坑口去中華基督教青年九龍會所(窩打老道)

大前提係你邊一日去, 我相信呢幾日去同一個月後去會有差別, 就算係呢幾日都有可能日日唔同, 只可以就最新情況去回答.

16/11改道安排, 98C不經亞皆老街, 20九龍醫院止步, 嚴格嚟講兩線都去唔到青年會, 98D更因漆咸道封閉而停開多日.

港鐵油麻地站月台幕門有小量損毀, 但未至於要關站, 除非路面有衝突, 假日朝頭早去應該冇問題, 坑口站情況要睇出發前有冇被破壞, 如果係平日怕且係條觀塘綫停駛機會大啲, 呢個時候就要搭過海, 經北角 金鐘北上返九龍, 亦難保港島綫會嚴重擠塞.

小巴改道應該冇巴士咁大規模, 可能搭297機隧後落車, 過對面馬路轉小巴28M培正道落車行過去, 或者已經係路面交通最近, 但車費會好乸脷.

無論用咩方法, 呢個時勢唔想遲到就要預多啲時間搭車, 早1.5小時出發較有保障, 至多你早到左去附近「遊覽」下先.

嚟到22號凌晨, 似乎唔駛驚冇地鐵, 呢兩日只係有人阻礙車門或開啟逃生門或按動緊急掣, 延誤時間在接受範圍, 只要比平時預多20-30分鐘, 遲到機會應該不大.

所以為保險計, 7:15-7:30出門口搭地鐵, 最好就係搭過海, 北角 金鐘再逆向返九龍, 受社會運動影響機會細啲.