數字店服務質素

昨日我和朋友去九龍數字店訂水貼店員好似不耐煩想怏D訂完就走,我們見到有人買搖控車好似怏D試完就趕客今,現在係數字店買野沒以前今好

開始每況愈下

你去九龍邊間分店買先？不過我都愈來愈唔鍾意佢哋既經營方法，一來對待客人親疏有別，對啲大客、常客任佢哋慢慢揀都唔炸型，對我哋啲散客就睇多幾部都黑哂面，搞到每次去買車好似好受罪咁。其次佢哋唔似某樓上舖咁預訂模型會有面書或whatapp通知，往往有預訂都要喺面書上一啲專頁見到有其他人既訂單相片先知有得訂，但到收到消息時已經截訂，買部模型都幾經波折，好辛苦。好似最近訂混能巴士1A果部就係一個我要返工既星期六失驚無神上面書專頁先知有得預訂，但又行唔開去訂，有朋友話比我知尖沙咀、旺角已截訂，後來我膽粗粗打去九龍灣分店問佢可否留定位等我晚上放工後交錢先成事，果種令人緊張萬分既感覺可想而知。最後就是佢地出既模型質素始終都係爭少少，雖然佢哋今年已突破出精細版同加埋價，但當中真係除淨色e500 373A加聖誕新年九巴仔真值得買外，有啲真係幾搵笨（如最近兩部廣告橙蛋，又貴又量少又唔係百分之百精細）。

原帖由 guy1021 於 20/6/2015 12:43 發表
你去九龍邊間分店買先？不過我都愈來愈唔鍾意佢哋既經營方法，一來對待客人親疏有別，對啲大客、常客任佢哋慢慢揀都唔炸型，對我哋啲散客就睇多幾部都黑哂面，搞到每次去買車好似好受罪咁。其次佢哋唔似某樓上舖咁預訂模型會有 ...

極度同意，每次去訂模型都好似要去乞甘

不過shop1gather 出左，情況有沒有好左？

何止訂模型好似乞咁，直情連去攞車果陣都好似催命符，老實講，家陣已經要用到360—4xx呢個價錢去買車啦，想揀部好既正常既無可厚非喎，點解人哋想揀多幾部都黑哂面，仲要悔氣到話：部部都差唔多架啦。歸根究底，就係佢哋近半年來瘋狂出車，尤其卡士實在出咗太多款太多數量，喺趕工既情況下已不顧質素，咪會令到啲車qc差。佢哋近年面對後起既競爭對手，可能唔想令自己係巴模界地位不保，就唯有跟風出精細版，本來係一件好事，但我認為佢哋只顧跟風，又唔識睇市場需要，一啲精彩既巴模佢就保守得滯產量不多（如上年既中巴DM7、22以及之後既8號特別版），反而有好多明知市場反應一般既佢就係咁出（明顯例子就係坦克利蘭、藍色利蘭等、丹拿廣告車系列），而佢既競爭對手好明顯已睇中佢哋呢個弱點，近來已出咗或已打算出啲巴迷期待已久既車款，人哋起碼肯嚐試推陳出新，結果反應係明顯地熱烈，反而老店就係咁保守，經常一個模係咁炒冷飯不特止仲要明知錯都照出。已知嚟緊老店會翻出平頂寶、短都普trident同埋一部睇落外貌有點嚇人既11米巨龍，呢幾部已經令我慳返唔少錢（因為吸引力太低令我唔買），反而競爭對手出果幾部新城混能我已毫不考慮訂咗兩套8部（有5部幫好友訂，我要其中三部），同埋好其待佢哋不日上映中巴利蘭冷氣LA或VA（舖頭已有一部金屬樣版供人欣賞）。近來真係好少有令自己期待既同埋至在必得既巴模，小舖真係比到我，反而老舖真係見一部唔買一部。作為營商者，注意消費者需要其實係好緊要，唔好成日抱住唔憂做既心態，日後市場被其他競爭對手所蠶食，亦係咎由自取。

官方車出咩款出幾多係巴士公司決定，
而且坦克蘭、彩虹蘭呢o的直情都唔係佢出，其實關佢咩事呢？

唔滿意咪唔好幫襯，講完

致樓上..係啊..唔滿意咪唔好幫襯...同意啊..但大家呢個POST都係想買心愛既巴模時開開心心...起碼對數字店已經失去以前興奮既感覺...

原帖由 guy1021 於 2015-6-21 18:50 發表
...一啲精彩既巴模佢就保守得滯產量不多（如上年既中巴DM7、22以及之後既8號特別版），反而有好多明知市場反應一般既佢就係咁出（明顯例子就係坦克利蘭、藍色利蘭等、丹拿廣告車系列）...

睇你個樣都似係港島人啦,中/新/城就岩買,九巴車就話無興趣反應一般
中巴DM同一個樣出咗三條線都叫少
九巴就講你話既坦克蘭同藍色吉蘭,你睇下出到咩死樣先啦 好難怪反應一般喎