759麵包工房新店消息

九龍樂華南邨展華樓地下，佳寶隔離，開到咁入，都唔知有冇生意。

麵包都殺埋，即係趕絕其他小商戶。。。

起初這老闆喊打喊殺話大超市趕絕小店，今天到他趕絕其他小店，他...總算明白甚麼是「弱肉強食」這個道理。

759越做越多範, 賣既種類亦越黎越多
零食本業巳經由專賣日本零食轉成馬拉歐洲小食及不同糧油及急凍食品, 仲有化妝品家居用品等等...
之前開個d餐廳小弟都食過, 老實講真係一d都唔好食, 呢間759麵包可能會引到759 fans去幫襯, 不過水準希望唔好係一般貨色, 做屋村生意最緊要大件夾抵食, 要keep好水準

另外希望759可以入返多d日本零食, 老實講而家百惠同街邊零食鋪都多日本野過759, 好多時係759都無乜野想買
利申:只在759有789折才幫襯的常客

你等佢開多幾間分店先鬧都未遲，人地講過呢D副業都係試下，未必會大搞

你話佢趕絕其他小店，請問佢有冇向供應商施壓唔俾貨人呢？
我覺得對小店係會有D影響，但759賣既貨唔係同小店完全相同，而且就算冇咗759其他小店個經營環境都唔見得好咗，租一樣都係咁貴，一樣俾兩大超市玩死

原帖由 cyrcheung 於 2015-1-3 22:24 發表
麵包都殺埋，即係趕絕其他小商戶。。。

起初這老闆喊打喊殺話大超市趕絕小店，今天到他趕絕其他小店，他...總算明白甚麼是「弱肉強食」這個道理。 ...

樂華商場商戶名單：
http://o2and00823.blogspot.hk/2014/12/2014-12-27.html
http://o2and00823.blogspot.hk/2013/06/2013-06-29.html
睇下對312號舖金源麵包餅店有乜影響，究竟係有競爭有進步定係趕絕小店
disclaimer：我冇試過呢間金源，唔知佢質素、價錢如何

759知名度已經越來越高, 近年進駐公屋商場, 滲透到基層, 等同在靠街坊生意維生的
小商戶中分一杯羹. 他日在名牌效應下, 就可能會出現趕絕小商戶的情形, 現在只能夠
希望759的生意停留在小商戶的規模......

不過, 人家本來就是上市公司, 業務正在擴充階段, 當年連巨擎百佳都抵抗得住, 當然
有雄心壯志橫向發展 (香港零售業和飲食業大部份有名品牌都是由細做起, 供應種類
及其目標客群都越來越多, 現在看來759也不甘於只做一種生意).

759現時仍未到趕絕小商戶的階段, 若有朝一日成為另一個李超人艱辛奮鬥而成功
擴充為香港知名大品牌的時候, 當初那個「動人」故事的角色就要對換位置了!

原帖由 HV9990 於 2015-1-4 01:15 發表
你等佢開多幾間分店先鬧都未遲，人地講過呢D副業都係試下，未必會大搞

你話佢趕絕其他小店，請問佢有冇向供應商施壓唔俾貨人呢？
我覺得對小店係會有D影響，但759賣既貨唔係同小店完全相同，而且就算冇咗759其他小店個經營環境都唔見得好咗，租一樣都係咁貴，一樣俾兩大超市玩死


.

Bingo.
部分貨品，若非759都唔知去邊先有賣。
即使日系百貨公司，賣嘅同759都有出入，亦較貴。
而759員工待遇比同行是略好的。
小店若只賣兩大超市都有賣嘅貨，唯有鬥平，但不少賣的價錢一樣，可能因為店舖是租的，租又貴，冇得再平。
相反，有時兩大清即將到期貨仲平得多。
兩大仲要狂開分店，小店仲受重建威脅，冇759一樣只是睇幾時做唔住。

好多759客以往都冇乜幫襯其他零食店，好似優e良品/0食勿語。
反而對食+0食店同入口店嘅影響好似更大。
而759賣埋日用品化妝品，對超市影響似乎更大。

759做埋餅店食肆，消費者可多個選擇，大+樂，大快木，美心唔係個個都想幫襯，m記雞記食得多都唔好，吉野+都會full,而茶記水平參差，759嘅形象略勝。

原帖由 jpoon 於 2015-1-4 12:32 發表
樂華商場商戶名單：
http://o2and00823.blogspot.hk/2014/12/2014-12-27.html
http://o2and00823.blogspot.hk/2013/06/2013-06-29.html
睇下對312號舖金源麵包餅店有乜影響，究竟係有競爭有進步定係趕絕小店
disclaimer： ...

759麵包個位遠離商場，隔埋個街市，去到條邨最入個位，如非特別平，都未必夠原來既麵包店鬥…

已開業, 使用759折扣卡可享九折優惠