有較高水溫的地區逐漸東移, 整個大氣環境亦被打亂,
熱帶氣旋在西太平洋形成後, 多數會在菲律賓以東海域轉向偏北移動, 對南中國海影響減少.
反之, 在夏季盛行的西南季候風會較強, 香港雨量偏多.

今年8月, 中太平洋曾有兩股風暴接連迫近夏威夷, 而由中太平洋橫過國際換日線進入西北太平洋的
颶風吉納維芙亦曾達超強颱風級別, 路徑也是先偏西, 後偏北. 日本早前發生嚴重山泥傾瀉導致
人命傷亡事件, 跟日本海水溫偏高不無關係.

http://www.hko.gov.hk/lrf/enso/enso-latest_uc.htm
http://www.hko.gov.hk/wxinfo/season/anlfc.htm
http://www.weather.gov.hk/informtc/tc2014/tc1408c_uc.htm

原帖由 AVD1 於 2014-8-25 11:15 發表

如果根據中國曆法的話，實情今年八月七日就已經係立秋吧了。
其實近年天氣反常，就算而家涼得一兩日，到九月又可能熱到七哂彩。

曆法是屬於天文方面的事物，而季節是屬於氣象方面的事物。
可是中國曆法之中例如廿四節氣卻定義了不少與季節有關的terms，這種錯誤的概念誤導了不少人以為季節是根據曆法而決定的。

根據香港天文台「二十四節氣」中提到:「以該段季節常見的天氣現象或農業活動而命名，節氣某程度上
反映了古代中原地區的氣候」, 位處中國南方的香港, 引用二十四節氣解說固然不夠直接, 然而香港的秋季
通常會受到內陸氣流影響, 天氣變得較為乾燥和清涼.

冷暖空氣互相撞擊引發的大雨, 在八月開始變得頻繁, 冷空氣在大雨後影響華南的機會, 隨著慢慢步入秋天
而增多. 8月20日, 香港日間下了一整天雨, 沒有日照, 而天色從傍晚起漸轉明朗, 風向為東北風, 而一天前後
分別為西南風和東南風, 最高氣溫比一天前後的平均氣溫還要低, 那天明顯受內陸氣流影響, 令香港人感覺
秋天來臨, 晚上戶外的確很有秋意, 讓人有添衣的需要.

若上述天氣情況發生在立秋前, 稱之為「提早」來臨相當合理, 但在8月20日感受到秋意, 就不算是提早了,
畢竟曆法是「反映了古代中原地區的氣候」, 其實跟現時也差不多, 曆法可算是四季的間接提示, 不至於構成誤導.

講左咁多, 突然想回帶去早前你開文問點解時裝店鍾意賣定下一季的衫, 當時我就話根據二十四節氣已經立秋,
香港零售業蓬勃好大程度上同內地自由行有關, 這樣應比純以二十四節氣作解釋更為圓滿.

回正題:
睇返香港天文台今年8月天氣回顧, 31日裡面只有4日氣溫低於正常, 4日中也只有2日的氣溫在極低水平,
而大部份日子則徘徊在正常和或高於正常水平. 換句話講, 今年8月出現秋天氣候相信只有8月20日一天成立,
其餘30日的整體天氣也是正常, 若然覺得今年8月零舍早出現秋天氣候, 可能只係過去多年的夏天或過去數月
令你覺得偏熱而出現錯覺.