昨天亞視新聞訪問理工大學的學者指失火源頭是冷氣機，不過今天報章則指是拖板。
另外最奇怪的是家中失火丈夫反而要求妻子及子女留在家中而不是逃離現場，而走去自行救火，結果便引致妻子及兩名長子死亡、女兒則危殆。
[ 本帖最後由 hkaiw 於 2014-8-28 14:42 編輯 ] |
|
|
喵...
|
|
|
|
|
|
翠屏南邨近來真係多災多難, 七月九號下晝翠樂樓水掣房突然壞泵, 緊急維修五個鐘先修好,
但只係暫時性, 原本安排左七月卅一號停水換水掣, 唔知咩事突然間取消左, 再安排時間整,
貼晒通告話八月廿八號整, 點知預著廿七號呢單火災又再改期到九月一號...
七月九號下晝停水咁小事以為報紙佬冇野寫, 點知夜晚東方出左單「獨家消息」話翠屏南邨
鼠患嚴重, 對翠樂樓來講, 真係一波未平一波又起...
八月廿七號晚火災前三個鐘頭, 翠櫻樓有一女子跳樓輕生, 浴血當場, 估唔到三個鐘後先係
「戲肉」, 撇開事主一家唔講, 只想講我的親身經歷, 利申: 高於肇事單位之同翼住戶.
當晚三點一個字已經覺得唔對路, 陣味越來越濃, 好似係自己屋企燒燶野的氣味, 即刻望勻
成間屋, 發現唔係自己屋燒著先放心, 諗住應該冇事, 唔夠五分鐘, 出面馬路已經排滿晒
來自觀塘同藍田消防局.救護站.警署等等的車輛, 響晒號咁轉入來翠屏道, 然後警察開咪
叫人落樓走火警, 年紀大的阿婆阿伯好多都唔願走, 我自己都費盡唇舌先氹掂阿媽坐輪椅走,
諗住冇lift搭先唔走, 我對面屋個阿婆直情跟該單位同一直行, 腳風濕都要走廿幾層落街,
真係辛苦晒!
當晚好奇怪, 東北風特別強, 等lift果一陣間都吹到凍凍地, 恰巧火警單位向正北, 可能
就係咁將濃煙吹出走廊, 而火勢就在窗前越演越烈, 演變成慘劇.
當我推著輪椅步出地下電梯大堂一刻, 燻黑及暈倒的男戶主由幾名消防員合力由電梯抬出,
即席做急救, 以為佢死左, 嚇到我呆左幾秒, 之後先識運第二條路出去, 出到去企左一分鐘
見到有電視台來到, 即刻調頭行入警察封鎖線入面(本來安排輪椅人士停泊在封鎖線旁).
由三點三企到四點半, 警察中途有嗌咪叫住戶去登記人數, 佢地講野太快, 加上地方空曠,
根本冇乜人聽到佢地嗌邊層至邊層去登記, 我自己都係見對面屋街坊走過去先跟住, 座樓
四圍都可以企人, 結果登記完之後得果一百二十幾人, 就同傳媒發佈左, 有部份傳媒就自己
作五百人, 其實當時現場走火警人數肯定冇120幾人咁少, 500人真係差唔多, 因為登記地方
剛好同肇事單位相反方向, 好多人去左睇熱鬧冇登記.
四點半解封之後上到樓, 對面屋一打開門勁多黑煙攻出來, 而我屋企都有好大陣味, 開行
風扇吹左半個鐘先散.
之後上網check到有兩死三傷, 五點前已經變成三死兩傷, 之後不停睇新聞update件事,
在網上看到唔少網民都認為有可疑, 同朋友傾開呢件事佢都認為有, 其實又好難講, 件事
發生響凌晨三點, 起火時火勢唔算大, 當然唔想驚動其他人, 自己想辦法整熄佢, 點知
拉消防喉次序錯晒, 就釀成重大意外, 事主唔記得打爛警鐘呢個point, 其實我當時都覺得
奇怪, 響消防車黎晒嗌晒咪叫人走火警之後, 個警鐘先識響, 即係戶主呢個時候先打爛警鐘
塊玻璃, 咁實在太遲了, 而佢叫女戶主打開窗更加唔應該, 我自己離開屋企走火警前都專登
閂晒屋企同走廊d窗, 就係唔想濃煙.熱力同風勢令火勢有機會蔓延, 只能夠講當刻男戶主
救火心切, 未能冷靜下來, 錯誤判斷下造成慘劇.
傳媒由凌晨做到夜晚都未走, 部份傳媒第二日繼續守候, 三十號朝早再傳出女嬰死亡消息,
剩低男戶主一個在生, 遺憾實在太大, 希望佢可以好似佢媽咁講, 可以盡快忘記呢件事,
就當係發左場夢, 重新開始過.
呢次事件, 對一座住滿老弱婦孺的樓宇來講, 走火警冇混亂, 冇人因火勢或濃煙而受傷,
消防系統完全正常, 冇人被嚇至不適, 整個救援和疏散過程暢順, 已經係不幸中的大幸,
而在呢一次事件中搭lift走火警的我, 先發現到原來在真正火警時, 電梯的感應度和速度
都比平時快好多, 大概係為方便進行救援行動而設的, 可惜就係肇事單位那層的電梯剛好
有一部在維修(五日維修期的第三日), 當晚只得一部電梯直達肇事樓層.
宣佈女嬰死亡的當日晚上, 翠櫻樓(火警前有人墮樓果座)懷疑有人縱火, 又有百幾人走火警,
間屋又係燒到黑晒, 好彩冇人受傷; 而報章講走火警, 焦點又係落響帶埋寵物的主人身上,
翠樂樓倉鼠對翠櫻樓的狗, 我到而家都唔明帶埋寵物走有咩咁特別, 要整一個篇幅去報.
呢幾日樓下不斷有唔同聚會去為今場火災作悼念, 雖然我未碰過, 但都希望翠屏南邨可以
隨住踏入九月, 將過去兩個月的霉氣一一化解, 回復安寧. |
|
|
|
|
|
|
|
|
原帖由 EX-TL 於 2014-9-1 03:32 發表 
翠屏南邨近來真係多災多難, 七月九號下晝翠樂樓水掣房突然壞泵, 緊急維修五個鐘先修好,
但只係暫時性, 原本安排左七月卅一號停水換水掣, 唔知咩事突然間取消左, 再安排時間整,
貼晒通告話八月廿八號整, 點知預著廿七 ...
多謝師兄分享
我一直以為火燭冇lift搭 (call 唔到 lift)
最後願死者安息
[ 本帖最後由 chctomchan 於 2014-9-1 11:50 編輯 ] |
|
|
|
|
|
|
|
|
原帖由 chctomchan 於 2014-9-1 11:47 發表
多謝師兄分享
我一直以為火燭冇lift搭 (call 唔到 lift)
最後願死者安息
火燭時其實真係唔應該搭, 有機會阻礙救援工作其一,
最重要原因應該係, 在唔知道發生火警的位置時搭
係一件非常危險嘅事, 如果有火種在電梯附近, 槽內
有相當大的空間讓火勢蔓延, 搭走形同搵命博, 當晚
我就係諗我屋企聞到好大陣味, 口位置一啲味都冇,
似乎博得過, 先拼死去搭.
在此奉勸大家, 如不幸遇到火警, 非必要真係唔好搭,
我冇事應該只屬好彩, 搭搭下有咩事起上嚟, 影響可以
好嚴重, 諗清楚先好. |
|
|
|
|
|
|
|
|
原帖由 EX-TL 於 2014-9-1 02:01 PM 發表
火燭時其實真係唔應該搭, 有機會阻礙救援工作其一,
最重要原因應該係, 在唔知道發生火警的位置時搭
係一件非常危險嘅事, 如果有火種在電梯附近, 槽內
有相當大的空間讓火勢蔓延, 搭走形同搵命博, 當晚
我就 ...
除了怕電梯槽有火﹐或者在火警樓層開門煙火攻入電梯這個危險外。
另一怕的係...... 停電﹐變相消防員又要分多隊人去救你。
加上﹐電梯載客量有限﹐等候期間可能會由安全環境變成危險之地。
而消防員會在安全情況下﹐使用電梯往返地面及事發樓層的﹐以加快到達事發地點﹐減少消防員的體力消耗。
傷者亦可用較快的時間送到地面安全地方﹐進行進一步的急救及送院。
如果走火警的人又同時要用電梯﹐都有機會影響救援工作的。
所以﹐一直以來的走火警教育﹐都係唔會教你用電梯。 |
|
|
|
|
|
|
|
|
由本座互委會主辦的最後一場法事, 尋日中午12時至下午6時舉行左, 但願死者能夠安息,
生還者可以盡快恢復心情, 堅強面對將來, 亦希望翠屏南邨連月來的霉運能夠一掃而空. |
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主
