NH876/ 875 最大致命傷係回程太早, 朝早九點幾起飛返香港.
蝕一晚酒店, 蝕一日假期不特只, 仲要晨早七點幾趕出機場, 精神壓力好大 (樓主話齋, 回程趕飛機趕到影唔到相).
反而去程夜晚七點幾到日本 (NH876), 還是九點幾到 (CX532) 其實分別不大...
一樣係返酒店, 去附近食少少嘢就瞓覺.
講真去日本除非坐凌晨機, 就算坐早機去到都下午兩三點鐘, 過埋關出到市區四點, 第一日預咗無乜行程架啦.
但係就算坐 CX532 夜晚九點到, 我回程都可以揀返下午機返丫, 所以 HKG-NGO 點計 NH 都係最後選擇.
利申: 坐過 NH HKG-NGO, 就係因為旺季連 UO 都搶到天價, 剩返 NH 相對上票價最合理.
JL/ NH 日本線 D 時間大部份都係 for 日本出發為主, 咁日本人去香港唔似得香港人去日本咁大癮, 所以班次無香港公司咁多, 飛機無咁大隻都可以理解呀.
如果 NH 想爭取香港人生意, 就應該拎隻本來在 NGO 過夜的細機, 開返班夜晚飛香港, 凌晨香港飛名古屋.
肯定受歡迎!
|