[Leeds, UK] [多劣圖] 通勤線用豪華車，Why not?

小弟首帖，先承蒙各位大大指教。早前見到有版友喺B2版問，香港通勤線用豪華車得唔得，適逢龍記新款抽油煙機抵港，就記起上月喺Leeds嘅一個活動。

簡單比少少背景資料啦，Leeds係Yorkshire嘅一個大城市，Harrogate同Ripon位於Leeds嘅北面，Transdev營運嘅36線由Ripon經Harrogate到Leeds，全程預個半鐘，而日間大多數時間均維持15分鐘一班，週末仲開到凌晨三點。

車隊方面，3601-3612總共12架2003/4年B7TL，上哂36線專用塗裝；外加3613、3614兩部後備。3601-3612幾年前曾經翻新同埋換車牌，以突顯其高貴（我覺得似係想扮新車，做戲做全套）。
上面係炒炒地嘅X9 VTD/3609，車身塗裝以紅黑為主。

好喇，Transdev因為好多原因呢，覺得翻新左都係唔夠，就買左新車。新車仲要做埋宣傳先開工，22/1禮拜五喺Ripon，禮拜六喺Leeds，禮拜日正式換車。

咁...換咩呢？


應該唔難估...


我再研究下點反幅圖...配Wright Gemini 3車身嘅歐六Volvo B5TL，展出嘅為BL65 YYR/3618。訂單總數為14架 (3615-3628)，一月頭出牌。

展覽於Leeds繁忙嘅步行街Briggate中間舉行，星期六午飯時間，人阻機率達到120%。如果我前一晚知道我會早少少起身，而實際上我係一知道有展覽，就淥個麵食完衝出去。

門位有宣傳

車尾都要

星期六嘅Family time，步行街上大多為家庭，無論小朋友定幼中老年情侶都對巴士有興趣，所以車前面有張枱放哂宣傳品，包括36線year planner、36線時間表、36線車飛同36線嘅糖。如果影相當日已經有計劃post上嚟，會影多尐相，因為寫寫下先發現唔係太夠...anyway，冇醉酒鬼嘅下晝，開放新巴士比途人參觀完全唔係問題。

淆底嘅我因為有途人坐喺下層尾排，所以冇影哂。亮點為抽油煙機都有嘅木紋地板。張凳就睇大家點睇，個人唔大意見。

摺凳，係英國巴士嘅特色，頂閘係少見嘅事。

當然車入面唔少得宣傳。

巴士左面前輪拱上面安裝左一個書架，branding為 'Library.36'，大意係乘客可以喺上面攞本書嚟睇，再放翻本書上去做book exchange，中文好似叫做漂書？可惜冇圖，巴士上實在多人。

直梯，留意玻璃旁板，女士們要留神，加上未見有軟墊，男女老幼上落都要小心。

另一角度

上層採用2+1座位配置，可以見到玻璃天幕，聽聞係Transdev要求特別訂造，係Wright第一次裝。同時英國巴士冇冷氣（槽），但有氣窗。

張凳有網袋，有枱（食野用？），仲有港人至愛嘅USB差電頭。據宣傳品所講，巴士亦有4G wifi，係英國有特別branding嘅巴士線先會有（暫時嚟講，冇記錯的話，頭盔升級）。

就算係冇得一人霸兩個位，我們亦有一些距離。

巴士總座位數量為上35下28，比前輩B7TL多兩個。

連座位上都有36線label，真正嘅route-tailored branding。就咁睇似城巴80系嗎？

之後去左街市買餸，再喺Leeds Bus Station同Headrow大街影左陣車，一直去到四點半。

天黑了，巴士亦要走了。

不過途人依舊，按原訂計劃U-turn再走人有一定難度。

喺唔阻礙巴士移動情況下嘗試影梯位。

車長唔會有喺步行街將架巴士U-turn嘅訓練，只能靠經驗。

與巴同行，又有幾多機會呢？

工作人員同巴士迷一齊向馬路方向前進。

唔似係問路掛...

呢條路正常唔會有巴士行，隨住地盤範圍收緊馬路，工作人員都要落車睇位，大約十個巴士迷就把握機會衝到馬路盡頭。

[情景相fail] 右邊為出年落成嘅高檔商場Victoria Gate，左邊為露天街市Leeds Kirkgate Outdoor Market，每逢星期六都有人擺賣新鮮蔬果、衣物等。

RIDING REDEFINED. 重新●定義●搭車。喺Car Ownership Rate高企嘅英國，豪華巴士可以係巴士公司出路嗎？香港又可否借鏡？

個人覺得，當東鐵頭等都要企嘅時候，巴士公司開高價特快線係叻嘅，但係喺車務調動中，調動比較豪華嘅巴士專門行走部分重點路線，又談何容易？更何況，香港巴士公司改spec嘅誘因，個人始終覺得唔大，高載，先係皇道。


新嘅嚟，舊嘅點都要走。X8 VTD/3608喺展覽日，亦係最後一日行走36線。12架「舊車」，據聞7架會油成綠色，調去Transdev Keighley and District；其餘五架就會投放於新線：Leeds-York全新特快線Cityzap，復活節前後開線，拭目以待。

另附當日特見：Transdev in Harrogate Volvo B7TL PO55 PYL/2764，出文之時此車已暫借往長途線Coastliner系列，琴日所見行Leeds-Malton 843，全程兩個幾三個鐘度啦，好長。

真係希望大家唔好介意我嘅炒相 遲下有機會再貼下Yorkshire嘅巴士啦！

Leeds這個城巿十分正
期待師兄分享更多Leeds的巴士資訊

跟：

批車改裝到換哂成個頭幅（定只係車咀？），又真係呃得下人

天窗呢樣野, 早系Edinburgh Lothian既streetdeck 上面已經設有, 並唔系特制設備

Follow