浸鹹水遇溺記 第十回 LH797 LH926 初嚐漢沙的故事

繼上回尋找 Bombardier CSeries 由 London City 經蘇黎世返港後後, 今次小弟則乘搭漢沙航空由香港經法蘭克福前往 London City, 展開小弟係英國留學既 Year Three 生涯。雖然小弟多年以來已經乘搭過唔少漢沙集團旗下既航空公司, 例如瑞士航空同奧地利航空, 不過今次係小弟第一次搭漢沙航空。 今次小弟會睇下漢沙同瑞士航空有咩分別, 同埋佢 Skytrax 既第五粒星究竟值唔值啦~~

P.S. 記住睇埋圖片 Caption 吖~~

---Flight Data---
LH797 HKG->FRA
D-AIHX A340-600
STD 2315 ATD 2330 (HKT)
STA 0540 ATA 0500 (CEST)
LH926 FRA->LCY
D-AECH ERJ190
Operated by Lufthansa Cityline
STD 0645 ATD 0655 (CEST)
STA 0715 ATA 0700 (BST)

--- HKG & Boarding ---

今次小弟係選擇係九龍站預辦登機手續 - 可以避過人龍之外亦可以係圓方整餐飯之後先上機 - 漢沙係九龍站係有一個櫃位, 而當晚小弟唔駛排隊就直接預辦左登機手續。 小弟係圓方食完 <del>最後晚餐<del/> 之後就搭機鐵入機場。 今日航班係係中場登機 - 雖然今日航班係幾乎坐滿人, 不過班機係準時 Pushback 既。

值得一讚既係漢沙既通訊系統 - 話說當晚 LH797 同 LH731 既閘口互換, 小弟係機鐵上面已經收到漢沙既電郵通知, 話今晚既閘口已經改左做 212號 - 雖然呢個閘口更改對小弟既行程無咩大影響, 不過呢度係見到漢沙 IT 既功力同佢既 Attention to Detail~~

--- LH797 ---

飛機係香港時間十一點半起飛 - 係四粒 Trent 500 風筒既推動之下, 部 A346 好快就爬升至巡航高度並向北前進~~ 飛機到達巡航高度後, 機組人員便開始派發熱毛巾, Welcoming Snack 同晚餐 - 今日既小食有一包 Pretzels, 而晚餐頭盤則有沙律, 餐包。 主菜有燴牛柳配薯菜, 而甜品則有一個蜜糖蛋糕。 個牛柳係好入味, 而個薯菜配搭得幾好 - 整體上晚餐個份量係啱啱好, 唯整體黎講個餐係非常鹹, 餐後小弟連續飲左兩杯水都依然覺得有少少口乾。

餐飲方面, Lufthansa 提供既酒水係非常齊全既 - 當晚 Drink Service 有三輪 - 係 Welcoming 同 Meal Service 有酒水之外, 漢沙係晚餐後亦有供應 Night-Cap - 甚至有 Baileys 同 Whiskey 供選擇。 係呢度, LH 同 LX 既分別係好明顯 - 瑞士航空只係 Meal Service 期間有一輪酒水提供 (佢既 Welcoming Drink 係 Dry 既, 而佢係無 Night-Cap 既)

漢沙提供既早餐則令小弟極為失望 - 早餐有生果, 餐包, 奄列, 薯角同時蔬 - 杯咖啡係沖得好好飲, 不過份奄列係完全無蛋味。 當然, 煎隻蛋, 雪佢十二個鐘之後再翻熱緊係唔會好食啦, 不過今次隻蛋既味道係淡得好過份, 同埋食落去個口感好粉。

搭得 Lufthansa 既 A340-600 當然要為佢既廁所做個特寫啦 - 同一般既客機唔同, 佢經濟艙既廁所係放係 Cargo Hold 既, 經濟艙既乘客係要行樓梯落一層搵呢五個廁所。 同時, 呢個亦係 Crew Rest - 機組人員休息既位置就係設於廁所旁。

講翻漢沙 A340-600 既硬件啦 - 佢既櫈係幾舒服既, 張櫈氈夠厚之餘, 座椅既 Recline 亦足以小弟舒舒服服瞓左七個鐘, 唯小弟座位既 Seat-Back Pocket 係爛左 (目測經濟艙有三分一既位都爛 Seat-Back Pocket)。 同時, 每個座位都有一個 USB 充電插頭 - 唯個電流輸出好弱 - 叉左部手機六個小時都只係叉多左 20%。

係配置上, 漢沙 A340-600 經濟艙其中一個比較嚴重既缺點就係佢無一個實體既 Call Bell - 話說當晚小弟想攞杯水飲, 眼見身旁既坐係走廊位既閔民旻已經熟睡, 小弟只好用 IFE 內置既 Call Bell 叫機組人員 - 唯小弟一啟動個 IFE, 個螢幕就照醒左身旁既閔議員 - 當然小弟事後都有同佢講翻聲唔好意思, 不過呢位閔生真係好無辜咯

漢沙既機組人員服務都幾好 - 雖然漢沙係無香港 Base 既機組, 不過佢既歐洲 Crew 工作態度同樣認真, 唯當日班 Crew 應該只係識講德文, 英文同普通話, 而當日機上係完全無廣東話既廣播。 呢度其實係有個小插曲 - 話說其中一個 Crew 應該係中國 Base, 而呢位 Crew 每見到一位黃皮膚既乘客就講普通話, 而下面就節錄左部分對話

LH菇: [普通話] 請問你想喝什麼?
我: Can I have a G&T please
LH菇: Oh I'm sorry I've run out - I'll check if we have any more
我: Ah cheers thanks
LH菇: [普通話] 請問你想喝什麼?
我後面位 BBC: [黑人問號ing] Pardon me ma'am?

係 Inflight Entertainment 方面, 漢沙航空既 IFE 絕對係五星級 - 個螢幕係非常高清同靈敏, 而佢既 User Interface 係好易上手。 內容方面, 佢既電影同電視劇既選擇雖然無國泰咁多, 不過佢既種類都算係齊。 同時, 漢沙係有三個新聞台既直播 - 雖然個訊號係西藏上空唔係好穩, 不過可以睇呢幾個台都算係彌補左佢電視劇選擇上既不足~~

由於當日航班係俄羅斯上空遇上強烈順風既關係, 航班係比原定時間早四十分鐘到達法蘭克福, 亦為小弟既 A346 初體驗 畫上一個句號。

--- Frankfurt ---

係法蘭克福轉機都算係一件幾考驗腳力既事 - 落機後小弟就乘搭一部 Shuttle 到另一個 Terminal - 由落機行去個站行左足足十五分鐘, 部 Shuttle 既車程為十分鐘, 而小弟落車後行去閘口就再用多十分鐘 - 如果閣下係 FRA 有 Tight Connection (再加 Bus Gate) 既話咁小弟真係祝閣下好運

講多少少 FRA 既客運大樓啦 - 雖然佢真係好大, 不過佢既通道係好直, 同d指示係好清晰。 裝修方面 FRA 個現代感好強 - 大部分地方都只係用到白/灰/黑三種色, 不過呢個配搭又唔陰沉之餘更能帶出一個好 'Cool' 既感覺 - 而係呢個商場逛亦係一件好舒服既事黎。 唯大部分商舖係六點先營業, 因此小弟大部分時間都係坐左係閘口等等佢開閘。

--- LH926 ---

LH926 既登機程序係六點十分已經開始 - 由於今日所乘搭既 Embraer 190 係泊左係個 Outer Bay, 乘客係要搭接駁巴士登機既。 搭左十五分鐘巴士之後, 我地就到達今日既用機 D-AECH 前面。 由於今日航班既 Loading 只係有大約 50% 左右既關係, 登機程序好快就完成左。 (P.S. 究竟部機係半滿定半吉呢?) Taxi 左出跑道之後, 一眨眼航班已經係巡航高度向英國進發。

到達巡航高度之後, 機組人員便迅速派發早餐及餐飲 - 今日既早餐有一份芝士三文治, 而餐飲方面小弟則叫左一杯咖啡。 雖然份三文治食落有少少乾身, 不過佢係落足料既 - 同 LH797 一樣, 杯咖啡係沖得好香濃好易入口既 - 配上海拔三萬呎迷人既日出, 呢杯可能係小弟飲過最詩意既一杯咖啡之一。 不久之後, 航機已經係沿泰晤士河上空向西飛準備降落。 快手填完 Landing Card 之後, 航機於英國時間七點正降落, 為小弟既 LCY-ZRH-HKG-FRA-LCY LX/LH Round Trip 畫上句號。

--- Verdict ---

對比漢沙旗下既瑞士同奧地利航空, 三者服務既分別係清楚見得到既。 雖然漢沙, 瑞士同奧地利航空係 IFE System 上都係提供同樣既產品, 櫈距又差唔多, 不過係餐飲同服務上, 漢沙係唔少方面上都比佢旗下兩間四星航空公司優勝既。

價錢方面, 雖然小弟一程 LX 一程 LH 既配搭係比小弟來回 LX 既票價貴 $500 左右, 不過小弟覺得呢個機票既差額都算係可接受既 - 而呢個主要係因為漢沙既用機係 A340-600, 相比瑞士既 B777-300ER 座位, 漢沙 A346 既座位相對上係闊好多。 同時, 由於 A346 係採用一個 2-4-2 排位, 相對上私隱度同個人空間都會多少少。 (尤其係 LH731/LH797 等呢類 Red-Eye Flight - 當張櫈既闊度同坐距會直接影響你既睡眠質數既時候, 小弟係唔會介意俾多少少錢瞓得舒適少少既)

總括而言, 呢趟旅程絕對無令小弟失望 - 漢沙既服務絕對稱得上係五星級, 而佢座位既舒適度同 Inflight Entertainment 都幾好。 雖然佢 LH797 既膳食真係有好大改善空間, 不過整體上, 呢個 Trip 都算係值回票價既~~




今次小弟係選擇係九龍站預辦登機手續 - 可以避過係機場預辦登機手續既人龍之外亦可以係圓方整翻餐飯之後先上機~~



始終呢個板都係香港人主場, 小弟係呢度就唔曬口水介紹呢個 "香港國際機場中場客運廊" 啦~~



今日既用機 - D-AIHX



第一行 Economy 既無敵 Seat Pitch - 呢個位係可以於 -24h Check-In 時免費選購 - 唯由於個餐盤同電視係收係 Armrest 下面, 個座位係比後排既 Economy 位稍微窄



"The Elephant in the Room" - both literally and physically - 呢個就係通往下層廁所既樓梯



今日既 Welcoming Snack & Drink - 一包 Pretzel 及一杯 Gin & Tonic



今日既晚餐 - 個份量係既大, 唯個味係重手左少少



左邊為通上 Passenger Deck 既樓梯, 而右邊鏡面門則為 Crew Rest Entry。



洗手間係非常之好乾淨



LH797 既早餐 - 杯咖啡係沖得好好飲, 不過份奄列係完全無蛋味



平時小弟揀窗口位係為左可以係海拔三萬呎欣賞風景 - 唯今日航程係 100% 係暗中度過, 最後小弟只好乖乖放下窗簾瞓幾個鐘。



Style-less or Stylish? 有時候 白,灰,黑 三隻色既配搭都可以做到幾時尚



今日 LH926 係步行登機既



Lufthansa E190 既 2+2 Cabin Layout



今日 LH926 小弟係揀左 Exit Row 坐 - 呢排櫈除左多左 Legroom 同埋右邊有一道門之外其實同一般櫈係一樣既



LH926 派既 Cheese Sandwich - 係幾好食同幾足料, 不過個包就乾身左少少



每個作家都覺得自己嘅作品最純粹最樸素
市面賣得好嘅一般都有危害社會嘅元素
無人會諗自己嘅才能係咪需要進步
但總會覺得自己嘅地位有待提高
[再殺一個人, my little airport]



到達 London City Airport



個 IFE 真係幾易上手 - 相信佢同奧地利航空既 IFE Operating System 係一樣既, 而兩者個 User Interface 一樣都係好 intuitive 同 User Friendly. 同時, 小弟係幾欣賞係機上有得直播睇電視呢個選擇 - 可以跟貼地面發生緊既事之外, 就算睇電影睇到悶都有另類選擇。



漢沙 A346 既安全卡同 Inflight Magazine - 漢沙既安全卡係 A3 Size 黎, 都算係小弟見過既安全卡之中最大份之一。 唯小弟覺得呢張安全卡係極度 Over-engineered - 你一次過 feed 咁多資訊俾個乘客你肯定個乘客會記得曬?



漢沙 E190 既安全卡 - 由於當日小弟係坐係 Exit Row Seat, 呢個 "Seatback Literature" 亦包含一張解釋 Overwing Exit 操作既說明書。




如果閣下鐘意小弟既飛行報告既話, 不妨睇埋小弟之前寫落既飛行報告~~

本帖最後由 S3BL100 於 2018-12-26 04:20 編輯

多謝師兄分享，LH 絕對係我坐過當中最優質既歐洲航空公司。
今年十月坐過佢地既 744，內籠完全反映唔到實際機齡，執得非常企理，keep 得相當唔錯

LH A346 分別 2015 同 2017 年坐過，係我坐過既機型入面，第二最舒適的。
樓下個洗手間亦係一大特色。
想坐 A346，碰到機會就要把握，LH A346 已經閧始陸續退役，
我之前最有機會碰到 A346 既 MUC-DEN 航線，今年亦已經改用 A359

Embraer E-jets 亦肯定係最舒適既 regional jets。
睇來樓主應該同我一樣，出門口可以既話都會揀飛機坐，但似乎比我仲更揀擇

唔知樓主法蘭克福用邊個 concourse？睇落裝修都幾靚，
我十月用 Z11-25 果個 wing 就真係舊左少少喇。


同埋 LH 既餐膳無得彈，但香港 LSG Sky Chefs 水平麻麻，唔知會唔會拖低埋母公司 LH 香港出發餐膳既質素？
如果樓主下次有機會坐 LH 歐洲出發，不妨比較下。
anyway，晚餐有兩件甜品，包括一件奇華蛋糕 (?)，又真係 nice surprise

的確漢莎係小弟暫時試過咁多間歐洲航空公司之中最好既其中一間 - 小弟之後係 book 左搭法航同計畫緊搭芬蘭航空, 屆時睇下佢地既經濟艙做得點啦

師兄關於 HK LSG SkyChef 個點小弟完全認同 - 就算睇其他外國既 Flight Report 個 Concensus 都係讚漢莎係自己 Hub 上既餐

Regional Jet 黎講， 小弟最鍾意都係 Bombardier CSeries (A220) - 雖然張凳既坐距同闊度係差唔多, 不過 BCS 既 Cabin Ambience 同 Air Quality 真係無得輸。 同時, 小弟覺得 E190 既機身比較輕, 經過氣流既時候無 BCS 咁穩重。

本帖最後由 KV8948 於 2018-12-26 18:12 編輯

LH係service方面無可否定一路都keep係好高既水平，但係硬件經常都係差咁啲。
First, Busiess一直都堅持用呢種咁開揚既design，呢款設計for regional就講得過，大部分airline既設計愈黎愈講求私人空間反而LH就冇。

而且IFE mon size通常細主流一個碼，去到依家359終於跟貼返大勢。
近年最失敗應該係rebranding，冇左黃色之後個logo以至cabin design真係差左好多。

本帖最後由 dennisss 於 2018-12-26 21:04 編輯

雖然唔係太熟飛機，但係小弟都係歐洲坐過漢莎同奧地利航空，漢沙坐短途線來回波蘭同德國一千蚊有找個幾鐘都有三文治同野飲，反而仲貴既奧地利航空得包餅連面包都冇塊……
唔知大家有冇興趣睇下漢莎CRJ900同埋奧地利航空既DASH 8 -400呢？

相信小弟同大家一樣都對佢個 Rebranding Exercise 大跌眼鏡
只係改個 Livery (仲要改錯), Inflight Service Concept 又無咩變, 都唔知改黎做咩

閣下只係坐兩個鐘咪好彩咯
上次小弟坐 OS58 既經歷可以係度睇下
https://www.hkitalk.net/HKiTalk2/thread-1063329-1-1.html

A220 其實已經算係 mainline 而唔當 regional jets…

我美國呢邊，Delta 一月尾會有 A220 投入服務，
A220 係我最期待乘坐既機型，可惜暫時已公佈航線，全部都唔近我果頭或者出差要去既地方

btw LH 既新色，我覺得簡直係災難。本來個 branding 簡直係 timeless，
而家新色無晒黃色，一貫形象大打折扣，真係唔知邊個咁聰明諗到要 rebrand

CRJ 系列我美國坐過無數次，反而 Dash-8 我幾有興趣…

舊年歐洲出差完去玩既時候，坐過奧地利航空，
濕租 Air Berlin 既機去飛（Air Berlin 已經玩完），
1.5 小時內陸機，的確係得一包餅派，乘客要甜鹹二揀一。
但最緊要好食就得，服務都 OK

早幾個月又坐過 LH Group 旗下既廉航 Eurowings，
就有 snack box 派，要蛋糕同 cheese sandwich 二揀一，份量估計比樓主既略細，snack box 入面仲有盒紙包水

但呢幾次 snack service 都絕對好過我絕大多數坐美國內陸機既經驗，當然同長途既餐膳就無得比