作為全港首架可載輪椅乘客嘅超低地台雙層巴士,
九巴 Dennis Trident 3 ATR1 可以話係今時今日雙層巴士超低地台化嘅革命先驅者,
回想當初見到真車相果陣已經比佢嘅外型所吸引, 希望佢會出模型,
後來終於成事, Corgi 岀左呢架 ATR1,
喺當時車主雜誌同朋友寄嚟嘅相睇到架模型已經恨不得將架車據為己有,
但係礙於身在美國, 當時網上店冇依家咁方便,
後來遇到 J 字頭嘅網上店, 終於都可以一嘗所願,
連同城巴 1436 同當時最新出嘅九巴 AP10 一齊順利入手。
時間話咁快就十八年, ATR1 亦都到左退役之時,
雖然依家話會出 ATR1 退役紀念版, 但係 Corgi 呢架 ATR1,
一出就已經出左十幾年, 依家再拎番出嚟睇番依然都係覺得咁有神,
對我嚟講, 無論佢出乜野精細版, 內籠幾精細都好,
Corgi 嘅 ATR1 始終都係出得最好最神似嘅 ATR1!
借此機會向九巴 ATR1 作最後致敬!!
Thanks for reading. |
