翠華船務申請營運香港仔至長洲持牌渡輪

原帖由 4437 於 2015-6-3 05:00 發表
香港仔需求究竟有幾大？除咗南區客之外，極其量只有少少東區客（搭香隧線落咗車唔駛點行就有船搭）

論需求同急切性，似乎「荃灣長洲南丫島」更值得做… ...

其實是離島區議會要求開辦香港仔來往長洲的航線，運輸署與離島區議會有緊密的聯繫，南區區議會則變成次要角色。

雖然如此，南區居民亦向南區的地區人士和區議員反映的有需要前往長洲的渡輪，始終香港仔和長洲都是漁港，兩地的商貿來往頻繁，兩地的居民甚至有婚姻關係，所以有一定需求。

這樣的需求不大，而且班次少很難吸客。平日這些船可以做甚麼？如果只是假日才接客，成本會很高。

問題係翠華會用咩船? 鐵殼街渡? 財利低速屋仔? 定財利單體保氣力90座位細船?
會唔會同榕樹灣線共用兩隻船跳飛機(佢個船期表尤其是平日果個都好規律下, 隻船都可能係鐵殼船......)
唔會係行緊黃石果隻木殼船掛......(果隻野我坐過由塔門直航馬料水)

[ 本帖最後由 gordon 於 2015-6-9 16:31 編輯 ]

原帖由 gordon 於 2015-6-9 04:30 PM 發表
問題係翠華會用咩船? 鐵殼街渡? 財利低速屋仔? 定財利單體保氣力90座位細船?
會唔會同榕樹灣線共用兩隻船跳飛機(佢個船期表尤其是平日果個都好規律下, 隻船都可能係鐵殼船......)
唔會係行緊黃石果隻木殼船掛......( ...

唔會嘅，翠華自己本身夠船用唔會再借船。塔門黃石依家用梗個架18仔，由開線用到依家都係用18仔行，除非要入油先會去馬料水然後3:00船出返塔門，如果唔係18仔係唔會去第二到。估計翠華會用返啲未掛牌嘅船，1號仔同3號仔就行馬料水到塔門，5號仔行蒲台島，8號仔行榕樹灣，18仔就頭先講左啦，28仔就行開東平洲就一定唔會去第二到，因為如果唔係其他船唔夠車出車入，好多人入東平洲所以要28仔行。10號仔就係行灣仔赤徑個條線。剩返2號仔，，32，38，323，飛航5，飛航12，飛航22同翠盈。再係依8架船入面，38做開遊河好少行街，除左清明重陽可能會返馬料水做塔門直航班之外，都唔會點行街。飛航5就我上次坐同個阿伯傾計話租左俾人係九龍灣個頭，咁其餘6架就無定線嘅，不過都有分係做新界定係返香港仔。因為依啲都係後備船嚟，要抽船開新線就只會係依7架入面抽。但係飛航12同22就因為太細，只係車得92同93人，所以用嘅機會唔大。如果要迎合返係行長洲嘅條件，咁應該會用323 or 2號仔，兩架都係車到200幾人，做入長洲應該就會夠，因為新渡輪已經佔左多數人入長洲嘅選擇。

[ 本帖最後由 翠華28 於 2015-6-9 18:14 編輯 ]

原帖由 翠華28 於 2015-6-9 18:13 發表

唔會嘅，翠華自己本身夠船用唔會再借船。塔門黃石依家用梗個架18仔，由開線用到依家都係用18仔行，除非要入油先會去馬料水然後3:00船出返塔門，如果唔係18仔係唔會去第二到。估計翠華會用返啲未掛牌嘅船，1號仔同3號仔就行馬 ...

如果無記錯, 2號仔都好似係行新界多, 多數用作包船或本地團
其實用翠盈有冇可能......

原帖由 gordon 於 2015-6-10 08:14 AM 發表
如果無記錯, 2號仔都好似係行新界多, 多數用作包船或本地團
其實用翠盈有冇可能......

有呀，2號仔主要做新界個頭，清明重陽都行塔門直航班，翠盈就四周圍走，香港仔新界都有做，所以翠盈都會有好大嘅可能，同埋如果28仔租左出去俾人，入東平洲都係由2號仔代，所以2號仔可以話係東平洲後備船嚟

[ 本帖最後由 翠華28 於 2015-6-10 13:27 編輯 ]

原帖由 翠華28 於 2015-6-9 18:13 發表

唔會嘅，翠華自己本身夠船用唔會再借船。塔門黃石依家用梗個架18仔，由開線用到依家都係用18仔行，除非要入油先會去馬料水然後3:00船出返塔門，如果唔係18仔係唔會去第二到。估計翠華會用返啲未掛牌嘅船，1號仔同3號仔就行馬 ...

~
你對翠華既編船情況都好清楚喎~
咁了解佢地嘅情況嘅.. 難不成師兄係翠華到做???

原帖由 ｂｂ～ 於 2015-6-13 11:33 AM 發表

~
你對翠華既編船情況都好清楚喎~
咁了解佢地嘅情況嘅.. 難不成師兄係翠華到做???

我中學生嚟咋其實我係高流灣人嚟，咁我每年都要返高流灣拜山，咁我搭得多又好鍾意翠華啲船，正確嚟講係啲啤臣聲;P;P
年年拜山之前我就係到推算塔門直航班開咩船，因為我唔鍾意坐飛航我鍾意坐3號仔同1號仔，所以我一直都有研究開