香港去高雄

小弟自己打算在7月中下旬去高雄旅行，旅店方面已決定選擇在捷運美麗島站附近，但來回的路線和航空公司未決定。


初步有了以下選擇:
1. 港龍
2. 華航
3. 港航/長榮 (臺北) > 高鐵


請問各站友有沒有其它提議?
小弟希望得到大家的建議作參考。謝謝。

華航上一單空難在2002年發生，空中解體．隔左13年，係耐定近，見仁見智．你自己決定比唔比信心去搭華航吧！
港龍飛安紀錄當然好好，機師主要都係來自白人發達國家/本港，不過價錢就係貴！呢家都未買，一定要比得貴，可能甚至無位！

長榮不能飛高雄．

先講：台北桃園機場---高雄，搭高鐵，都要轉兩次車(廿分鐘接駁桃園高鐵站公車 & 高雄捷運/台鐵)，而且高鐵車飛好貴架　(NTD1,330)！
不過以上等車時間都唔算長．　亦可以搭客運，轉一次車都得，比少一半錢，但時間可能多兩倍/四/五倍．

港航呢，真係好差好差！　安全方面，2013年港航違背香港機場控制塔命令一個月近10次，更試圖在滑行道起飛，若然成事，勢必成為全球大新聞，甚至機毀人亡！機師，都基本上係越南籍，菲律賓籍，呢兩個國家唔夠乞香港憎咩？？嗰d 人會重視人命？？　仲有：簡體字，我接受唔到！英文以外，機艙內咩標示/座位電視系統/廁所內所有文字標示，通通都無繁體字，我係去台灣呀！搞錯！！  落機部電視仲打出來話 "謝謝搭乘海南航空" !? 機艙服務員廣播真係勁惡頂！粵語懶音，英文，國語，通通學生哥考試都唔會合格lor！港航職員語文爛成咁，在機艙內死都一秒預錄聲帶都唔用！

以上四間航空，得港航一間唔能夠機艙內聽得到台灣閩南語廣播，我認為機艙台語廣播係去台灣旅程體驗非常基本既元素lor！不過搭港龍，又係要忍下港腔重一重既"普通話"！

[ 本帖最後由 GCx468 於 2015-6-17 22:05 編輯 ]

原帖由 GCx468 於 2015-6-17 22:00 發表
華航上一單空難在2002年發生，空中解體．隔左13年，係耐定近，見仁見智．你自己決定比唔比信心去搭華航吧！
港龍飛安紀錄當然好好，機師主要都係來自白人發達國家/本港，不過價錢就係貴！呢家都未買，一定要比得貴，可能甚至無位！

長榮不能 ...

謝謝。
如果到臺北車站乘臺鐵南下大約需要多久？

p.s: 根據大家觀察，其實臺灣南部的人是否多以臺語溝通？甚至不懂國語？
因為本人只曾到訪過臺北，所以問問。

原帖由 htwong 於 2015-6-18 00:24 發表

謝謝。
如果到臺北車站乘臺鐵南下大約需要多久？

p.s: 根據大家觀察，其實臺灣南部的人是否多以臺語溝通？甚至不懂國語？
因為本人只曾到訪過臺北，所以問問。 ...

視乎坐邊種車

不過香港去高雄只係一個鐘鬆d
閣下先去台北,再搭車落高雄,起碼要半日先去到
感覺上浪費咗成日

絕大部份台南人都識講國語,放心

[ 本帖最後由 JX9097 於 2015-6-18 17:10 編輯 ]

先答語言方面，國語就全台灣人都識既，但係八旬老人就唔咁講！我台南同我同齡廿幾歲既朋友，同父母係講國語為主，撈台語少少幾句，同同輩朋友都係講國語，台語會撈得更少．
高雄據聞比台南/南部既鄉鎮更台語化，不過，仍較局限在較草根平民的行業：建築 \ 夜市平民飲食業 \ 運輸司機等

可以expect：南部平民食肆，老闆同店員間都係好大機會講台語溝通，除非都係好年青既人！但係你去食西餐日本菜，cafe呢D就實係國語既場合，店員都唔會講台語．夜市/市場叫賣，南部就好大比數會講台語，呢方面可能就同台北差好遠！公車司機，如果做人肉廣播，可能淨講台語唔定！的士呢，司機可能同call台講台語，車內亦放台語歌，如果係中部，司機可能聽國語歌，但call台講台語．總之，越後生越少台語/方言，30歲樓下，無咩邊幾個會同同年紀既人講句句都係台語

欲搭臺鐵由桃機落高雄，宜在板橋站 / 桃園站 上火車，較節省車費同時間
30分鐘一班往板橋站巴士車程都近一個鐘，轉火車
另外機場往桃園(終點今日大飯店很近桃園火車站)公車，班次平均半個鐘一班，車程40分鐘．班次20-60分鐘一班都有
http://www.tybus.com.tw/default.aspx?page=BusTime  查詢5059線

去臺北車站既國光客運，係就係密，但係日間1個鐘係唔夠行，70分鐘左右先到，而且易遇到交意塞車，臺北站又人多，站又舊lift又唔夠，不夠舒適

臺鐵桃園站去高雄　來回： 自強號699元，莒光號平160，你唔會為左$41港紙去坐多每個方向一個鐘車掛? 自強號車程4小時11分至29分不等
板橋站上車，車程多20分鐘，自強號貴多45元新台幣．

如果酒店近美麗島捷運站多過近高雄站，可考慮提早在新左營站轉高雄捷運

[ 本帖最後由 GCx468 於 2015-6-18 18:42 編輯 ]

2# 我所列既高鐵票價係單程票，可見桃園去高雄高鐵比臺鐵貴多過3倍！車程99分鐘 VS 251-269分鐘

謝謝兩位站友。
另外想再問旗津渡輪站步行到風車公園大約需要多少時間？