原帖由 stevenlim84 於 2015-6-15 13:46 發表 
一地兩檢最好的地方，就是把本來每個車站要加設的海關設施、管制區，全部集中在香港，這樣所有停靠車站在安排方面會方便很多。這不單單是乘客轉車的問題，因為出入境旅客不能和其他旅客混在一起，很多車站是沒有預留這樣的設施 ...
從運輸角度講, 當然一地兩檢好過兩地兩檢, 但呢件事點安排已經超出運輸學嘅範疇,
所以呢度只係討論一旦一地兩檢不能實行嘅可行安排。
同意你講如果兩地兩檢加上長途車係去各省市車站先過境的話會浪費左運力,
所以我覺得以下安排或者可以解決呢個問題 (唔敢話我提議, 只係咁啱諗到, 可能其他人提議過):
喺深圳北劃出一個月台, 讓由香港來嘅長途車停靠,
之後全車乘客落車, 通過設於月台上嘅檢查設施,
同時車廂內由邊檢人員巡視, 之後乘客可以重新上車, 繼續行程。
我唔識計流量, 但常理估計, 一車1200人, 連列車進出站時間, 保守地60分鐘應該處理完成,
咁如果一個月台要同時處理來回程嘅過境長途列車的話, 即長途車每方向就要2小時先可以有一班,
以一日18小時計, 即每日只有9對長途車, 比計劃中33對係少好多嘅
咁嘅處理能力係的確到喉唔肺嘅, 但總比完全無長途車好, 而乘客可以上返原車亦方便過要轉車 |
樓主