本帖最後由 tonychow 於 2018-11-18 17:48 編輯
中載原意就係等尾站客可以有足夠大機會上到車。尾站上唔到車呢點係每條長途線都可能有問題,例如 104 灣北客太多,就開特車灣北起載去紅隧。
而我支持中載多過開 25 分鐘原因在於中載對尾站客會較有保隌。
我以一架 ATR 計,坐位 59+33=92,總載客量 92+44=136 人。
我假設沙市坐滿 (92) 而且開始企幾個 (100,用約數計住先),過咗車公廟之後應該開始企得逼 (115-120,即係企 23-28 人甚至更多)。
到入大圍站時上幾個,上到 100% 滿,最壞情況甚至幾個都可能上唔到,因為 carlo 如果見到有人留後,就算有人企到架車最後都會照逼。
假設青沙無上落 (事實上我諗亦無客會敢繁時喺青沙等 249X 返青衣,肯定上唔到),全線最大風險係客倉大圍站,因為有機會真係去到上極都上唔到 (其實上到 30-35 人,樓下已經幾逼下),要等多半個鐘 (呢個時候應該開始有人諗 46X 轉 49X 或者落地底)。
如果由 30 變 25 而且真係無客被趕走,按比例沙市會上到接近坐滿 (83),過咗車公廟之後車廂有 96-100 個人,即係樓下企咗 4-8 人。
問題係大圍站原本班客會唔會上到。首先都幾肯定無位坐,其次上到一半,我估計前門至中門已經開始企滿,青沙上車呢個可能繼續可無視。呢個計法源於如果真係逼到 44 人 (首先有無咁多都係個問題,而我一直覺得無),136*0.833-92=21 人。
所以加到 25 之後,預計企 21 人,本來留後果班人會唔會逼到上車? 況且呢個數係用原來班次企 44 個人計,我平時搭 39M,好老實以前全線 3ATENU 雙邊水塘版都未必企到咁多人。
我唔肯定 249X 班 carlo 係咪個個都咁好人,但我都幾肯定其他唔係。呢個問題以 48X 尤其嚴重,只要有人企喺中門附近有條友阻住,中門後走廊無人或者得兩三個人企 (視乎巴士設計,握唔握到扶手亦係另一問題) 前門至中門企滿都好 (以眾安街同大窩口站最嚴重),除非有人落,否則照樣可以中線飛站。
而最擔心果樣野係上到 25-30 人,大圍站依然有人留後,carlo 同乘客講話等下一班。
視乎你覺得巴士載客有咩原則,有部分人覺得班班都要逼沙甸魚先合符成本效益 (尤以九記為甚,之前 41A 個 post 都講過呢樣),但尾站乘客就要永遠面一個唔舒適同有風險車程,呢樣可以透過中載解決。
當然最後仲有一個更好拆線方法,就係 249X 繼續開 30,新加果班車變做 49P 青衣南特車,當然種種原因下我唔覺得呢件事會實現。