東鐵9卡/12卡車混跑計劃 (臨門再延期）

如按照上面計劃﹐千九就最快7月開始﹐逢周末都無得出車。

有無消息要混跑幾耐﹐才可全面用新車﹐之後就可以全面提速(因應加速率提升而縮短的行車時間)?

KelvinSJ743 發表於 2019-1-8 18:49
新車可以 19/20 馬季開始可以行紅磡至馬場段載客

當出現混跑載客，即係代表新訊號系統已經可以正式使用，新車可以全線任何車站之間行駛。

睇上面的時間表，3-6月已經係新車最後的載客前調整，包括不同車站的停車位置。

4-5月交政府審批，點都唔會批半條路線用新訊號系統，亦唔會出現列車中途要轉換訊號系統。


所以，根本不需要新車初期只行個別路段。

cruisesnet 發表於 2019-1-8 21:35
仲有烏繩頭, 拖慢東鐵線既吾係千九

我無講千九拖慢晒

我係講千九無得出車之後(用新訊號系統)﹐究竟要幾耐才可以 "全面用新車﹐之後就可以全面提速" 。

即係批老弱殘車無晒﹐新車的加速力提升﹐縮短行車時間。


唔少人都知﹐東鐵千九早在兩鐵分家年代﹐已被人 "落藥" 去遷就批烏蠅頭。
原因就係千九經常性追到前面班舊車﹐令到千九之後係用舊車的班次﹐相差太遠﹐班次唔穩定。

MCMoore 發表於 2019-1-8 20:42
一開頭週六行新系統就好了，週日就不了。費事週一切換時又整鑊甘

其實而家晚上試新訊號系統﹐都要新舊訊號系列轉換。

上次四線齊死﹐只係一個巧合的唔好彩﹐可以講係一直使用的訊號系統有bug。

MCMoore 發表於 2019-1-8 22:58
全日實戰同夜晚行得嗰兩三個鐘又唔同喎

如果套新訊號系統係咁差﹐唔能夠應付日常運作﹐用幾個小時就會出事﹐這套野就根本唔可能收貨啦。
隨時新車上場之前﹐會在周六周日用車量較少的日子﹐可以抽走晒千九﹐新車又唔出﹐但係用新訊號系統。

rickywk 發表於 2019-1-9 09:36
但今次唔止卡數問題，連門位都唔同

都係地下有晒2款門位的貼紙﹐盡量將9卡車集中埋一齊﹐配合月台廣播+月台助理指示去合適的排隊位置。
月台班次display就同時顯示列車的車卡數目﹐乘客都可以預先得知係新車定舊車﹐去合適的位置排隊。

在新車無車卡的位置﹐地面自然唔會有專供新車的排隊貼紙﹐派1-2個人就可以 "趕" 走仍然排隊的乘客。
其他位置就1位職員負責2個門位﹐指示乘客左右移動去合適的排隊位置。


總之在混跑期間﹐一定要用好多人手去處理月台秩序。

唔通仲有更好的處理方法?

DIH 發表於 2019-1-9 11:26
我諗到混跑期間，新車靠近「失卡」位置會非常擠逼。

以前好似見過話新停車位有前有後，唔係簡單對應，部分 ...

個別車卡非常擠逼就必然﹐好難避免。

只有從月台display/廣播﹐令到乘客預先得知下一班車及下幾班車的列車長度﹐乘客自己去尋求/決定最適合的位置等車。

例如本班車係12卡﹐之後係9卡車。我需要上9卡車就避免在9卡車的首尾2卡等侯。
相反9轉12時﹐我可以行去「突出」的車卡﹐這樣有望多些車箱空間。

唔想去思考邊處等車最好﹐就選中間位置﹐會係平衡的選擇。

KelvinSJ743 發表於 2020-4-16 17:22
會不會重演 1990 年鏗鏘集時東鐵綫 9/12 卡混跑混亂情況
雖然比 30 年前已有張貼 12 卡提示同 LED MON ...

其實當年﹐是否每一班車都係固定位置停車?因為黃頭年代﹐真係任由司機在適當位置停車的﹐只要車尾唔 "出街" 就可以﹐所以成日出現乘客要跑來跑去。


而家﹐列車一定係停到最前。
你唔睇任何指示﹐頭9卡位置等車﹐一定無錯﹐最多對唔正門位。
加埋到時有職員在月台指示﹐廣播﹐月台屏幕﹐點都唔會太差。

S3N280_FX8032 發表於 2020-4-16 17:37
因為港島會展及金鐘站地理限制，所以東鐵線會9卡列車及12卡列車雙運作，另屯馬線一期將會爭取今年開通埋 ...

M公司以 "年中" 去描述幾時開始新車上場。
並無一個較細範圍的日子(月份)提供。

註 : 我只睇左頭後直播﹐之後有無再詳細講﹐我就唔知啦。

VA73@2A 發表於 2020-8-29 17:23
想知東鐵係咪買多6列新 R Train返黎?呢6架車黎到成條東鐵線就有43列 R train行
但睇個記者會佢係講得37列新 ...

新買的6抽﹐說穿只係過海段通車時所需的用車。