hkitalk.net 香港交通資訊網

標題: 漆咸道/康莊道一帶上繁經常擠塞，邊種走線最能挽回客量? [打印本頁]

作者: ViviTse 時間: 2019-8-14 03:09
標題: 漆咸道/康莊道一帶上繁經常擠塞，邊種走線最能挽回客量?
[集思廣益，歡迎討論] 如題，平日上繁漆咸道/康莊道/彌敦道一帶經常擠塞，以及紅隧塞番入九龍。
以將軍澳/九龍灣來往尖沙咀區之巴士線為例，296D/796P/98D離開九龍灣後，首站設於彌敦道附近，
換言之未停彌敦道之前已經要「食晒」漆咸道/康莊道一帶ge塞車位，變相令行車時間大大增加而令客量流失。
撇除呢d線用邊個站為終點站(九龍站又好、尖東又好、循環線又好)，淨係講上繁塞車第1個可以落車ge站。

參考213X/215X/219X，上述多條線均以香港理工大學為尖沙咀區首站，某程度上避開部分擠塞路段。
而最近開辦之92R(或5A)，則直接去紅隧方向停紅磡站，然後前往尖東一帶，但由於開車時間並非上繁，所以難以比較。

綜合上面幾款路線，即係尖沙咀/紅磡區第1個站將分別設於......
1. 彌敦道一帶
2. 理大一帶
3. 紅磡站
(唔好理之後去尖東/西九/尖碼/循環定點走法，淨係講首站起計)

而上述3款路線上繁塞車情況各有不同，唔知大家又覺得generally邊款停法會係塞少d/比較acceptable？
我自己講得(1)比較做到weekend shopping客，但上繁要塞就真係幾係嘢。
(2)可能會塞得比較少，但只係做到理大/尖東一帶，彌敦道果頭會比地鐵win(even 停完尖東屈番去油麻地，因為時間太慢都好可能MTR win)。
(3)我見紅隧前有幾十/幾百米巴士專線，但過咗果個位都係要塞一陣，但就可以做埋紅磡一帶乘客，但尖沙咀核心地帶可能會比MTR win晒。

歡迎提出討論及投票睇吓大家意向。謝謝！

作者: tommy14D 時間: 2019-8-14 04:26
215X行理大客量都超好呀

作者: FBI2 時間: 2019-8-14 09:31
要經過康莊道橋底，點行都係塞

作者: miklcct 時間: 2019-8-14 09:31
我投咗1：做好非繁行街客最重要。

作者: ky927 時間: 2019-8-14 11:03
其實要解決個問題唔係係巴士走線，係漆咸道北啲線要重畫。

西行外線要雙白，只可以上加士居道天橋，其他車只可以經甘肅街去旺角西

唔俾啲車尷梗插線上橋就唔會塞係理工出面

作者: miklcct 時間: 2019-8-14 12:42

ky927 發表於 2019-8-14 11:03
其實要解決個問題唔係係巴士走線，係漆咸道北啲線要重畫。

西行外線要雙白，只可以上加士居道天橋，其他車 ...

唔俾紅隧出來嘅車插線上橋，咁等睇成個油麻地交通癱瘓啦！呢段加士居道樽頸係新界西嘅命脈來架，成大半個港島通成個新界西都係靠紅隧出插線上橋過樽頸位返新界架。

作者: acc1368 時間: 2019-8-14 13:44

ky927 發表於 2019-8-14 11:03
其實要解決個問題唔係係巴士走線，係漆咸道北啲線要重畫。

西行外線要雙白，只可以上加士居道天橋，其他車 ...

唔俾車插上橋
咁尖東紅隧車點行加士居橋上西九龍走廊?????

作者: Snoopy@FB8617 時間: 2019-8-14 14:08
但係3種走線都係要行晒最塞既位
除非入蕪湖街經紅繞走先係有唔同
不過以前219X改左3個月都還原返明顯行唔通

作者: Snoopy@FB8617 時間: 2019-8-14 14:22
本帖最後由 Snoopy@FB8617 於 2019-8-14 14:29 編輯

acc1368 發表於 2019-8-14 13:44
唔俾車插上橋
咁尖東紅隧車點行加士居橋上西九龍走廊?????

咁其實可以迫返晒落去行下面既
整個picture睇而家打大交萬年塞主因都係大量車等上橋
如果沿路燈位可以再執靚啲一腳踩到尾既
額外用既時間唔多但東九龍出嚟批車唔使等到傻
日後中九龍通車再放返畀車上天橋都未遲

作者: kay 時間: 2019-8-14 16:20
未開始沙中線工程個陣
朝早28有機會仲快過224X到理工

當年開15X唔行東九廊落曲街都係話下路有機會快少少

作者: leungky0528 時間: 2019-8-14 18:20
（3）走線到沙中線通哂前，都無機會見到大轉變

作者: mrm23 時間: 2019-8-14 18:47
其實只係主打尖東客同主打彌敦道客的分別，

尖東上班主要係寫字樓客，
彌敦道上班O個班相對就比較多係零售/其他行業

作者: ViviTse 時間: 2019-8-15 01:55

tommy14D 發表於 2019-8-14 04:26
215X行理大客量都超好呀

我都有簡單研究過215X唔入彌敦道，但無論繁忙定非繁客量都好好ge原因。
其中一個原因可能係「藍觀九」三區去尖沙咀搭地鐵都只係轉一次車，所以去彌敦道一帶可能會搭鐵。
但理大一帶唔近地鐵站(三個站都有段距離)，而215X仲有可能快過地鐵，所以吸到好一堆客。

當然796P/296D/98D個case係唔同215X，因為轉鐵要轉2次，所以彌敦道有一定ge客，
但我諗緊尖東果個客量究竟可以全天候咁有，定係彌敦道先可以做得到非繁.......?

而我仲諗緊非繁215X點解都可以做到客似雲來~~ 係咪非繁尖東果面可以養到一堆客....?

作者: ViviTse 時間: 2019-8-15 01:57

miklcct 發表於 2019-8-14 09:31
我投咗1：做好非繁行街客最重要。

非繁行彌敦道的確係個唔錯ge選擇，不過如果喺繁忙時段班次入手(say 98D康城班次/98P)，又會唔會另外果兩種行法有優勢呢?(因為聽聞上繁塞到趕客，但又無理由非繁同上繁100%唔同走線ge)

作者: dennis28a 時間: 2019-8-15 04:11

ViviTse 發表於 2019-8-15 01:55
我都有簡單研究過215X唔入彌敦道，但無論繁忙定非繁客量都好好ge原因。
其中一個原因可能係「藍觀九」三 ...

最大關鍵係「佐敦」重唔重要，除左港鐵，觀塘、藍田、油塘本身有紅小、1A、14 係度，
如果做晒成個尖沙咀最大覆蓋範圍，215X 走法係最明智，依點亦係 215X 誕生既原因。

非繁 215X 咁好客，另一個問題係唔止觀塘道、藍田人搭，係連同秀茂坪、寶達、康盛、油塘都有人轉 215X。
好多時反映緊 13X、14X 唔夠吸引力吸納晒尖沙咀特快客源，簡單黎講又兜路拖累。

14X 就係假若 215X 改行彌敦道結果，雖然唔係完全無客，
但尖沙咀班客大多投左票，寧願外圍密車行入去，都未必刻意等彌敦道專車。

215X 同 110 係證明左走外圍絕對做到行街客，咁行彌敦道係唔必要？我認為絕對唔係。
反而行彌敦道對廣東道班客反而仲遠，去尖東班客又自得慢。

另一個問題係，究竟 215X 行法快（2），定 14X 快（1）？答案係 215X 最快。
當年 14X 改循環，未比人踢入海濱道，就算非繁佐敦唔塞車，215X 去到尖東站，14X 先去到美麗華。
何況時至今日，非繁佐敦一樣有機會塞車。

話雖如此，但代唔代表行紅磡（3）無優勢呢？又唔係。
你問我，係觀塘飛左咁多年的士經驗，去尖沙咀最安全行法係：
1. 機隧 + 東九龍走廊 / 下路 + 紅隧口 + 梳士巴利道
2. 機隧 + 下路 + 紅磡道 + 紅磡繞道
3. 太子道東 + 亞皆老街 + 公主道 + 紅磡繞道
4. 機隧 + 東九龍走廊 + 漆咸道南
5. 太子道東 + 亞皆老街＋彌敦道
6. 機隧 + 東九龍走廊 + 佐敦道
7. 機隧 + 下路 + 紅磡站平台 + 暢運道
8. 機隧 + 東九龍走廊 + 蕪湖街 + 紅磡繞道
9. 機隧 + 東九龍走廊 + 蕪湖街 + 紅磡站平台 + 暢運道

當然，如果唔塞，巴士行法一定係 215X 行法最理想，但死亡交叉一至六，朝九至十一，午二至八都塞緊。
當塞到嘔血，反而紅隧口、下路仲行得郁，點解一定要跟傳統行法？

作者: 天空之神 時間: 2019-8-15 07:22
CKR 開之前，紅隧北行既死亡交叉的確阻哂全世界，等同一野欄死成個東九龍出黎既車，但晚間就通常順到上橋

作者: ky927 時間: 2019-8-15 09:01

acc1368 發表於 2019-8-14 13:44
唔俾車插上橋
咁尖東紅隧車點行加士居橋上西九龍走廊?????

咪講左行甘肅街

作者: ky927 時間: 2019-8-15 09:11

miklcct 發表於 2019-8-14 12:42
唔俾紅隧出來嘅車插線上橋，咁等睇成個油麻地交通癱瘓啦！呢段加士居道樽頸係新界西嘅命脈來架，成大半個 ...

咁你又誇張左。加士居道上橋，宜家係三線收一線，個個紅磡好、紅隧好個個都塞係橋口；其實天橋同加士居道+甘肅街平行，行下層係多兩三盞燈，但增加左流動性。

咁嘅車量會癱油麻地，咁應該宜家成個紅隧口係癱左先。

作者: miklcct 時間: 2019-8-15 09:35

ky927 發表於 2019-8-15 09:11
咁你又誇張左。加士居道上橋，宜家係三線收一線，個個紅磡好、紅隧好個個都塞係橋口；其實天橋同加士居道 ...

以往林士街天橋直通金鐘灣仔係兩條無障礙行車線嘅量，而家拆咗條橋，我俾夠3條路（愛丁堡廣場、添華道、分域碼頭街）返告士打道，重要舊時去灣仔北同北角嘅車消失埋，結果繁忙時間一樣癱咗成個中環。
而家紅隧上樽頸係一條無障礙行車線，將啲車引哂落去下面，得兩條要塞燈嘅行車線，而且重要同本身油麻地過海，油麻地返新界嘅車（例如280X嗰種行法）爭路，唔塞死油麻地至奇。

作者: ky927 時間: 2019-8-15 10:22

miklcct 發表於 2019-8-15 09:35
以往林士街天橋直通金鐘灣仔係兩條無障礙行車線嘅量，而家拆咗條橋，我俾夠3條路（愛丁堡廣場、添華道、 ...

中環個流量又唔同漆咸道喎

中灣繞改道後，去夏愨道前後多三盞燈，個問題係愛丁堡廣場根本唔係預呢個流量

漆咸道唔俾內線插隊上橋，係加大甘肅街流量，但係加士居道天橋係單線行，下層係雙線，係路面無得再擴闊或者橋加闊嘅情況下，甘肅街係可以試嘅方向。

作者: miklcct 時間: 2019-8-15 10:31

ky927 發表於 2019-8-15 10:22
中環個流量又唔同漆咸道喎

中灣繞改道後，去夏愨道前後多三盞燈，個問題係愛丁堡廣場根本唔係預呢個流量 ...

咁要加大甘肅街流量嘅話，搞到加士居道同彌敦道個路口要俾大量由紅隧去新界嘅車過路，就會變成彌敦道收皮。

作者: ky927 時間: 2019-8-15 12:38

miklcct 發表於 2019-8-15 10:31
咁要加大甘肅街流量嘅話，搞到加士居道同彌敦道個路口要俾大量由紅隧去新界嘅車過路，就會變成彌敦道收皮 ...

甘肅街係應該加唔到闊，同埋甘肅街嘅流量已經係多過加士居道天橋。因為天橋係單線，甘肅街雙線，同埋東九龍走廊嘅車係行返上橋，甘肅街只係分返海隧同紅磡出黎嘅車。再者，行得下路，亦可以分到小部分去新界西嘅行佐敦道駁西九龍快速公路

作者: sokawaihk 時間: 2019-8-15 13:07

ky927 發表於 2019-8-14 11:03
其實要解決個問題唔係係巴士走線，係漆咸道北啲線要重畫。

西行外線要雙白，只可以上加士居道天橋，其他車 ...

甘肅街／上海街交界嗰支燈等得耐，時不時因為太多車入甘肅街，龍尾停咗喺彌敦道路中心，彌敦道行緊嘅車又過唔到，到燈尾先開返路，去唔切啲車，以致交通擠塞。

呢個情況真係見過唔少次，如果真係咁玩嘅話，會將油麻地交通打柴。

作者: kwn1029 時間: 2019-8-15 20:31
既然紅隧北行去新西上橋現時要交叉過線塞住全世界，行下路的話下路又消化唔切.. 其實如果起多一條連接路去漆咸道最右線上橋又可唔可行呢？具體形容好似紅隧南行出口咁有兩個左彎出口第一條只可出維園道/東廊，另一條就去維園同大坑道果邊咁囉

作者: clivetock 時間: 2019-8-15 21:57

dennis28a 發表於 2019-8-15 04:11
最大關鍵係「佐敦」重唔重要，除左港鐵，觀塘、藍田、油塘本身有紅小、1A、14 係度，
如果做晒成個尖沙咀 ...

跟5A行紅隧口個問題係站位未必夠漆咸道方便，漆咸道行入去彌敦道唔算太遠，同埋啲人本身目的地都可能係彌敦道同漆咸道之間嘅內街，但係梳士巴利道行返入去人流多嘅位實在有啲遠

一係可以考慮去到康莊道之後上紅磡站平台再落返理工

作者: clivetock 時間: 2019-8-15 21:58

kwn1029 發表於 2019-8-15 20:31
既然紅隧北行去新西上橋現時要交叉過線塞住全世界，行下路的話下路又消化唔切.. 其實如果起多一條連接路 ...

嗰度上有公主道同紅磡繞道兩層天橋，下有行人隧道，隔離係火車軌，應該都唔夠位再起新路

作者: dennis28a 時間: 2019-8-16 00:22

clivetock 發表於 2019-8-15 21:57
跟5A行紅隧口個問題係站位未必夠漆咸道方便，漆咸道行入去彌敦道唔算太遠，同埋啲人本身目的地都可能係彌 ...

紅磡站平台一出就係暢運道，會硬食柯士甸道塞車車流，即係萬惡不赦既塞車黑點，千萬唔可以咁行。

作者: dennis28a 時間: 2019-8-16 00:28
本帖最後由 dennis28a 於 2019-8-16 00:36 編輯

kwn1029 發表於 2019-8-15 20:31
既然紅隧北行去新西上橋現時要交叉過線塞住全世界，行下路的話下路又消化唔切.. 其實如果起多一條連接路 ...

最簡單做法根本係曲街附近漆咸道北慢線起條橋上公主道連接路，立即天下太平。
另一個即時要做既方法係將漆咸道南北交界影線改做巴士專線，比巴士優先 Cut 出理工走人，亦會大有改善。

最衰係紅隧上加士居道天橋班無良自私司機，你 Cut 線入快線都算，
打橫封死 2-3 線唔比漆咸道北車 Cut 走，又點會有位比你 Cut 入黎？日日搞到塞車兇手就係果班人。

當然，其實真係應該禁止紅隧口車流直接 Cut 線上橋，再係理工口起條支橋由康莊道快線直上公主道連接路。

作者: 天空之神 時間: 2019-8-16 00:39
其實有渣車就知佐敦道西行果幾支燈絕對好過上橋行西橋返新界西，完

作者: ccchhhuuunnn 時間: 2019-8-16 00:45

dennis28a 發表於 2019-8-15 04:11
最大關鍵係「佐敦」重唔重要，除左港鐵，觀塘、藍田、油塘本身有紅小、1A、14 係度，
如果做晒成個尖沙咀 ...

正解
試過14x emax起計，下繁要成50分鐘先到尖東站
但同時段215X只係大概25-30分鐘
即係個中間點幾乎係佐敦站，明顯215X走綫對大部份人快好多

作者: dennis28a 時間: 2019-8-16 00:46

天空之神發表於 2019-8-16 00:39
其實有渣車就知佐敦道西行果幾支燈絕對好過上橋行西橋返新界西，完

如果個個都咁諗一早天下太平，問題香港人淨係識用 Google Map。

你問我，我直頭唔佐敦道，一早直去何文田山道落衛理道轉出窩打老道。

作者: gu9434@24 時間: 2019-8-16 01:54
如果照樓主講緊既早繁時候計算最穩定走線應該係快線落橋（正常情況下西行龍尾會係康莊道橋底）之後經巴士專線入康莊道南行之後點行係後話

作者: ViviTse 時間: 2019-8-16 02:36

gu9434@24 發表於 2019-8-16 01:54
如果照樓主講緊既早繁時候計算最穩定走線應該係快線落橋（正常情況下西行龍尾會係康莊道橋底）之後經巴士 ...

係咪意思停紅磡站(5A果個站)，係會大致暢順過行理大(215X果個站) or 佑寧堂果邊(98P果個站)?

作者: acc1368 時間: 2019-8-16 06:18

Snoopy@FB8617 發表於 2019-8-14 14:22
咁其實可以迫返晒落去行下面既
整個picture睇而家打大交萬年塞主因都係大量車等上橋
如果沿路燈位可以再執 ...

行下邊點上西九龍走廊?打爆甘肅街都唔掂啦

作者: PC2625 時間: 2019-8-17 02:13
其實現在塞車的元兇, 是當年在理大傍漆咸道西行建造了紅磡繞道支路的落橋位, 佔去了一條行車線, 便形成今天的樽頸位! 另外, 據稱興建中九龍幹線油麻地出口, 稍後須要拆卸油麻地分科診所舊翼, 油麻地警署 (古蹟部份除外), 油麻地多層停車場, 到時如果加士居道天橋重建擴闊, 或可解決問題!

作者: hokachung 時間: 2019-8-17 16:02

PC2625 發表於 2019-8-17 02:13
其實現在塞車的元兇, 是當年在理大傍漆咸道西行建造了紅磡繞道支路的落橋位, 佔去了一條行車線, 便形成今天 ...

加士居道天橋會重建但並唔會增加任何行車綫

作者: 天空之神 時間: 2019-8-17 16:32

dennis28a 發表於 2019-8-16 00:46
如果個個都咁諗一早天下太平，問題香港人淨係識用 Google Map。

你問我，我直頭唔佐敦道，一早直去何文 ...

窩打老道果炸燈陣都唔係人咁品????
十幾支先出到海皮

作者: jpoon 時間: 2019-8-17 21:55

ViviTse 發表於 2019-8-16 02:36
係咪意思停紅磡站(5A果個站)，係會大致暢順過行理大(215X果個站) or 佑寧堂果邊(98P果個站)?
...

印象中早繁主要塞紅隧，早繁跟5A行照計會慢過215X
更加唔駛講梳士巴利道得一個站咁多，又要上落天橋去漆咸道南尖東，相信大部分人會唔方便

作者: S3BL343@66 時間: 2019-8-17 22:10
本帖最後由 S3BL343@66 於 2019-8-17 22:11 編輯

以柯士甸道至梳士巴利道一段的彌敦道黎計，好多客都係廣東道或尖東行番出黎。
當鐵同巴士既差距不大時,巴士行外圍有較大著數。外圍走線其實係對佢地黎講最吸引，行出去彌敦道不如坐鐵。

作者: gu9434@24 時間: 2019-8-18 19:47

ViviTse 發表於 2019-8-16 02:36
係咪意思停紅磡站(5A果個站)，係會大致暢順過行理大(215X果個站) or 佑寧堂果邊(98P果個站)?
...

08:30前經紅磡站會快過理工但之後時間因為慢線有巴士車海行番理工未必會慢過經紅隧..

作者: dennis28a 時間: 2019-8-19 01:25

天空之神發表於 2019-8-17 16:32
窩打老道果炸燈陣都唔係人咁品????
十幾支先出到海皮

窩打老道塞燈但識行，但死亡交叉、加士居道橋係架車停左係度，
正如九龍東去九龍西最安全行法係行亞皆老街原理一樣。

作者: dennis28a 時間: 2019-8-19 01:28

gu9434@24 發表於 2019-8-18 19:47
08:30前經紅磡站會快過理工但之後時間因為慢線有巴士車海行番理工未必會慢過經紅隧..
...

答案都唔會，早繁 5A 行法依舊最快，215X 仲要塞柯士甸道倒流車，以及紅隧打尖車流（轉入暢運道 U-Turn）。

作者: Snoopy@FB8617 時間: 2019-8-19 12:23

acc1368 發表於 2019-8-16 06:18
行下邊點上西九龍走廊?打爆甘肅街都唔掂啦

先調整一下甘肅街既燈可以一踩到尾
連埋街市對出開個小巴站上落坑位
肯清下違泊既
容量唔會唔夠掛
好過日日打爆條漆咸道

作者: tzuyu.taiwan 時間: 2019-8-22 23:11
九巴一定唔會接受走線3，做唔到大半個尖東

歡迎光臨 hkitalk.net 香港交通資訊網 (https://www.hkitalk.net/HKiTalk2/)