等候經年 – 港島綫西延通車全面報導

原帖由 solomon 於 2014-12-28 20:46 發表
住半山人多數揸車，搭地鐵可能一年都無幾次.....
97後，西營盤走線遠離電車路，避走中聯辦......
多言了

你肯定住半山人多數揸車?? 仲要話搭地鐵可能一年都無幾次??

無知唔係罪，但發表偉論前請先做下資料搜集，
人口普查有哂香港每幢樓居民的上班交通方式，
以般咸道西營盤站一帶為例，以的士/私家車上班的只有2-3成，
即使上到去羅便臣道，以的士/私家車上班的亦只有4成左右，
其實地鐵上間中都會遇到政經名人

窮人成日以為有錢人一定飽參翅肚、生活奢華，
抱住咁樣的心態做人，一係一世冇出息，一係僥倖致富成為土豪，
好似大陸土豪行為，某程度上只係反映佢地窮時心目中有錢人的生活


另外，當年西區冇落實起地鐵係因為電車路沿線人口不足，
亦因地勢問題200米外就已經難以吸引居民步行上落山，才擱置計劃，
到現時科技進步，將走線南移配以大量通道，
才勉強有足夠人口支持，不過仍比上水粉嶺人口還少，
堅尼地城站早繁坐都坐唔滿，但巴士小巴已元氣大傷，證明西區塊餅根本就唔大

原帖由 cyrcheung 於 2014-12-30 22:28 發表
雖然住半山多數駕車，但更多的，應該是坐計程車，因為乾手淨腳，無需尋找泊車位。沒有計程車便坐巴士轉港鐵。

應該係半山比其他區較多人駕車上班，但主流仍是坐巴士/的士

好多窮人以為駕車上班係一種享受

半山住好多律師 BANKER
不過佢地好鐘意用電梯上落山返工
因為快過渣車添
講真半山用公共交通既比率唔低

其實數據內容, 如果解讀, 政府總有其切合方案.

香港大學站位置, 能照顧多少半山居民?寶翠是原有的,
大學員工數千, 又是否足夠收入支持, 學生優惠車費, 回本期更長.
長通道是否吸引港大乘客, 而無需南移?

位於戴麟祉的西營盤站出口, 可以吸引幾多附近居民,
如要他們出入要上山落山, 倒不如以往模式, 揸車!
或他們認識的公交--的士! 因為他們唔會理解一個車站/巴士站,
和他們目的地的關係, 更枉論要轉車等煩事.
至於第一街第二街, 用現時一樣概念, 通道加電梯, 是否做到相同效果?

或者是少數, 我很多上司同事都是半山人,
我嘗試教他們利用巴士小巴前往目的地, 有些覺得新鮮, 更多覺麻煩.
要理解上一輩人, 難接受新事物, 錢解決到便唔係問題, 最多搭的士!

名人有錢人當然不會完全唔用公交, 但比例真的少, 發哥我見過搭地鐵幾次!
有一年封路, 李柱銘話居住多年, 首次搭纜車返工.

西延線車站確實往南移, 以期服務更多人口, 而基本上西區人口不足,
不夠支持新線是一直存在, 否則三十年前已經一同通車吧.

但以現在邏輯, 為什麼不是利用長通道和電梯/扶梯服務半山, 是否因為山下居民有局限,
而要走遠些? 為什麼主要客源反而更不便? 付多百多憶, 真是值得?
以前模式收地物業發展真的不行?以前規劃青洲填海又真的可以有足夠人流?

我期待有人說電車路收地難, 物業發展雖可補回投資金額, 但可能是豪宅!
或者中聯辦示威多可能影響進度, 甚至有報導話, 中聯辦選址有其戰略價值. 等等....
我想大家對事可以有不同看法, 並引起討論, 可以心平氣和, 無需上綱上線.

勿論如何, 新線通車是令人欣喜的, 而西區一定有所變化, 是否令人期待, 見仁見智了.

原帖由 238X 於 2014-12-31 13:43 發表


又唔好下下都扯到政治，
須知而家中聯辦喺正西隧口，
如果仲係喺嗰度掘，
我相信受影響嘅肯定唔止班共產黨喪屍。

而且而家條定線比 2004 年定線
又反而近番中聯辦 (我指個彎位)，用呢個邏輯，
係咪可以話地鐵玩嘢？ ...

[抽水]遠離中聯辦係避免方便示威者示威[size=14.3999996185303px][/抽水[size=14.3999996185303px]]

原帖由 solomon 於 2015-1-1 10:13 發表
位於戴麟祉的西營盤站出口, 可以吸引幾多附近居民,
如要他們出入要上山落山, 倒不如以往模式, 揸車!
或他們認識的公交--的士! 因為他們唔會理解一個車站/巴士站,
和他們目的地的關係, 更枉論要轉車等煩事.
至於第一街第二街, 用現時一樣概念, 通道加電梯, 是否做到相同效果?

以往模式唔係揸車，而係小巴巴士，
戴麟祉的西營盤站出口附近居民6-7成都係搭小巴/巴士返工，
個度d人又唔係大富豪，只係中上產人士

同埋戴麟祉的西營盤站出口同港大出口一樣，搭[車立]直落大堂水平，
根本冇上山落山的麻煩感覺

原帖由 solomon 於 2015-1-1 10:13 發表
名人有錢人當然不會完全唔用公交, 但比例真的少, 發哥我見過搭地鐵幾次!
有一年封路, 李柱銘話居住多年, 首次搭纜車返工

搭纜車可以去到邊?? 去到花園道再行落立法會??
就算係一般人都唔會搭纜車返工喇，
同埋纜車所經地段真係富豪級地段，般咸道唔係囉