小評今日出的中巴LM10巴士模型

整體上可以但中間位置補油藍色鴛鴦色
不過可以以接受

有咗M1既LA系列之後，反而覺得呢個原色LM既完美感及像真度有所不及。雖然今次既LM已將司機位後既纖維件及前門位置既傍板轉為黑色，但竟然上層樓梯位既圍板用咗淺藍色而唔係深藍，此其一；其二係上層車尾位置冇特意油粉藍色而係跟返車身用米黃色，有一部甚至唔知點解變咗黑色，如果擁有會員版全紅色既LM5板友應該會知道，呢部係上層樓梯位置既圍板係跟真車用深藍色，而上層車尾既位置真係跟足用咗粉藍色既，所以今次咪對原色有小許失望咗，縱然佢外觀係好像真近乎完美，但論內在細緻度則不及紅色LM5及LA原色系列。
另一方面，今次既QC方面10分滿分既話只能比六分，我揀一部都要睇10部至8部先收貨，不過都唔係完美，其中以LM2@101比較難揀。首先窗框邊有些會油過界，有些黑色甚至會點到窗柱位或有見到點在車頂位置；其次係樓下綠色扶手柱打風，好難會揀到部全部都係垂直唔彎既，我揀4部全部都有彎曲扶手，但冇辦法一來多人攞車，二來店員亦唔係太想比多幾部我睇，無奈其他地方冇乜大問題，外觀可以接受又冇上述問題便收貨。總觀今次原色LM確實比之前既紅色LM5係失望咗，QC差咗之餘（部紅色LM既綠色扶手真係全部垂直冇彎既），應該啱既地方就冇繼續啱落去，雖然上次錯既地方有修正。可能擁有咗LA果種近乎完美既竟界，呢個原色LM就令我有點失望咗，仲要等咗接近一季時間，但結果就不算慢工出細貨，QC方面既退步真令我最不滿，完。

今次LM呢個模比對家尤其車頭嘅像真度真係無得彈，我揀時冇一架有補油，讚! 但係可能LA窗件一塊過，今次係有窗柱，加上米下藍兩截色，所以今次上油方面嘅QC比LA遜色，比較礙眼問題大部分都係黑色窗框油出界情況，正如樓主所講，有啲連窗柱或者點車頂位都有黑油，其次係兩色中間位嘅CMB 字樣附近同車尾路線牌附近上油唔係咁好，有白色印，唔知關唔關印白色油出事? 希望下次出LF冇呢啲問題啦!

guy1021 發表於 2017-11-24 10:40
有咗M1既LA系列之後，反而覺得呢個原色LM既完美感及像真度有所不及。雖然今次既LM已將司機位後既纖維件及前 ...

我揀左十部係買唔落手，唯有揀部少0的問題囉走．
唔係0的窗學你講油到出界就係窗柱中間好似有甩色
．再唔係有部0的藍色有0的飛左幾達上奶黃色度．
．．

我部係LM＠8．．．