2024-25年度已公佈的巴士路線計劃
立山黑部春與秋
本帖最後由 DIH 於 2022-6-26 10:59 編輯 「立山黑部阿爾卑斯路線」(立山黒部アルペンルート)中的關(西)電(力)隧道無軌電車(関電トンネルトロリーバス)於2018年11月30日完成歷史任務,由2019年4月開始,其服務將由電容巴士取代。現借此機會,分享一下過去兩次到立山黑部的見聞。 「立山黑部阿爾卑斯路線」是一條連接富山縣立山駅及長野縣扇沢駅的觀光路線,途中經過室堂及黑部水壩,於1971年6月1日全線貫通,由六種交通工具串成,其中五種屬於鐵路(2019年開始則少一種)。由於冬天雪量龐大,每逢年尾會封山,每年營業時間大約由4月中至11月底。開山之前,營運方會在立山有料道路進行除雪,由4月至6月間都可體驗壯觀的雪牆;6月中開始,黑部水壩會有觀光放水;到了秋天,則漫山紅黃。 官網(日文):https://www.alpen-route.com/index.php 維基(英文):https://en.wikipedia.org/wiki/Tateyama_Kurobe_Alpine_Route (可自行選擇其他適用語文) 我在2013年6月跟團由西向東走畢全程一次,後於2017年9月自由行從扇沢來回室堂一次。以山上天氣,可算晚春及初秋,故以春秋命題。 2013年6月 我地個團係不設雪牆漫步的第一日,團費較平,而山上仍有尚算可觀的雪牆殘留。 乘旅遊巴抵達立山駅 第一段係立山纜車 全線概觀 雖然時為6月中,山上海拔2000米左右的地方,氣溫只有約14度。 纜車很斜,採用梯級式月台及車廂。 由立山駅往美女平駅 於美女平轉乘混能巴士,係六種交通工具中唯一非鐵路者。 称名滝,由立山溶雪水流到弥陀ヶ原邊緣傾瀉而下形成。 美猴王 巴士車程長達23公里,行駛約一半後積雪漸厚。 抵達弥陀ヶ原後豁然開朗,白雪皚皚。 雪牆不斷增高 去到最壯觀處,雪牆約有10米高。 抵達室堂總站 出去行下,係我人生第一次見到真雪。 午膳後乘搭立山隧道無軌電車往大観峰 隧道主要為單線,於立山山峰下方設有會車處。由於當時太累,相機亦無咁靚,無拍片。 到達大観峰 轉乘立山索道之前,先到天台觀景。下面係黑部湖。 遠望下方黒部平駅 雖然已從最高的室堂下降,但這裡海拔仍有2,316米,附近依然有積雪。 吊車上攝 到達黒部平 吊車外觀 遠望大観峰駅 吊車又開上山了 之後轉乘黑部纜車,一樣係梯級式設計,全程在隧道內,無景可言,而且非常擠迫。 到達黒部湖駅 穿過長長隧道到黑部水壩 海拔1,455米,仍然清涼。 水壩下方尚有少許積雪 當時唔會諗到四年後重臨此地 溶雪水將枯木帶到水壩,現場其實有少少異味。 跟住就搭最後一程車,關電隧道無軌電車。 關電電車近扇沢一段露出地面,可以趁上落車期間影到有背景的相片。 原來當時係黑部水壩落成50周年 (待續)
Advertisement
本帖最後由 DIH 於 2021-8-26 16:02 編輯 2017年9月 相隔4年,重臨舊地扇沢駅。上次陰天,今次係大晴天。 自由行就可以有較多時間影相 扇沢至室堂來回參考時間五個鐘,我地實際上用了六個半鐘。 關電隧道無軌電車累計乘車人次超過6,000萬 網上預訂扇沢來回室堂車票,平過即場買,時價8,160円。 排隊等上車。買飛/換票時職員會指明要搭幾點鐘車,如太多人就會被安排到下一班,為免錯過班次造成連鎖延誤,要提早等車。 上車了 車上有屏幕介紹無軌電車種種 出發! 到達黑部水壩 比起上次,這次實在天朗氣清得多。 上次未放水,今次有放水及彩虹。 由於屋企人腳力有限,冇走上上層觀景台,所以睇唔到水壩全景,殘念。 上次尚有積雪的山頂如今一片翠綠 黑部川也成活水 到黒部湖駅搭纜車上山 尾班車17:00開,但上到山已經走唔到,只適合將於山上留宿人士。一日遊大概預中午到達室堂午餐,例如我搭11:30,中途不作無謂停留(轉車站有大約10分鐘影相時間),都要12:25先到。 今次山上面係12.4度,但陽光普照,感覺唔太凍。 搭纜車前先要爬山 上次搭1號車,今次上落都係搭2號車。 上到黒部平等轉吊車,遠攝上方大観峰駅。 大観峰駅背景 望返黑部水壩方向 黑部峽谷方向 從黒部平搭立山索道上大観峰 科學與傳統結合 大観峰望向黒部湖 望返落黒部平駅及水壩觀景台 望向黑部川上游 再轉12:15的立山隧道無軌電車 8007號車 坐頭位 室堂到着 午餐,室堂唯一一間餐廳,13:30 last order,14:00就閂門。 出去行,立山開始轉紅。 みくりが池(Migurika-ike)。池對岸左方平台位置可以影到池中立山倒影,但家人腳力不佳,亦要預時間返落山(當晚驅車四小時到富士山河口湖),所以無過去。惟有安慰自己,湖面有風,影唔到靚倒影,而事實當時見到一片藍天及宏偉景色已經目不暇給。 落山我就唔貼太多 8008號車 立山索道大観峰下望 又到黒部平 轉返黑部纜車2號仔 落到黒部湖 另一角度看水壩,下午由西望向東係正光。基本上由扇沢上山一日遊,中午於室堂回頭的話,就一直都係前方正光。 再攝黑部川及彩虹 再次穿過又長又涼的隧道到關電隧道無軌電車站 15:35發,大致上都係半個鐘一班,但同一「班」會視乎客量安排多部車行走(「加卡」)。 估唔到竟然係我最後一次搭呢款車 返到扇沢,由於我地搭架車停在隊尾,直接在月台後方走,冇好似上次咁走去車頭影。 據聞日方計劃開放欅平至黑部水壩之間一段關電輸送路線,將黑部峽谷鐵道與立山黑部路線連接,預計2024年開通,屆時就可以一次過玩晒成串景點,可能我到時都會再去。(https://trafficnews.jp/post/81749) 影片集合: 關電隧道無軌電車上山 https://youtu.be/z0qIj0FxOvc 立山索道上山 https://youtu.be/0vOONfFRuhw 立山隧道無軌電車上山 https://youtu.be/DSU16qK-X9w 立山索道落山 https://youtu.be/rgwugMd06GM 關電隧道無軌電車落山 https://youtu.be/4eT59W3YDfY (全文完,多謝點閱。)
見到呢條黑部纜車既梯級式車廂同月台設計,我好自然就諗起年前 去奧地利 Salzburg 坐過既登山纜車 Festungsbahn,同埋 德國 Dresden 坐過既登山纜車 Standseilbahn。 唔同之處在於日本呢條黑部纜車係架空供電 睇過索道兩條片,估唔到有英語廣播,而且係純正美式英語,唔錯唔錯
引用: S3BL100 發表於 2019-3-12 00:13 見到呢條黑部纜車既梯級式車廂同月台設計,我好自然就諗起年前 去奧地利 Salzburg 坐過既登山纜車 Festungs ...