hkitalk.net 香港交通資訊網

標題: 其實認真改善上蓋連貫性真係很困難嗎？ [打印本頁]

作者: paul2357paul 時間: 2018-7-17 21:00
標題: 其實認真改善上蓋連貫性真係很困難嗎？
香港唔少地方都有這類問題case，就係上蓋大多斷截禾蟲：

作者: _剛仔 時間: 2018-7-17 21:31
官僚制度有乜計

行人路上蓋同巴士站根本應該由政府統一建造！宜家好多巴士站起黎最主要係賣廣告﹐個上蓋學你話大多斷截禾蟲！

作者: peterson 時間: 2018-7-17 23:26
好問題！
我都好想知道，究竟起行人上蓋點計

起行人天橋，好似會因為增加左通達性而增加租值，要同地政傾補幾多地價先放行，
唔知行人路上蓋又點計呢？

作者: hydrocarbon 時間: 2018-7-19 11:21
我樓下個上蓋先煩！
種柱位係屬於房署，但個蓋係出了房署範圍，變了係路政署！
依家等區議員插死佢地！

作者: JX9097 時間: 2018-7-19 21:55
就算連續又如何
遇著個高智能嘅區議員
將個上蓋起正條路中間
真係行左又唔係,行右又唔係

作者: ksmbh 時間: 2018-7-20 00:06

_剛仔發表於 2018-7-17 21:31
官僚制度有乜計
行人路上蓋同巴士站根本應該由政府統一建造！宜家好多巴士站起黎最主要係賣廣告﹐個上蓋 ...

黃ˊ竹坑站PTI是最佳例子

作者: 巴士的膠 時間: 2018-7-20 10:50

JX9097 發表於 2018-7-19 21:55
就算連續又如何
遇著個高智能嘅區議員
將個上蓋起正條路中間

應該係唔想將個蓋伸入屋苑範圍（地界）內，所以起喺官地上面

作者: JX9097 時間: 2018-7-20 12:18

巴士的膠發表於 2018-7-20 10:50
應該係唔想將個蓋伸入屋苑範圍（地界）內，所以起喺官地上面

唔關事成件事要多謝"真誠賣香港"
原本設計係貼住花槽圍欄起
傾好哂, 準備開工嗰陣就話嗰個位下面有管道, 種唔到柱(搞笑就搞笑在事前完全冇人問, 冇人知)
結果就將個上蓋移出幾吋
最後變成依家呢個樣

依家搞到花槽同上蓋有幾吋位, 完全冇cover
而個上蓋移出咗之後同路邊圍欄又唔夠兩個人過
搞到兩頭唔到岸

作者: dogdog002 時間: 2018-7-21 21:22

_剛仔發表於 2018-7-17 21:31
官僚制度有乜計
行人路上蓋同巴士站根本應該由政府統一建造！宜家好多巴士站起黎最主要係賣廣告﹐個上蓋 ...

斷開都唔緊要

最慘既係呢類上蓋太陽又遮唔到

Pit 雨又擋唔到

作者: _剛仔 時間: 2018-7-21 22:09

dogdog002 發表於 2018-7-21 21:22
斷開都唔緊要

最慘既係呢類上蓋太陽又遮唔到

淨係用黎賣廣告

作者: paul2357paul 時間: 2018-7-27 20:54

dogdog002 發表於 2018-7-21 21:22
斷開都唔緊要

最慘既係呢類上蓋太陽又遮唔到

論斷截禾蟲去到很極致既例子呢種很典型，夠膽死淨係駁鐵路站但唔駁巴士站：

作者: 巴士的膠 時間: 2018-7-27 23:50

paul2357paul 發表於 2018-7-27 20:54
論斷截禾蟲去到很極致既例子呢種很典型，夠膽死淨係駁鐵路站但唔駁巴士站：

呢段設計失敗，直接令超多人等????由地鐵站上橋

作者: mckhgc 時間: 2018-8-3 21:28

paul2357paul 發表於 2018-7-27 20:54
論斷截禾蟲去到很極致既例子呢種很典型，夠膽死淨係駁鐵路站但唔駁巴士站：

唔係點叫保鐵呢？

講起鐵路同上蓋，東鐵線都夠經典，嗰D月台上蓋只遮到黃線上面既超高智能設計，直頭應該拎諾貝爾獎，嗰位驚世天才設計師既異次元文明思維，可能認為落雨時，D人只會「請勿超越黃線」咁等車，唔會超越黃線上落車。
九鐵都算了，問題係合併超過十年，一直冇改善，到底係龜鐵冇心，定係冇法？

作者: sancouve 時間: 2018-8-3 22:39

mckhgc 發表於 2018-8-3 21:28
唔係點叫保鐵呢？
講起鐵路同上蓋，東鐵線都夠經典，嗰D月台上蓋只遮到黃線上面既超高智能設計，直頭 ...

就咁講好似好容易，但係眞正做就差好遠

首先龜記最鍾意講嘅，東鐵月台負唔負荷到？
假設負荷到，用咩物料？加石屎似乎唔太可行，金屬驚太近電纜，其他物料可能驚貴／易爛
搵到適合嘅物料之後，點樣開工？工人就肯定要避開電纜，月台封咁一部分又要搵人喺車上幫手截人去第二度門
最後就係最重要嘅錢，近排兩條走廊同高鐵輪流超支，無啦啦問立法會攞錢拖到2047都未有，好似裝幕門咁收附加費搞到暴動都似，用盈利嚟畀又唔符合龜記風格

TL;DR 基本上唔使諗

作者: mckhgc 時間: 2018-8-4 01:31

sancouve 發表於 2018-8-3 22:39
就咁講好似好容易，但係眞正做就差好遠

首先龜記最鍾意講嘅，東鐵月台負唔負荷到？

以下純粹我估，可能有錯

物料可用玻璃，唔好話易爛，2000年後起既唔少露天巴士站都用玻璃上蓋，至今未聞有任何易爛問題。印象中，合併初期，火炭站月台上蓋有少部份位置加過玻璃，似乎是在測試解決此問題，但不知為何不了了之。

開工方面，可仿照以往加裝用台幕/閘門咁，半夜收車開工。當年龜記創先河，全球第一間鐵路公司，唔影響現有服務，o係運作中鐵路裝月台幕門都做到，何況呢度係用台上蓋，唔係乘客接觸到既範圍，難度應該比o係每日大量乘客出入既月台裝幕門為低。

作者: sancouve 時間: 2018-8-4 09:55

mckhgc 發表於 2018-8-4 01:31
以下純粹我估，可能有錯

物料可用玻璃，唔好話易爛，2000年後起既唔少露天巴士站都用玻璃上蓋，至今未聞 ...

玻璃我都唔係冇諗過，但係到時我肯定會有班友（特別係報紙同西張北望）話佢嘥錢整玻璃上蓋，咩又曬又熱之類嘅嘢

至於半夜開工，我唔熟工程，但係應該都好難可以喺日頭收埋晒所有嘢唔阻人，晚晚再搭過個架好似好嘥時間，又應該要試力嗰啲，實際開工時間唔知有幾多

作者: paul2357paul 時間: 2018-8-19 16:29

hydrocarbon 發表於 2018-7-19 11:21
我樓下個上蓋先煩！
種柱位係屬於房署，但個蓋係出了房署範圍，變了係路政署！
依家等區議員插死佢地！ ...

咁例如呢度又係搞乜野？
上蓋又係起到爭少少位都唔連埋果兩處政府場地：

作者: kei_hk 時間: 2018-8-20 12:43

mckhgc 發表於 2018-8-4 01:31
以下純粹我估，可能有錯

物料可用玻璃，唔好話易爛，2000年後起既唔少露天巴士站都用玻璃上蓋，至今未聞 ...

其實東鐵月台改善﹐都係睇下有無心﹐同埋有無時間﹐物料反而係次要問題。

不過﹐相當有心有錢都唔會未來幾年去攪﹐原因後講。

先講上面有人講月台負荷問題﹐好似好正確﹐不過錢同時間係解決到的。
打穿月台面﹐做探土﹐這些新支架直接於土地上做地基工程﹐這就可以避開月台負荷問題。

其實做好這些新支撐柱﹐係可以一併換走埋原有的上蓋﹐全部用新支撐柱去承托﹐一切以實際情況及設計而定。

至於物料﹐電纜問題﹐都係睇下與電纜的距離。
本身都有金屬電纜支架係金屬製﹐即係反映金屬物料不成問題﹐只要預留適當距離即可。

後加隔音屏障都做到﹐技術上都相約。

施工方面﹐不用多講就一定係晚間收車時段﹐要停電才可施工。
有3個月台的車站都好一些﹐可以玩大一點封一個月台去慢慢施工。(之前火炭站都試過)

不過﹐而家東鐵要轉新訊號系統﹐又要試新車﹐都好難停電施工。
最多只係做前期設計/探土等等工程﹐正式動工就........。

作者: 238X 時間: 2018-8-21 23:17

paul2357paul 發表於 2018-8-19 16:29
咁例如呢度又係搞乜野？
上蓋又係起到爭少少位都唔連埋果兩處政府場地：

你可唔可以影得清楚啲？有好幾張我其實睇唔到你想影乜。

上蓋，係人都知係一個 dimension 好長而另外嘅 dimension 無乜料嘅嘢，其實真係無乜必要一張相影哂全部

作者: 流星☆雨 時間: 2018-8-29 09:49
地界問題。

歡迎光臨 hkitalk.net 香港交通資訊網 (https://www.hkitalk.net/HKiTalk2/)