249X 客量問題

抱歉因為無預計過客量咁極端，所以無做客量統計，只有約數提供。
10/5 去咗遊車河，搭咗 1515 沙市開果班 249X。印象中速度唔算慢，27-28 分到大圍站，我 48 分長亨落咗。
總站連埋我好似上咗唔夠五個，上層得一個。沿途各站上一兩個，大圍上唔夠十個，青沙上咗一個，最後下層窗口位都唔滿架車就過青沙。到咗青衣，慶幸有流水客，部分站有一行多人上車。
諗咗一陣點解非繁客量咁差，我暫時諗到幾個原因：
1. 果日攪錯牌（變咗往沙市），有乘客上車問司機，不過沿途無咩人等車，所以唔似係以為方向錯唔敢上車。
2. 回程我唔知點，不過我就原站等 E21（撞 Cityflyer，雖然最後撞唔到），見到每班 E42 都有平均一至兩人上，未知 249X 會否因為太慢或疏車無法搶客。
3. 青沙使用率持續偏低，當日每個站位都有一兩個人等車，相對一兩年前有次我試過成個站得我一個已經好咗，當然仲有排搞。另外以 249X 走線同價錢，幾乎無人會青沙落車轉其他線（除非過海，但沿途都有一程過嘅 170 182）。
4. 站位問題。個人覺得沙市站位較為隱閉，去青衣首選都係 49X，但呢點 minor 少少。
好老實咁嘅客量分分鐘仲差過 30、74A 等線，有咩解救方法？注意：我只針對非繁客量討論。

順利村 發表於 2018-5-13 11:09
好老實咁嘅客量分分鐘仲差過 30、74A 等線，有咩解救方法？

你肯定? 30同74A繁時會唔會爆閘? 係半滿都不如 ...

咁我指非繁啫...30、74A 繁時唔會頂閘，但如果 249X 非繁客量有問題，唔救條線就等陰乾剩一個鐘一班。
唔好唔記得 30、74A 某 d 位仲有鐵，而 249X 按道理基本上不受鐵路競爭。

一早唔用沙市客倉做尾站的後果

主因都係那個令人生怕既 30 分鐘班次
佢又唔似得 307 / 978 咁有咁大需求
加上轉車站既路線幫助唔大
以沙田區計，249x 行經既地方，287x 都做到
市中心總站則可以用 280x

一，E42競爭，二，青衣西路長亨站遠離民居好唔方便。

係咪可以行楓樹窩路，但會與49x重疊，行青衣西路又同e42重疊(雖然車費有差距)，不過有D人係見車就上，e42又密過249x

根本青衣南係需要條城隧線好過青沙線

平日三點返青衣客量低都好正常至於青沙呢我見上下繁其實有部分人都會轉幾條繁時線
如果青沙可以正常發展到對249X都有幫助