有關小巴內籠佈局安排

1. 現時香港小巴用的Rosa和Coaster等基本都是2-1這樣每排3張櫈嘅佈局，但是貌似有些其他不是小巴的公司會在相關車型內安裝2-2每排4張櫈。每行3張櫈同4張櫈呢兩個佈局，每張座位嘅寬度同埋乘客舒適度差幾多？
2. 有關於輪椅小巴，我喺三菱個網度見到有個復康巴士嘅佈局係7.7米長22張櫈(2-2佈局)+後面2個輪椅位+好似復康巴士咁後面開門上輪椅。如果主要係為咗上輪椅嘅話，咁其實用呢款設計咪可以，唔駛用低地台？前面22張櫈改返做2-1每行3張櫈嘅佈局就有17個位，17+2，啱啱好19個，只係上落難搞一啲，相對而言這款Rosa價格相對低地台小巴或者一般的Rosa差多少？
3. 話說現時全球市場上有沒有長度~7米，寬度~2.5米的載客車輛供應，以在未來如果小巴座位數目限制能獲進一步放寬的話可以在無需佔用更多路面空間的情況下橫向擴展增加載客量？

首先回答你第三題：有。
國內大部分5-7米小巴（非“山寨Coaster”）的寬度為2.25米
但也見過一款7.3米長×2.4米寬的中型巴士（與Optare Solo同級，前置引擎）
有些廠甚至做到長度少於7米，但寬度為2.4米的保姆車

關於問題1﹐以小巴(載客19人或以下)來講就唔會有 2+2 座位佈局。但同一款車可以用巴士出牌(載客20人或以上)﹐就可以用 2+2 座位佈區。


根據  《道路交通(車輛構造及保養)規例》第374A章

入面針對巴士及小巴的要求如下 :
71. 通道的闊度 :
在該車輛車廂地板水平以上超過1200毫米的高度，寬度不得少於460毫米

73. 乘客坐位 :
(b)
沿著每個座位的椅背水平地量度時，寬度須至少達380毫米以容納在座乘客，如屬在2004年8月1日或之後登記的公共小巴，則寬度須至少達450毫米以容納在座乘客︰  (2002年第147號法律公告；2007年第152號法律公告)


以我理解 :小巴的車廂最低要求係 45cm x 3座位 + 46cm(通道) = 181cm  (如4座位= 226cm)
巴士的車廂最低要求係 38cm x3/4座位 + 46cm = 160/198cm


而根據附表1﹐小巴車身限制係 長7米﹐闊2.3米﹐高3米。
如小巴要一排4座位﹐車箱內最少要226cm﹐餘下4cm 唔夠做車身結構。
換句話說﹐小巴係無可能出現 2+2 的座位佈局。(除非政府開綠燈/修例。例如現時部低地台小巴﹐係超長的﹐政府出許可證以便出牌)


***************************************************************************
問題2﹐是否想用一些比較長的車型(款)﹐透過安裝升降台去上落輪椅﹐以小巴名義出牌?

7.7米超出現時法例對小巴的車身限制﹐除非政府開綠燈/修例。

現實一些去講﹐如果真係非公共小巴就無問題(eg. 老人院)﹐最多就係載少一兩個人(7米以下的小巴)﹐又或者保養成本高些少。
但係公共小巴(即係紅色綠色小巴)﹐有幾多人肯買部大車(假設政府肯開綠燈﹐可用7米以上的車)﹐再加保養成本提升?
(額外問題 : 操作升降台﹐司機是否需要額外培訓考牌才可操作?)



****************************************************************************

而問題3﹐假如日後再修改小巴座位數目(唔會加1個咁攪笑掛)﹐正路就係會修改小巴車身尺寸限制﹐令到市場上有合適車款可供應用﹐這一點實在不用擔心。

kei_hk 發表於 2018-4-10 11:15
關於問題1﹐以小巴(載客19人或以下)來講就唔會有 2+2 座位佈局。但同一款車可以用巴士出牌(載客20人或以上) ...

有關第二點，而家政府應該已經就為咗低地台輪椅小巴放寬咗呎吋限制，所以如果唔係低地台都可以用輪椅嘅話，唔知政府會唔會都放寬個呎吋限制。就算成本提升，但係應該都會比低地台小巴平吧？

qunow 發表於 2018-4-10 18:05
有關第二點，而家政府應該已經就為咗低地台輪椅小巴放寬咗呎吋限制，所以如果唔係低地台都可以用輪椅嘅話 ...

直到現在﹐小巴的尺寸限制都無修改過。
所有超出尺寸限制的車輛(不論什麼類型)﹐如果沒有政府發出許可證﹐就不能出牌行駛。

上文已經提及﹐現時部低地台小巴係長過7米﹐都係用許可證方式﹐才可獲發牌。
唔少人都知﹐新一代的巴士(直梯車開始)係2.55米做標準﹐同樣地都係有許可證的﹐最初城巴更加會在巴士車頭展示出來。

如果有小巴車主真係有特別理由﹐例如做低地台小巴﹐或者用加裝升降台等等﹐應該在買車之前同政府溝通﹐以便取得許可證出牌行駛營運。


在唔修例的情況下﹐又唔搵政府發出許可證﹐有車主為小巴加裝升降台﹐又符合小巴的法例尺寸限制。
理論上係可以做到的﹐只不過係要減少載客人數(座位)囉﹐例如減4個位做輪椅停泊區域及升降台空間﹐載客量為15人。
當然實際都要等政府去審批﹐是否符合其他安全要求才可成事。

但係﹐有幾多車主肯自減座位去為行動不便的人服務

註 : 小巴載客人數上限係19人﹐但唔代表小巴一定要19個座位﹐只要有8-19座﹐都係屬於小巴。