港島綫之命名

愚問：為何"港島綫"不命名為"柴灣綫"?　同樣為何"南港島綫"不命名為"鴨脷洲綫"？

有没有文憲提過？

叫港島線有咩問題？佢服務全港島喎。
至於南港島線，改做鴨脷洲線都咩問題既

可能樓主唔係話此兩線命名有問題，而係不明白為何此兩線命名方式有別於其他路線，前地鐵路線命名，一般係以上行(較偏離中環方向)既總站或大區域命名，觀塘線、荃灣線、東涌線、將軍澳線都是以此標準，照咁睇，港島線同南港島線命名，的確係偏離左呢個方式(≠有問題)。

其實命名最不明所云，莫過於東鐵線、西鐵線，叫東北線、西北線就合理得多。

如果香港大學至黃竹坑既南港島線西段落成，又應如何命名？西南港島線？西南線？華富線？數碼港線？

mckhgc 發表於 2016-11-23 21:46
可能樓主唔係話此兩線命名有問題，而係不明白為何此兩線命名方式有別於其他路線，前地鐵路線命名，一般係以 ...

東西鐵都係比較深入民心既名，就咁加個線字都可理解
反正成個沙中project完左佢地都會改名

至於南港島線西段，我覺得可以用番西港島線呢個名
現時上環至堅城段官方最後定案都係叫做港島線西延，而且歸納為港島線一部份
嚴格黎講都可算無衝突
到南港島線西段真係通得車個陣應該都唔多人記得西港島線呢個term

mckhgc 發表於 2016-11-23 21:46
可能樓主唔係話此兩線命名有問題，而係不明白為何此兩線命名方式有別於其他路線，前地鐵路線命名，一般係以 ...

東鐵線同西鐵線, 其實只係好直接咁 由 九廣東鐵/九廣西鐵 刪減「九廣」二字加個「線」字就算
不過西鐵應該係西北鐵路既簡稱嚟

如果睇番維基1967設計圖可能會發現
當年係紅綠色綫都會過海
https://zh.wikipedia.org/wiki/%E8%8D%83%E7%81%A3%E7%B6%AB#/media/File:Mass_Transportation_Study_1967_zh.svg

地鐵市區線主要以1970年方案為藍本，三條主線分別係港九線、港島線、東九龍線，港九線另設荃灣支線、觀塘支線(尾站馬游塘)。

最後，觀塘支線獨立成線，港九線、荃灣支線直通運行，順理成章噉改稱為觀塘線、荃灣線；東九龍線最終演變成沙中線東西走廊；剩低只有港島線基本不變(但係延期2X年完成)，沿用舊名。

另一方面，觀塘線、荃灣線、東涌線、將軍澳線、馬鞍山線都係來往市區與近郊，兩邊總站有明顯主次之分，以下行總站區域(近郊/次要端)命名，符合習慣。

但係，全線通車後嘅港島線，由一邊近郊穿過市區直達另一邊近郊，兩邊總站無主次之分，自然唔能夠以總站命名。

timmylee 發表於 2016-11-23 23:50
東鐵線同西鐵線, 其實只係好直接咁 由 九廣東鐵/九廣西鐵 刪減「九廣」二字加個「線」字就算
不過西鐵應該 ...

根據《九廣鐵路條例》（第372章）第2條，西北鐵路其實係輕鐵。

反之西鐵好似無定義，只係「九廣鐵路公司建造和經營的其他鐵路」。

Mos_Lok 發表於 2016-11-23 22:01
東西鐵都係比較深入民心既名，就咁加個線字都可理解
反正成個沙中project完左佢地都會改名

南港島線西段應該會叫薄扶林線

DIH 發表於 2016-11-24 11:26
根據《九廣鐵路條例》（第372章）第2條，西北鐵路其實係輕鐵。

反之西鐵好似無定義，只係「九廣鐵路公司 ...

好早之前係咁叫, 不過之後就改稱西鐵第一期
http://www.info.gov.hk/gia/general/199906/16/0616249.htm