hkitalk.net 香港交通資訊網
標題: 東澳古道再度被封 探討沙螺灣村村路背景 [打印本頁]
作者: wawa0006 時間: 2020-10-3 11:51
標題: 東澳古道再度被封 探討沙螺灣村村路背景
近期似乎因為部分遊客的行為 再次引發村民與遊人之間的矛盾, 村民再次將途經沙螺灣村一段東澳古道關起鐵閘,不讓非村民通過, 理由是該段 村路為私人土地。
但本人發現被村民封閉的一段路,大部份路段設有政府路燈, 所以小弟有一點疑惑,究竟該段道路是否確實為私人土地範圍可以隨意被封鎖?
如果路段確為私人土地, 政府便應當在附近另闢新路供市民使用,解決爭議。
利申: 本文主要探討該路段的業權問題。本人亦認同遊人有需要顧及當地居民的感受,亦相信部份遊人的行為確實滋擾到村民。
作者: kei_hk 時間: 2020-10-5 12:42
本帖最後由 kei_hk 於 2020-10-5 12:45 編輯
如果真係私人路段﹐的確係可以封閉唔給其他人使用的。
至於條路是否真係私人地段之內﹐睇下有無人去地政署去check。
而我亦可以同你講﹐被封的區域除左街燈之外﹐仲有公廁﹐亦有垃圾站﹐有路通去公眾碼頭(有公共的渡輪服務)。
甚至條路本身﹐都係政府出過錢做維修重鋪的。
可能係一直都有的政策﹐只要係公眾可到的地方﹐即使係私人地段之內(無圍封)﹐政府都會在合理情況下提供基本的建設﹐包括鋪路﹑街燈﹑公共衛生服務......。
今次再封路﹐收到風唔係因為遊人眾多所引起的問題﹐係另有其他原因的。
這一些村民封路﹐可以講唔會玩的太耐。(大既有能力玩兩三個月)
班村民唔會有持久耐力派人在閘口 "看門口"的。
而且正如你所講﹐條路係有公用服務的﹐真係玩到最大﹐班村民就要求神拜佛這些設置唔好有損壞。
最後﹐咪又係村民自己蝕底﹐死死氣重開條路。
作者: Twinings 時間: 2020-10-5 12:52
kei_hk 發表於 2020-10-5 12:42
如果真係私人路段﹐的確係可以封閉唔給其他人使用的。
至於條路是否真係私人地段之內﹐睇下有無人去地政署 ...
班友今次封路係要求政府起馬路出東涌?
作者: kitarolo 時間: 2020-10-5 13:42
本帖最後由 kitarolo 於 2020-10-5 13:48 編輯
明報2013年連結
明報2020年10月4日連結
如果講到公職人員都唔入得
就應該唔係遊客缺德咁簡單
我贊成佢哋堅守家園㗎
不過就永遠留喺入面唔好
出嚟其他公眾區域
作者: kei_hk 時間: 2020-10-5 14:10
本帖最後由 kei_hk 於 2020-10-5 14:38 編輯
今次唔係要求起馬路去東涌﹐而且成件事都好吊鬼的﹐背後起源係點我都唔係太清楚﹐只係打聽到今次封路的原因。
以下一條片係由反方向行東澳古道﹐由深屈(大澳)一邊行番去沙螺灣(東涌)。
https://youtu.be/b6I3VpXVIho?t=828
條片頭13:45都唔係重點﹐可以唔花時間睇。
13:45分鐘 至 15分鐘 就係重點 (如果條片沿路直行﹐仲會繼續有野睇的)﹐有需要就對比google 街景圖。
我唔想講太多﹐因為這是事起源﹐我都唔係太清楚﹐無謂講錯野對件事有影響。
請自行參透入面細節搵出源機。
只係聽聞唔係政府出錢的﹐自行估下入面的緣機。
作者: kei_hk 時間: 2020-10-5 14:14
之前西貢西灣村有同類事件﹐影響到毅行者活動。
有無人知最後村民與政府之間做左D乜野?
作者: EvilKo 時間: 2020-10-5 15:31
https://www.facebook.com/skywalk ... ts/3127300317380488
有Facebook Page爆料了
作者: kei_hk 時間: 2020-10-5 15:48
既然有facebook page 爆左料﹐就講多少少野。
就係聞說政府打算封路在先(深屈入口加閘)﹐所以村民就先下手為強。
作者: Twinings 時間: 2020-10-5 16:11
當初點解會起深屈道?
作者: kei_hk 時間: 2020-10-5 16:26
唔係太明你這條問題想問什麼。
作者: StanleyVillage 時間: 2020-10-5 16:31
點解政府要一路企硬唔起條車路俾村民呢?
作者: kei_hk 時間: 2020-10-5 17:06
又唔以講話企硬唔起﹐只係陰差陽錯 + 現時村內人口﹐令到現時都未有車路。
上世紀80年代初期﹐當時村內人口都未係現時的低﹐沙螺灣村去到深屈路(馬路)﹐成條步行徑只係得約1.5個人的闊度。
就連深屈路都行唔到車的。(兒時十歲八歲時行過1次)
當年民政署(大既叫這個名啦﹐年代唔同﹐今天已經改稱民政事務署)已經有打算擴闊這條鄉村步行徑﹐達到可通行車的闊度。
不過﹐政府一直都無正式批錢去做這個工程。
但係﹐每一年民政署都有一筆錢專係做鄉村工程。
一些細工程﹐例如重鋪這些鄉村路﹐就係用這一筆錢去做。而沙螺灣一段的東澳古道﹐亦是由這個方式做過重鋪。
每一年﹐這一筆專做鄉村工程的款項都會有些少錢剩的。
唔知民政署有無特別技巧﹐佢可以儲起每年用剩的錢。
去到80年代後期(大約時期)﹐民政署就分段去擴闊這條步行徑去到可供小型車輛通過﹐由深屈路一邊進發。
我估計﹐深屈道亦在這個時期重整鋪路面﹐成為今天的模樣。
由於工程費用高﹐民政署無辦法一口氣 "籌" 到一整筆款式。
所以要不停儲錢﹐夠錢整一段路就去做一段路﹐分好幾期去整。
及後﹐新機場計劃展開﹐最初設計係會填海完全連接大嶼山﹐即係沙螺灣唯一對外的交通﹐即係水路就會無左﹐所以一定要起車路取代。
於是﹐民政署就停止分段去擴闊這一段步行徑。此舉避免工程重覆﹐令到鄉村工程的撥款可以用於其他鄉村。
當時的工程﹐就係你現時google map街景圖你見到的模樣。邊個位開始唔夠闊給車輛通過﹐就係去到那一個位 "暫時" 完工。
(即上面影片我提及的重點開始睇的位置)
再之後﹐機場計劃決定唔會填海連接大嶼山。
就係這個陰差陽錯﹐無左起車路的機會。
而民政署一邊又無再重啟擴闊步行徑計劃﹐可能同人口進一步減少﹐人口老化有關。
十年八年前(唔記得實際年份)﹐政府放過風想起多一條路由東涌沿海去大澳﹐不開放供大眾(汽車)使用﹐沿線居民可使用。
不過﹐件事又係不了了之。
作者: Twinings 時間: 2020-10-5 17:33
kei_hk 發表於 2020-10-5 16:26
唔係太明你這條問題想問什麼。
點解當初會起深屈道?
深屈本身都冇乜村民,但係就特登開山起條深屈道,
不過唔起埋入去沙螺灣,明明地勢唔算崎嶇,應該好易起?(雖然需求唔高,但一樣睇唔出深屈附近需求有幾高)...
作者: kitarolo 時間: 2020-10-5 17:50
搵到本網站2008年舊帖一則
(可集中睇#18內容)
連結按此
作者: kei_hk 時間: 2020-10-5 17:51
本帖最後由 kei_hk 於 2020-10-5 20:32 編輯
del
作者: wawa0006 時間: 2020-10-5 20:57
本帖最後由 wawa0006 於 2020-10-5 21:20 編輯
聽完你講,我上網又搜尋到一份大嶼山發展委員會 交通及運輸小組 的討論文件。
原來2014年確實有研究過建造一條由東涌至大澳,甚至去到二澳分流的沿海道路。
詳情:大嶼山發展委員會 討論文件
作者: wawa0006 時間: 2020-10-5 21:42
本帖最後由 wawa0006 於 2020-10-5 21:43 編輯
kei_hk 發表於 2020-10-5 14:10
今次唔係要求起馬路去東涌﹐而且成件事都好吊鬼的﹐背後起源係點我都唔係太清楚﹐只係打聽到今次封路的原 ...
歸納各師兄資料,推斷有以下可能性:
東澳古道路窄彎多坡度大, 本來設計就並非用作行車道,加上行山人士/行人/踩單車流量不低,尤以假日為甚,根本不適宜電單車行駛,本身對駕車者及其他使用者都造成危險。
本身小眾低調入去玩下,只要唔出事問題還不大,但有人玩完高調放上網,不肯定是甚麼人(村民/行山人士/其他使用者/……??) 作出投訴,有關政府部門便建議加閘,但加閘又直接觸動到駕車出入的村民的出行需要,於是便催生出今次封路事件。
(純屬推斷,有錯請指)
作者: kitarolo 時間: 2020-10-5 21:49
本帖最後由 kitarolo 於 2020-10-5 21:51 編輯
本站2014年舊帖連結
如此天價服務幾千人仲話要有隧道段
就連(新)東涌道都要繼續爬山就知不實際
另外舊帖最尾一個回覆計錯數,應該每人夾
130萬,建議居民向政府申請興建真正私家路
作者: kei_hk 時間: 2020-10-5 22:53
本帖最後由 kei_hk 於 2020-10-5 23:10 編輯
當初民政署年代﹐每年儲錢去做工程﹐擴闊條路目的只係為左緊急車輛/政府車輛服務﹐再加埋少數的村民使用﹐唔會對外開放(包括有嶼南禁區通行証的一般車輛)。
而完成後就同而家近深屈一邊的模樣﹐亦同唔少水塘內的道路一樣﹐唔會明確分開行人路及行車路的。
路窄﹐本身就係只為行人/鄉村車﹐大約1.5個人的闊度﹐當年就係想做工程﹐提升去到可供小型車輛通過的闊度。
現時東涌至深屈一段﹐仲有唔少路段都係這個闊度﹐未做任何擴闊的。
當然﹐亦有部份位置有某些原因已經做好擴闊(最主要係近深屈的位置)﹐足夠供小型車輛通過。
亦有橋因為有其他問題而重建﹐都係預左可供小型車輛使用﹐但前後位置就未做擴闊行人路工程。
如果唔係當年陰差陽錯﹐令到擴闊工程 "爛尾"﹐今天應該完成晒沙螺灣 <> 深屈的行人路擴闊﹐足夠供小型車輛通過。
由於唔會正式對外開放﹐道路的標準會比正常道路要求較低﹐坡度亦可大些少的。
你睇前面條片﹐電單車真係入去玩樂的﹐當係個別例子。
但係條片亦都見到有多部私家車﹐係沿線居民的私家車﹐你都可以講佢地一直都係偷雞開車入去的﹐政府亦隻眼開隻眼閉方式處理。
在馬路同鄉村路的交界﹐你細心留意﹐其實係有道閘放在路邊的﹐有需要時係可以搬番出來 "封路" 的。
政府做擴闊條路﹐其中一個目的就係有需要時﹐小型車輛可以直接駛入﹐所以條路係可以行到車的﹐原則上係行車安全的。
我可以話你知﹐係有救護車入過去的﹐但唔可能去到沙螺灣村﹐只係去到上面影片我提及的重點位置附近。
電單車就一直都可以去到沙螺灣村﹐不過都係如非必要都唔會有政府人員做這件事。
未做擴闊的路段﹐真係堅危險﹐少D技術都好易出事。
作者: Ohm 時間: 2020-10-5 23:39
本帖最後由 Ohm 於 2020-10-5 23:42 編輯
東澳古道於沙螺灣村一段,遊人係有權通過的,可以睇返地政總署嘅網上地圖,雖然有少量行人路處於私人地段,但整體上唔係成個沙螺灣村都係私人地方,遊人係可以通過其中嘅,呢點係毋庸置疑
除此之外,入面仲有遊樂場同公廁,係由政府興建同管理,村民無權將之私有化
至於點解可以被隨意封鎖?如果係2年前,山高皇帝遠係主要原因,而家嘅話,多咗好多原因可以答
作者: wawa0006 時間: 2020-10-6 00:25
同意這段鄉村道路闊度可供小型車輛通過,事實上現時也有不少VV牌的鄕村機動車進出東澳古道。
從google map實景圖片可以看到,深屈村前其實是有消防閘阻止車輛駛入的,有人駕駛電單車入東澳古道遊車河還高調出片推介,某程度就係「玩寸咗」,往後若更多假日或專業車手慕名而來挑戰,對其他道路使用者丶村民以至司機本身所造成的危險程度不問可知。
作者: wawa0006 時間: 2020-10-6 00:35
Ohm 發表於 2020-10-5 23:39
東澳古道於沙螺灣村一段,遊人係有權通過的,可以睇返地政總署嘅網上地圖,雖然有少量行人路處於私人地段, ...
我只是覺得如果條路係私人地段, 政府部門冇理由會在此建設公共設施(正如我十年前經二澳村行去分流, 因為二澳村一帶是私人業權,條路直頭失修荒廢到連條路都搵唔到),估計沙螺灣村就因為有一小部分的必經之路是私人地段,所以村民才夠膽裝鐵閘封路。
作者: kei_hk 時間: 2020-10-6 09:49
未擴闊年代﹐即係上世紀80年代已經有唔少VV牌鄉村車行走。
單純係鄉村車行駛﹐唔做擴闊都無問題的。
至於電單車﹐放上網又真係玩大左少少。
不過﹐其實都無幾多人有條件開部電單車入去的﹐因為連嶼南的通行証都無﹐根本去唔到。(擺明無視禁區者除外)
所以﹐我就會話係個別例子。
* 影片入面3部電單車﹐全部都有嶼南通行證的。據知﹐帶頭的一位係同入面村民好熟的。
其實認真去講﹐電單車 & 入面村民的私家車﹐分別唔係太大。
而這條路即使全面擴闊﹐亦唔會開放給大眾駕車進入。所以﹐你唔需要太擔心的。
開得車入去的人﹐一係警察消防救護﹐一係就是入面的村民﹐2者都知道條路什麼環境﹐都唔會亂來的。
邊有咁多閒人可以開車入去探險 (不包括單車)。
至於單車.... 條路做唔做擴闊﹐佢地一樣可以入去行。
作者: kitarolo 時間: 2020-10-6 10:01
其實都近乎公開秘密咁滯
有途徑唔經過石門甲檢查站
而去到近日被封閉嘅鐵閘位置
作者: s3n370 時間: 2020-10-6 12:32
係咪無人知乜野係right of way?
作者: Ohm 時間: 2020-10-6 13:25
你可以睇返#20 我嘅回覆,行人係唔使經過任何私人土地嘅,然而一開始已經有唔少人被村民塊牌誤導咗以為村內真係私人重地,而實情係只係霸佔緊官地
不過去到咁入,講咩法律都無用,就算開返條路都未必夠膽行,驚路過會受不禮貌對待,但反而村民而家不滿有外人入去,咁最好就永遠都唔好起車路喇費事騷擾到佢地
作者: wawa0006 時間: 2020-10-6 13:32
EvilKo 發表於 2020-10-5 15:31
https://www.facebook.com/skywalkersfootprints/posts/3127300317380488
有Facebook Page爆料了
fb page提及的非法開墾山坡及擴闊路面位置,似乎是深石村而非沙螺灣村,但未知兩者有無關係????
BTW, 真係非法開墾得好離譜,地政應該要介入
作者: kei_hk 時間: 2020-10-6 14:33
當年政府擴闊工程已經去到深石村大邊緣至中間位置﹐深石村早已經可以駕車回家 (合理步行距離)。
而且﹐現時深石村的常住/長住人口﹐真係 "多" 到你唔信
人口結構﹐全部係長者﹐坐$2 車船的一種。
幾樣野加埋﹐真係唔會同你夾錢去整路的。
而整路郁路邊山坡﹐主要就係深石村至沙螺灣的位置﹐再加少部份深石村入面當年未有做擴闊的一小段。
作者: kei_hk 時間: 2020-10-6 14:45
想問你上面2張圖﹐點搵出來? 有無網址提供?
我在 https://www.map.gov.hk/gm/ 睇到一樣野﹐唔知係這一個公開的地圖準確度唔夠高有誤差﹐定係真係有部份路真係屬於私人地段。
地段無出界 (無包括行人路徑)
(, 下載次數: 9)